عندى مشكلة مش عارف حلها يا عماليق الدايو !!!

[magdyusf]

مش هاطول عليكم..

- اول حاجة عملت تنضيف ب STP للرشاشات و كنت بقرص على الماتور على حسب الكلام الى قرأته فى المنتدى

- غيرت البوجيهات بعد ما راجعت على الثغرة بالفيلر 0.7mm واشتريتها من وكيل ال NGK علشان ماتكونش مركونة

- غيرت البنزين الى كنت باستخدمه من 90 الى 92

- وقبل كل ده فكيت الايدل ونضفته كويس وعملت ايدل ليرن

بعد الكلام ده كله العربية بدأت تنتش فى الطلعات
و هى دايرة وانا مش بتحرك بيها بحس ان صوتها فى تنتيشة كأن واحد بيعرج

تقريباً عربيتى مش اخدة على النضافة او انا عملت حاجة غلط

برجاء يا جماعة حد يفيدنى فى الموضوع ده لانه معكنن عليا

[magdyusf]

متابع بأهتمام .,..,.,.,.

[bondjames]

ممكن تكون محتاج تغيير كابلات البوجيهات

[magdyusf]

ممكن تكون محتاج تغيير كابلات البوجيهات

بسيطة - اجرب مافيش مشكلة بس اجيب نوعها ايه مع العلم انى مغيرها من حوالى 6,000 كم كان نوع كورى بحوالى 45ج

[tarek_2005]

لم تنظف بيت الايديل كنترول كويس راجع تنظيفه مرة اخري

[3ateef]

انا كانت عندى نفس المشكلة وبعد تغيير سلوك البوجيهات اتحلت ولله الحمد....

[swimmer25]

أول حاجة إفصل كابل البطارية السالب لمدة 10 دقايق عشان تعمله ريسيت وبعدين وصله تاني واعمل ايدل ليرن من غير ما تدوس علي دواسة البنزين خالص لحد ما تخلص كل الخطوات بتاعة الايدل ليرن واطفي العربية وسيبها برده 5 دقايق

بعد كده جرب واذا كانت المشكلة لسه موجودة ابدا فكر في حاجات تانية

[magdyusf]

لم تنظف بيت الايديل كنترول كويس راجع تنظيفه مرة اخري

اولاً متشكر لاهتمامك
انا فعلاً ما نضفتش بيت الايدل وبصراحة خفت ارش جواه حاجة بس رشيت على منديل ومسحته بحرص علشان ماسيبش حاجة من المنديل جوة وشيلت الايدل تانى بعدها بيومين ولاقيته نضيف

أول حاجة إفصل كابل البطارية السالب لمدة 10 دقايق عشان تعمله ريسيت وبعدين وصله تاني واعمل ايدل ليرن من غير ما تدوس علي دواسة البنزين خالص لحد ما تخلص كل الخطوات بتاعة الايدل ليرن واطفي العربية وسيبها برده 5 دقايق

بعد كده جرب واذا كانت المشكلة لسه موجودة ابدا فكر في حاجات تانية

انا فعلاً عملت كده مرتين مرة لما نضفت الايدل ودى كانت لمدة ساعة ..
والمرة الثانية لما فكيت الايدل علشان ابص عليه بعد يومين نضيف ولا فيه حاجة تانى

انا كانت عندى نفس المشكلة وبعد تغيير سلوك البوجيهات اتحلت ولله الحمد....

انا بفكر اعمل كدة دلوقتى بعد كل المحاولات دى هانزل بكرة اشترى طقم سلوك اركبه بس مش عارف اجيب نوعه ايه ... هل فى نوع معين ولا اى حاجة وافرض المشكلة ماتحلتش اعمل ايه ؟؟؟؟ هل فى حاجة تانى تتعمل ولا اسلم امرى لله واتعايش معاها كدة

[3ateef]

والله يا باشا انا خبرتى مش عميقة للدرجة,,انا كان عندى نفس المشكلة وده كان حلها...

فى انتظار آراء الخبراء...

[migo9898]

غير سلوك البوجيهات

[MOHGOMAA2002]

من الاخر عن تجربة شوف البوجيه الاولانى كابل وبوجيه وغير فلتر البنزين ولو كررت الحركة ممكن حاجة من الاثنين فيوز ترمبة البنزين أو الترمبة نفسها من غير لف و دوران