كيفيه اضافة الكتاوت لفوانيس اللانوس

[kh_elshiemy]

السلام عليكم يا اخوتي
اريد تركيب كتاوت لفوانيس اللانوس بنفسي وذلك عن طريق تركيب فيشتين اضافيتين دكر ونتاية (بمعني فيشة للفانوس والاخري في فيشة الضفيرة ويتم تركيب الكتاوت بينهم حتي لا يتم اللعب في ضفبرة السيارة )
واريد ان اعرف من اين اشتري الفيش
وهل يتم ذلك علي الفانوسين ولا يكفي فانوس واحد علي اساس انهم متصلين ببعض عن طريق الضفيرة
وافضل نوع كتاوت وكيفيه توصيل اطرافة للفوانيس والكهرباء
والف شكر .....

[MOK3336]

متاابع

[samirsaid1]

متابع ....

قصد حضرتك ان فيشة دكر ونتاية تتوصل فى الفيشة الموجودة فعلا والناحية التانية يتلعب فيها ونلحم فيها زى ما إحنا عاوزين

ياريت حد من الاخوة يقولنا طريقة التوصيل

وبعد كدة نشوف السلوك هانتصرف فيها ازاى

عشان بصراحة الواحد بقى يخاف من جهل الصنايعية

منتظرين الردود

[tarek_2005]

الموضوع ده كان غاويني من فترة وانا علي علم كبير به وتراجعت للتكلفة وان اللمبات الفيلبس الرالي الي انا مركبها لا تحتاج لكتاوت

الموضوع بسيط ولكن لتلافي اللعب في الضفيرة بتاعة العربية ودا الهدف الرئيسي من سؤال حضراتكم انتا عايز تركب الكتاوت عند الفانوس دون قطع للاسلاك

انشاء الله حاحضر الموضوع ده بطريقة التوصيل والدائرة الكهربية والصور وهرفعهلكم علي المنتدي

بدايتاً

هنحتاج اما لاربع كتاوت كلاكس صغيرة وده سعر الواحد من 7 جم الي 12 جم حسب الجودة او اتنين كتاوت ميكسو فرنساوي للنور وده سعره حوالي 35 جم للواحد

الكتاوت عبارة عن مفتاح كهربائي عادي بس الي بيلامس اطراف التوصيل فيه ليس حركة ميكانيكية من الانسان ولكن حركة ميكانيكية من التيار الكهربي

وظيفته

لو لدينا تيار ضعيف واردنا تحميل حمل عالي عليه (طبعاً الكلام كله علي كهربة السيارة ) بنستخدم التيار الضعيف في تشغيل الكتاوت وندخل التيار القوي علي الكتاوت ونخرجه للحمل الكبير

طبعاً كده انا بقيت مش فاهم حاجة من الي بقوله

بس نركز شوية انا عندي لمبات ذات حمل عالي والسلك الاصلي للضفيرة بيوصلها تيار كهربي ضعيف فلا تعطي اضائتها الكاملة بس وبتحمل علي السلك وممكن تؤدي لاحتراقه

بنجيب الكتاوت الصغيرة ودي اربعة اطراف
طرفان للملف الي بيشغل الكتاوت وطرفان للمفتاح

بنوصل طرفي تشغيل الكتاوت واحد بالارضي والتاني بالسلك الضعيف بتاع الضفيرة الي بيجيله كهربا لما نفتح مفتاح النور

يبقي لو فتحنا مفتاح النور الملف بتاع الكتاوت حيمر فيه تيار كهربي يقوم يوصل طرفي المفتاح ببعض

طب
طرفين المفتاح نعمل ايه فيهم
واحد نوصله بطرف اللمبة الموجب
طب اللمبة ثلاثة اطراف
ايوة واحد للارضي مشترك وواحد للفتيلة بتاعة النور الواطي والثالث لفتيلة النور العالي المهم هناخد طرف اي فتيلة عالي او واطي للكتاوت بتاعنا

وطرف الكتاوت التاني بتاع المفتاح نوصله طرف سلك 6 مم من موجب البطارية مباشر وممكن للامان تعمله فيوز بجوار البطارية ويكون 30 امبير


وانتظروا الصور والموضوع كامل ان شاء الله وانا في الخدمة وجاهز لاي استفسار

[kh_elshiemy]

الف شكر للردود .....بس السؤال ليه 4 كتاوت او اثنين زي ماحضرتك اشرت ....والصنايعيه بيركبو واحد بس كبير...وشكرا للأهتمام

[migo9898]

متااابع

[mohamed_e36]

متابع

[bakkarahmed]

متابع

[tarek_2005]

الصنايعية بيركبوا واحد بس وبيمدوا سليكين 6 مم بين الفانوسين من خارج الضفيرة

اما انا فقصدي انك تمد سلك واحد 6 مم من البطارية الي الفانوس الشمال ثم الي الفانوس اليمين ودا افضل لتوزيع حمل اللمابات علي عدد اكبر من الكتاوت حتي تطيل عمر الكتاوت

[kh_elshiemy]

شكرا علي التوضيح وفي انتظار علي احر من الجمر لتكملة الموضوع ورفع الصور يا بروفيسور طارق

[tarek_2005]

شكرا علي التوضيح وفي انتظار علي احر من الجمر لتكملة الموضوع ورفع الصور [gdwl]يا بروفيسور [/gdwl]طارق

اخجلتم تواضعنا

ما انا الا عبد فقير ومسكين الي الله

وان شاء الله الموضوع سيكون في اقرب وقت

[kh_elshiemy]

كلنا في انتظار الموضوع يا استاذنا

[Ahmed A Rahman]

متابع معاكم جدا جدا

بارك الله فيك يا باشا انا جبت الحاجات ومش عايز اروح للكهربائي إلا بعد ما اكون فاهم

[kh_elshiemy]

ممكن حضرتك تقول لنا جبت ايه بالضبط ومنين واسعارها كام

[kh_elshiemy]

اية الأخبار