سول بخصوص الباب الخلفي في لانوس 2

[waelfish]

انا نزلت لقيت العربيه مخبوطه في الباب الخلفي حته دخله خوه فانا عاوز افك الباب من خوه بحيث اديها خبطه بأيدي علشان شكلها وحش اووووي انا كان في خبطه في الجنب بس رضتها من الشنطه فعاوز اعرف بس افك الباب من جوه ازي علشان اقدر اوصل للصاج وانا عربيتي الزجاج عادي مش كهرباء ياريت بس تقوليلي افكه ازي

[ahmed_mido1889]

بص حضرتك ثواني وهرفع لحضرتك صور الشرح بس بوضحلك اماكن الحاجه عليها

[osama.m]

في مسمارين تقريبا في فرش الباب من تحت و مسمار مكان الايد اللي فوق .. فكهم وشيل الفرش هيخرج معاك .. بس اتاكد ان مفيش مسامير تانية عشان انا نسيت

[ahmed_mido1889]

1-هتفك السمارين اللي ماسكين الفبر من تحت وبعد كده تفك الاكره عن طريق فك التيله اللي بتبقي مسكاها عن طريق غرز مفك عاده بين الاكره وبين الدائره اللي حوالين الصباع وتسلكها ويفضل المفك يكون سنه رفيع





2-تفك المسمار اللي بيبقي في المقبض اللي بتمسك منه الباب وانت بقفله وبعد كده تشد المقبض لفوق علشا يطلع معاك




3-تفك الفريم اللي بيبقي حوالين اكره فتح الباب بسن مفك عاده من اطرافها من بره وهتطلع معاك بكل سهوله




4-هتفك الحته السوده اللي بتبقي جنب الازاز عن طريق الايد هندخلها مكان مجري الازاز ونزقها لبره هتطلع معانا بكل سهوله




5- هنحط طرف مفك عاده بين الفبر و صاج الباب وننطر الفبر لبره هما 6 كلبسات فبر ماسكين الباب(3 من كل اتجاه)




6-نفك المشمع الابيض بالراحه علشان ميتقطعش


كده الصاج بقي باين قدامنا
التركيب بقي
العمليات اللي احنا عملناها بطريقه عكسيه
مع مراعاه عند تركيب الفبر الضغط عليه علشان الكلبسات تبات في مكانها وميبقاش في فرق بين الصاج والفبر
وخلي بالك التيله بتاعت الاكره قبل لما تركب الاكره تضغط عليها بطرف بنسه علشان تمسك في مانها تاني متسيبش الاكره الا لما تحاو تشدها لبره متطلعش معاك
وبالنسبه للمشمع الابيض حاول لو تعرف تديله لزق دبل فيس تحته علشان يمسك مكانه

[hanafyx]

ممكن سؤال هو غريب شوية بس عايز اعرفو و مش لاقي حد اسالو
ازاي بتفك الايد اللي برفع و لنزل بيها الزجاج ؟؟؟؟

[ahmed_mido1889]

ممكن سؤال هو غريب شوية بس عايز اعرفو و مش لاقي حد اسالو
ازاي بتفك الايد اللي برفع و لنزل بيها الزجاج ؟؟؟؟

اللي هي الاكره
بتحط مفك عادهم من تحت يد الاكره وتحط مفك تاني قدامه بين الدائره الفبره والاكره هتلاقي في حته معدن اسمها
تيله تحاول ترفعها هتلاقي اكره الازااز طالعه في ايدك

[hanafyx]

شكرا جدا عالرد السريع و هجلاب و انشاء الله تنفع عشان انا غلبت معاها :d:d

[ahmed_mido1889]

شكرا جدا عالرد السريع و هجلاب و ان شاء الله تنفع عشان انا غلبت معاها :d:d

لاشكر علي واجب
وان شاء الله تنفع
الصور اللي فوق دي انا مصورها وانا بصلح ماكينه السنتر في الجراج بنفسي

[waelfish]

اللف شكر بس انا مش عارف اعمل الاوكره بتاعت الباب

[waelfish]

ممكن حضرتك تصورها من قريب وتقلي ازي بدل مكسر الاوكره علشان انا مش فاهم التيله حتطلع ازي

[ahmed_mido1889]

ممكن حضرتك تصورها من قريب وتقلي ازي بدل مكسر الاوكره علشان انا مش فاهم التيله حتطلع ازي

هحاول ارسملك شكلها لكن حكايه التصوير من قريب دي صعبه لاني ببقي شغال لوحدي

[ahmed_mido1889]

ودي صور التيله وبتبقي ماسكه حوالين صباح الازاز ومن فوق الاكره
كل اللي عليك هتدخل مفك عاده من جنب الاكره وبين الدائره الفبره هتلاقي التيله دي بتبقي باينه
علي انها حته معدن
سن المفك بمجرد اني يعدي تحت التيله تميل المفك ناحيتك وتضغط علشان تحرر التيله

[waelfish]

انا فكيت زكله تمام بس لقيت البتاعه ديه ايه ديه بقي ؟؟؟؟ معلش انا مش عارف ارفع الصوره فعملتها كده



ايه ديه بقي علشان انا لقتها وليقت فيها سلك كهرباء ورايح علي الباب اللي عني اللي هو عند السواق

[ahmed_mido1889]

ايه ديه بقي علشان انا لقتها وليقت فيها سلك كهرباء ورايح علي الباب اللي عني اللي هو عند السواق

اولا مبروك فك الباب
ثانيا دي مكنه غلق السنتر لوك او بمعني اصح مدفع السنتر اللي بيزق السلك علشان يقفل المسوجر بتاع الباب

[waelfish]

ايه يا جماعه محدش عارف ولا ايه انا عاوز اعرف ديه حاج تبع الازاز يعني ممكن اركب ازاز كهرباء قصدي يعمدي ديه مكنه رفع ولا ايه