محتاج مساعده ضرورى... الازاز مش عايز يطلع!!!!

[srm]

ازيكم يا شباب.....

النهارده حصلى حوار رخم اوى العربيه عندى الازاز اللى قدام كهربا

المشكله بقى انى نزلت الازاز اللى جنب السواق ومش عايز يطع خالص... الزرار بتاعها علق

وحاولت معاه كتير ولكن للاسف دون جدوى

المهم انا ققلت العربيه وغطيتها عشان ميبنش ان الازاز مفتوح وربنا يستر بقى .....

حد عنده فكره ممكن يكون ايه الحل للحوار ده عقبال ما وديها للكهربائى

[tarek_2005]

احتمال فيوز (لو الباب التاني مش راضي يفتح الازاز )
احتمال تلف المفتاح ( لو الباب التاني شغال طبيعي )
احتمال تلف موتور ماكينة الزجاج ( لو الباب التاني شغال عادي )

[elpasha1a]

فى حل مؤقت لو العيب فى المكنة كنت شفت بتاع الازاز وهو بيعمل كده
اخبط الباب من الداخل وانت دايس على زرار الازاز لو المكنة معلقة هتشتغل ان شاء الله

[M.Elgergawy]

دا عادي في اللانوس وان لانها كانت معايا وعملت كدا كذا مرة و لو عندك سبراي منظف ارفع الزرار المعلق ورش رشة من جوة واصبر 5 دقائق لغاية لما ينشف وتنظف حواليه وهيشتغل معاك
ومتخليش كهربائي يفك حاجة ويشتغلك في مصنعية وحوارات وإن شاء الله هيشتغل

[Ahmed Nasser]

حصلت معايا قبل كدة
لو انت مش منزل الازاز للاخر
امسك الازاز باديك الاثنين رج الازاز جامد وارفعة لفوق
وخلى واحد يدوس على الزر وانت بتعمل كدة

[srm]

شكرا يا شباب على الردود

الحمد لله روحت عملتو النهارده عند الكهربائى فك الزرار ورش عليه

سبراى منظف واشتغل تانى..........

مكنش عايز ياخد فلوس بس انا اديتو 5 ج