هو أنا راكب بطة ولا إيه

[تامر.محمد]

الموضوع معقد شويتين....

فيه مقولة بتقول انك تفضل كابس لحد اخر الrpm و بكدة بتستفيد من لفات الموتور للمدى الاقصى على كل نقلة
و مقولة تانية بتقول انك تنقل بيث لما تزود نقلة يبقى الrpm على النقلة الجديدة عند اللفات اللى بيطلع عندها العزم الاقصى للمكنة و بكدة تحقق اقصى تسارع
و فية مقولة بتقول انك تنقل اول ما توصل لعدد اللفات اللى بيطلع عندة اقصى قدرة للموتور لان اللفات اللى ازيد من كدة الموتور بيطلع قدرة اقل
mmamdouh

mmamdouh

طيب , مراجعة معلومات صغيرة , و نقرا الرسمة
المنحنى الأعلى في الناحية الشمال هو منحنى العزم , و التاني هو منحنى القدرة
العربية بتجيب اعلى عزم عند 3400 , بعد كده عزمها بيقل
و اعلى قدرة عند 5800

منحنى القدرة بيزيد طرديا تقريبا , و بيثبت عند 5.5 تقريبا
منحنى العزم بيبقى شبه ثابت بين 2 و 2.4 , زي ما كنت باحس بالظبط , العربية قبل 2.5 بتبقى بطة , يعني الواحد ما يتوقعش تسارع من العربية بين 2 و 2.4 خالص

نفس الكلام بالظبط بين 3.7 و 5 , بس انا عايز افهم , دلوقت انهي تسارع احسن , و العزم نازل ولا و هو ثابت ؟ ولا القيمة الأعلى بغض النظر عن المنحنى شكله ايه ؟

موضوع النقل , محتاج تجربة في رأيي على ضوء مشاركتك اللي فاتت

[semmsem]

الظاهر كده الموضوع ده هيسخني على لانوستي حبيبتي
انا هجرب يارجاله
بس يارب ما افوتش الماتور
ادعـــــــــــــــــــــــــــولي

[bakkarahmed]

الموضوع طلع فيه كمان منحني القدره...طب دانا كنت فاهم موضوع العزم بالعافيه ..تطلع ايه القدره دي كمان.
كمان الفتيس ليه دور كبير في موضوع العزم علشان اختلاف نسب التروس بيخلي دايما اقصي عزم مش شرط يكون علي 3.4 يعني كل غيار ليه نقطه معينه علي rpm بيكون فيها علي البيك بتاعه.
ياريت الناس الفاهمه توضحلنا شويه او بالتقريب الواحد المفروض لما يشد ينقل علي كام ؟؟ لان انا باستحرم اكون علي التاني مثلا واشد بيه لغايه6 rpm
لان ممكن الواحد يوصل لنتيجه افضل مع rpm اقل وبالتالي محافظه اكتر علي الموتور

[M.Zaher]

البولو ليس لها المقدره على مجابهة اللانوس
من اربع شهور كنت راجع من اسكندريه رايح وادى النطرون وكان معايا واحد صاحبى شاهد على هذا الموقف ظلت تلهث خلفى فولكس جيتا اى نعم التسارع بتاعه اعلى بس كنت بحصله واتجاوزه وبسرعه مقبوله وكان معاه واحد صاحبه بيضحك عليه انت العربيه عندك مش متظبطه وممكن تكون انت معرفتش تتسارع بها لان اللانوس مش القطه الى الناس متخيلاها
والله انا بفكر اكتب للناس عليها دى مش لانوس

عملتها مع واحد معاه لانسر و كان هايموت و يعديني كنت بنقل على 6.5 ار بي ام التاني كان لحد 120 و ماجيبتش التالت اصلا

[amado318]

التانى 120 دى المكنه عندى بتفصل اول 50 تانى 85 تالت 130 حضرتك جبت 120 على التانى ازاى

[ahmed_mido1889]

التانى 120 دى المكنه عندى بتفصل اول 50 تانى 85 تالت 130 حضرتك جبت 120 على التانى ازاى

+11111111111111

[mailo]

حلو قوي الكلام ده
هو المكانة عندنا بتفصل لما يتأفور عليها عشان أنا كنت فاكرها هتعمل بوم زي most wanted كده

[lanos_power]

اساسا الجوليت باخدها فى ظهرى و كل الناس اللى تعرفنى بتقولى انت متجريش مع لانوس اجرى مع حاجات اعلى و ان شاء الله هعدل فيها بموتور 1500 2 كامه 16 صمام و هيدرز و ساعتها حاجات كتير اوى هتعانى معايا و مش بتكلم على البولو انما على حاجات اعلى بكتير زى الجولفات 1800 و ما شابه ذلك النقلات فى الشد كالاتى 1-50
2-80
3-120/130
4-160

[Ahmed Nasser]

اللى عايز يشد يجيب اخر الغيار

[mailo]

طب الحمدلله وأنا اللي كنت فاكر نفسي بفتري عالعربية