عن نور الفرامل

[bshndi]

السلام عليكم ورحمه الله وبركاته
إخواني أريد أن أستشيركم في حل مشكلة متعلقة بنور الفرامل ، حيث أن نور الإستوبات المتعلق بدواسة فرامل منور دائماً عندي أهداني تفكيري - المنعدم في شئون الكهرباء - إلي خلع مفتاح بلحة مركب أعلي دواسة الفرامل حيث وبذلك عند الضغط علي الفرامل لا يوجد أي نور في خلفية السيارة ، ما الحل في ذلك ؟
لاحظت أن هناك سنتين في دواسة الفرامل حيث أن الفرملة إذا كانت في مستواها الطبيعي مع باقي الدواست تكون اللمبة منورة وإذا جذبتها للخلفسنة آخري تقوم بالضغط علي زرار البلحة وتطفيء نور الإستوبات مش عارف الحل إيه هل ده متعلق بتغيير يايات في هذه الدواسة أم ماذا ؟
إحترامات للجميع

[maka]

الزرار البلحة ده اخلعه من مكانه و بعد ما يبقى فى ايدك شد الجزء المتحرك لبره كويس لانه اتحشر لجوه و مشواره قصر

[bshndi]

شاكر لحضرتك أخي الكريم سأقوم بفعل ما قلته سيادتك وسأقوم بإعلامك بالنتيجة .
إحترامات

[maka]

بالتوفيق

[jojowork1]

الزرار البلحة ده اخلعه من مكانه و بعد ما يبقى فى ايدك شد الجزء المتحرك لبره كويس لانه اتحشر لجوه و مشواره قصر

كلام سليم

[bshndi]

السبب هو شد الدواسه إلي أعلي درجة

قمت بفعل ما إقترحتموه حضراتكم وبالفعل في مشوارين للزرار ده ولكن للأسف لم يفلح ، وذلك لإن أحد بائعين مسوجرات الدركسيون مع الفرامل شد الدواسة بشكل غبي إلي أعلي ، ولابد أن تجذبها بإيدك حتي تصل إلي سن الزرار ، إضطريت أروح لواحد بتاع فرامل قعد يقولي المشكلة في السرفو أو في الماستر مش عارف وعاوزه يوم شغل قولت له سيبني أروح وأرجعلك بكره الصبح بدري وسافرت وروحت لواحد في الإسماعيلية قعد يفك ويربط في أعلي الدواسة إلي أن تم التصليح ، مش عارف بالضبط هو عمل إيه بس في الآخر خد 5 جند وشكراً .
روحت رجعت بعد كده المسوجر الحلو ده وإشتريت مسوجر دركسيون فقط بدون ربط مع الدواسه
إحترامات إلي كل من أدلي بدلوه .

[maka]

قمت بفعل ما إقترحتموه حضراتكم وبالفعل في مشوارين للزرار ده ولكن للأسف لم يفلح ، وذلك لإن أحد بائعين مسوجرات الدركسيون مع الفرامل شد الدواسة بشكل غبي إلي أعلي ، ولابد أن تجذبها بإيدك حتي تصل إلي سن الزرار ، إضطريت أروح لواحد بتاع فرامل قعد يقولي المشكلة في السرفو أو في الماستر مش عارف وعاوزه يوم شغل قولت له سيبني أروح وأرجعلك بكره الصبح بدري وسافرت وروحت لواحد في الإسماعيلية قعد يفك ويربط في أعلي الدواسة إلي أن تم التصليح ، مش عارف بالضبط هو عمل إيه بس في الآخر خد 5 جند وشكراً .
روحت رجعت بعد كده المسوجر الحلو ده وإشتريت مسوجر دركسيون فقط بدون ربط مع الدواسه
إحترامات إلي كل من أدلي بدلوه .

يا باشا مسوجر الدركسيون مع الدواسة اربطه مع الدبرياج مش الفرامل علشان ميحصلش اللى حصل معاك