التيل الخلفي

[memoo305]

أنا مغير تيل فرامل أمامي بتيلgmأصلي . كل حاجة كانت ماشية تمام لغاية من 1000كم (بعدتغييرالتيل الأمامي) تقريبا لاحظت أن لما أجي أهدي بالعربية بأسمع صوت صفارة زي مايكون في وساخة على التيل بيروح لما بدوس فرامل. وأخير1500 كم لما باجي أقف باسمع صوت زي مايكون تيل خلص وحديد بيمسك في بعضة. المشكلة بقى أني مش عارف الصوت ده جاي من قدام ولا ورا.
فازي ياجماعة أعرف أن التيل الورا خلص أو في حاجة؟؟
علماً أن العربية لانوس عاملة 98000 مو 2002 والتيل الخلفي ماتغيرش قيل كده

[MMamdouh]

لازم تفك و تكشف على التيل الخلفى

MMamdouh

[mostafa mahmod]

بعد اذن صاحب الموضوع
هو التيل الخلفى ده بيتغير كل قد ايه

[MMamdouh]

كل ما يخلص... و دة بيحتاج كشف دورى كا مدة

عموما التيل الخلفى بيعيش كتير اوى اوى... عربية والدى عاملة 130 الف كيلو و لسة بالتيل الخلفى الاصلى

MMamdouh

[memoo305]

انا سمعت أنا طالما فرامل اليد ممكن توقف العربية يبقى التيل الخلفى سليم. مش عارف الكلام ده صح ولا أيه
أصل المشكلة أن أنا عند ي الجنوط أسبور ولو فكيتهم للكشف هاأحتاج أرصص تاني

[Mido_Vip]

أصل المشكلة أن أنا عند ي الجنوط أسبور ولو فكيتهم للكشف هاأحتاج أرصص تاني

معلومة جديدة

يعنى انا لو فكيت جنط هحتاج ارصص تانى ( يعنى لو الكوتش اتخرم وهنزل الاستبن هرصص برضه الاستبن )

وشكرا لحضرتك على المعلومة

[swimmer25]

انا سمعت أنا طالما فرامل اليد ممكن توقف العربية يبقى التيل الخلفى سليم. مش عارف الكلام ده صح ولا أيه
أصل المشكلة أن أنا عند ي الجنوط أسبور ولو فكيتهم للكشف هاأحتاج أرصص تاني

معلومة جديدة

يعنى انا لو فكيت جنط هحتاج ارصص تانى ( يعنى لو الكوتش اتخرم وهنزل الاستبن هرصص برضه الاستبن )

وشكرا لحضرتك على المعلومة

لو فكيت الكاوتش من علي الجنط هتحتاج ترصص لأن اللي بيركب الكاوتش مش بيظبطه زي ما كان

لكن لا علاقة لفك العجلة من العربية بالترصيص...والكشف علي تيل الفرامل الخلفي هيخليك تفك العجلة مش تفك الكاوتش من علي الجنط

[MMamdouh]

انا سمعت أنا طالما فرامل اليد ممكن توقف العربية يبقى التيل الخلفى سليم. مش عارف الكلام ده صح ولا أيه

مش شرط... ممكن الهاند عايزة رجلاش فقط لكن التيل نفسة كويس

أصل المشكلة أن أنا عند ي الجنوط أسبور ولو فكيتهم للكشف هاأحتاج أرصص تاني

اللى قالك المعلومة دى بيفتى فتى جامد اوى

MMamdouh

[aam113]

عندى سؤال لو سمحتم : هوا التيل الخلفى خاص فقط بفرامل اليد ، ام انه مسئول ايضاً عن توقيف العربية لما ادوس فرامل مثله مثل التيل الامامى ؟

[MMamdouh]

مسئول ايضاً عن توقيف العربية لما تدوس فرامل مثله مثل التيل الامامى

MMamdouh

[memoo305]

النهارده روحت أكشف على التيل الخلفى لقيت فرده من الجوز الشمال ممسوحة قمت جاي مغيرالتيل الخلفي كله.طبعا حاسس أن كفاة الفرامل بقت أحسن بس المفاجأة بفأة أن صوت الصوصوة إلي بتطلع من العجل (أتأكدت دلوقت أنها بتطلع من العجلة الشمال الأملمي) وبتظهر على السرعة البطية وأحيانا بيقى فيه حكة حديد في بعضة . الأصوات دي بقى زي ماهي.
والمشكلة أنها ساعات تظهر وساعات لا (غالبا الموضوع ده ليه علاقة بسخونة العجل).لأن الميكانيكي قعد يجرب أن في حاجة تظهر مافيش.
مش عارف أكبر دماغي ولا أيه . لإني الميكانيكي لوماشوتولوش على العيب هيعمل عليا أحلى شغل وأنتم سيد العارفين طبعاً

[bshndi]

السلام عليكم ورحمه الله وبركاته
والله مش عارف أقولك إيه بس أنا عندي نفس المشكلة وكنت بعمل رجلاش لفرامل اليد ، الولد تقريباً إشتغلني وقام فك أحد مسامير العجل الخلفي ودخل مكان المسمار مفك عادة وقعد يدوس علي حاجة وقالي كده عملتلك رجلشه :) المهم بعدها في صوت صفارة خفيفة جداً من العجلة اليمين الخلفية ومش عاوز أروح تاني للميكانيكي ومستني صيانة الثلاثين أشوفها في التوكيل المشكلة في إني لسه محصلتش الـ 26 ألف :( . يارريت لو حد يقولنا علي حد ثقة في مدينة نصر نشوف القصة دي عنده
إحترامات

[memoo305]

أنا ياحماعة عرفت ايه سبب الأصوات إل قدام وهي أن الي بيركب التيل فعص الحواف بتاعة صاجة بيسموها السوستة لما بتسخن يتحك في الطنبورة .
بس في حاجة تانية فرامل اليد لما بمشي وأشدها العجل مش يذحف على الأرض. بتبطئ العربية بس . الميكانيكي قال أن ده علشان التيل لسه جديد ولما يعمل 500كم هيطبع . الكلام ده صح ولاايه؟