تركيب فوانيس شبورة

[hanafyx]

السلامو عليكم جميعا ...عايز اعرف تركيب فوانيس الشبورة بيتكلف مصنعية اد ايه عشان ميضحكش عليا و انا لسة مش خبرة اوي ...و ايه احسن كتاوت و احسن لمبات منين و بكام ؟؟

و هل تركيب فوانيس الشبورة برة التوكيل يخرجها من الضمان ؟؟ و تركيب السنتر برة التوكيل بردو يخرج العربية من الضمان ؟؟ عشان انا اصلا مركب سنتر برة التوكيل فلو بقبت برة الضمان اركب الشبورة برة و خلاص :D:D

اسف عالاطالة اعذروني

[khaled_Saga]

اخى العزيز

بالنسبة لمسألة الضمان معرفش عنها حاجة للأسف

بالنسبة للفوانيس وتركيبها انا ركبت فانوسين صينى اى كلام معملوش اى حاجة كانوا ب 100 جنيه تقريبا وغيرتهم لمبتين مجرى لون ابيض بحوالى 30 جنيه بردو مغيروش من الامر شىء اما الكتاوت تقريبا كانت ب 45 جنيه وعامة الكهربائى هيقولك على النوع الكويس متقلقش

المصنعية اعتقد تختلف حسب المكان ومهارة الكهربائى نفسه لكن عن تجربتى الشخصية انا دفعت 20 جنيه ولو انه اخد وقت فى تركيبهم بصراحة

انصحك لو هتركب فوجات هات نوع نضيف ولمبات نضيفة عشان تحس ان فلوسك راحت فى مكانها وانصحك تحط نور اصفر مش ابيض لان الاصفر بيعمل اضاءة اكتر انما الابيض كل اللى بيعمله انه بيعمى اللى ادامك وخلاص

والله اعلم

[hanafyx]

شكرا دا علي ردك ..بالنسبة للفوانيس اللي حضرتك جايبها دي اللي هي عبارة عن ديرة في النص ولا اللي بتاخد كل مكان الفانوس و الانواع النضيفة اللي هي ايه طيب ؟؟و بالنسبة للمصنعية انا سالت الكهربائبي اللي عندي قالي 100 جنية و حضرتك بتقولي 20 جنيه كدا الفرق رهيب اوي ..هو انا بيضحك عليا للدرجادي:s:s

[hitman_soa87]

لا فعلا من 100 ل 20 ج فرق كبير اوي
احسن حاجه انك تلف ومتروحش لاول صنايعي عشان ميدحكش عليك 80ج فرق ضخم جدا
وفعلا لازم تركب حاجه قويه ياما هتدفع فلوسك ومجهودك علي الفاضي

انا بردو نفسي اركب فوججات قويه ياما اركب عدسات للفوانيس واشتري دماغي

[hanafyx]

يعني حضرتك شايف ان 20 جنيه مناسبة للمصنعية ؟؟؟... انا عايز اعرف كذا سعر :d:d

[khaled_Saga]

لا حضرتك دول فوجات بتركب فى مكان الهوايات اللى تحت الاكصدام ده بالنسبة للجولييت عندى يعنى باختصار هم كشافين بيركبوا كل واحد لوحده فى الفراغ اللى فى الهواية وكمان مكنش عندى مفتاح شبورة اشتريته ب 40 جنيه ونفس الكهربائى ركبه مع الفوجات ووالله طلعه عينه ودفعت 20 جنيه بس بس الصراحة هو كان معرفة

عامة ممكن انت تركبهم بأغلى من كده شوية يعنى ممكن تدى لنفسك رينج 50 جنيه بالكتير اوى انما 100 جنيه ده استغلال وجشع اذا كان السنتر والانذار كلهم على بعض اخدوا شغل ساعتين وكنت مركبهم عند ولد معلم واخد 60 جنيه وكنت مستكترهم

لازم تسأل كويس واوعى يضحك علي لان الصنايعية جشعين اوى وانت عارف

بالنسبة للانواع يبقى اعتقد انك تركب زينون ولو انه مستفذ وبيعمى. اعتقد لما سألت ساعتها كان فى حدود 450 جنيه انا راييى انك تنزل على الراجل بتاع قطع الغيار اللى انت بتتعامل معاه وبتثق فيه وهو هيقولك على الصح

وعاوز رأييى بصراحة هم ملهومش لزمة فلوس عالفاضى وبس الا اذا كنت بتسافر كتير فى الشبورة وفعلا محتاجهم

اتمنالك التوفيق وابقى قولى عملت ايه

[hanafyx]

شكرااا بجد ليك ....يعني هما مالهمش لازمة بيضوفوش حاجة في الاضاءة :(:(.....انا بحث الاضاءة ضعيفة .انا مشكلتي بردو بحث ان الاضاءة اودام العربية بس يعني مش منورة الجنبين و بيضايقني دا في الملفات ...قلت الشبورة ممكن تحل المشكلة دي ..ولا ايه ؟؟؟
لو غيرت المبات بنوع انضف ممكن تحل المشكلة ؟؟؟

[khaled_Saga]

بالظبط كده وده رأييى انك تعلى لمبات الفوانيس بلمبات جديدة انضف واعلى وكتاوت كويس والكهربائى يظبطلك وضعية النور فى مكان ضلمة فى وجود حائل زى سور مدرسة مثلا وطبعا الكهربائى دى شغلته وهو عارف الكلام ده

نصيحة غير اللمبات بلمبات لون اصفر ابعد عن التلجى ملوش اى قيمة

انا غيرت اللمبات بالكتاوت والمصنيعة تقريبا اتكلفوا 90 جنيه والنور اتظبط كتير عن الاول .. بالتوفيق

[hanafyx]

حضرتك الكهربائي اللي بتتعامل معاه فين :):)

[ahmed_mido1889]

نصيحه حاول لو تعرف تجيب فوجات استيراد هيبقو انضف من الصيني
انا مركب الصيني الفوانيس لونها غيرت واصفرت
والاضاءه ضعفت مع اني مركب لمبات 100 مجري
وفي كهربائي هيشتغلك يقولك الشبوره ملهاش ضفيره
قوله مجهزه بضفيره وهتلاقي فيشه كل واحده مدلدله تحت الفانوس الكبير
واهم حاجه يثبت الفانيس في مكانهم كويس علشان مش كل شويه اللمبات تتحرق

http://www.nilemotors.net/Nile/194358-a.html

[MMamdouh]

انت دفعت 20 جنية عشان كنت "بتغير" الفوجات مش "بتركب" فوجات... الفرق كبير جدا

MMamdouh

[ahmed_mido1889]

انت دفعت 20 جنية عشان كنت "بتغير" الفوجات مش "بتركب" فوجات... الفرق كبير جدا

mmamdouh

بس يا ممدوح باشا انا كنت روحت ركبتهم في عربيه صاحبي النترا 2007
الراجل عملهم الضفيره ووصلهم لحد الدراع
وركبهم في الاكصدام وخد 20 جنيه

[hanafyx]

نصيحه حاول لو تعرف تجيب فوجات استيراد هيبقو انضف من الصيني
انا مركب الصيني الفوانيس لونها غيرت واصفرت
والاضاءه ضعفت مع اني مركب لمبات 100 مجري
وفي كهربائي هيشتغلك يقولك الشبوره ملهاش ضفيره
قوله مجهزه بضفيره وهتلاقي فيشه كل واحده مدلدله تحت الفانوس الكبير
واهم حاجه يثبت الفانيس في مكانهم كويس علشان مش كل شويه اللمبات تتحرق

طب انا اجيب الفوجات الستيراد دي منين بظبط و بتكون في حدود كام ؟؟؟

و معني ان العربية مجهزة بضقيرة ان انا مش هجتاج اركب كتاوت ؟؟ و ياتري مجهزة بوصلة في دراع نور مثلا ولا هجيب واحد من برة ؟؟؟

[ahmed_mido1889]

طب انا اجيب الفوجات الستيراد دي منين بظبط و بتكون في حدود كام ؟؟؟

و معني ان العربية مجهزة بضقيرة ان انا مش هجتاج اركب كتاوت ؟؟ و ياتري مجهزة بوصلة في دراع نور مثلا ولا هجيب واحد من برة ؟؟؟

من اي حد بيبع قطع الغيار استيراد
هتركب كتاوت في علبه الفيوزات اللي في الموتور
بتوصل سلك من علبه الفيوزات اللي في الصالون
الدراع اللي عندك مفهيوش مكان تنور منه الشبوره
يا تجيب الدراع بتاع الاشارات بتاع الفول اوبشن يا تجيب الزرار اللي بيركب جنب الساعه

[hanafyx]

فوانيس الشبورة الاستيراد بكام ؟؟؟ و الزرار دا بكام