قدر الله وما شاء فعل

[Ahmed Nasser]

بسم الله الرحمن الرحيم
السلام عليكم ورحمة الله وبركاته

فى البداية قدرة الله وماشاء فعل ده قدر ونصب ومحدش بياخد اكتر من نصيبة والحمد لله الخبطة كانت بسيطة جدا جدا

هحكيلكم من الاول
كنت انا و والدى و واحد كمان وهو ده اللى كان سايق وكان مجنون بيحب الجرى كان ماشى 160 و والدى بيقولو هدى وهو ولا هو هنا ولما والدى بيقولو هدى كان زاد عن كدة
المهم فضل ماشى على 160 لغاية ما لقينا عربية راكنة على الطريق وفجئة طلع من قدامها كلب
شوف بقا لما تكون ماشى على 160 وتلاقى كلب بينك وبينه 10 متر او 15 متر
طبعا ماكنش فى الوقت الكافى عشان يفاديه وللاسف خده فى وشة
نزلنا قولنا مافيش حاجة وكانت المفاجئة لما جيت البيت

الاكصدام من تحت كلة اتكسر



الاكصدام بارز يجى 1 سم منعند الفانوس الشمال




والسلابنتينة بتاع التكييف





بعد الخبطة بتاع الكلب والدى كمل عليه ولبس فى توك توك



وبعد التوك توك واحد لبسلى العربية فى عمود كهربا وربنا سترها



والفانوس اليمين بارز يجى 1 سم عن الصاج



ايه الحل دلوقتى
الاكصدام واحد قال هيتشد على البارد عند السمكرى هيصرف كام ؟؟
والسلابنتينة لو بايظة هجيب غيرها جديد ولا استيراد ؟؟؟

[acounter012]

اولا قد الله وما شاء فعل
ثانيا بالنسبة للاكصدام في ناس متخصصة فايبر ده ممكن تروحلهم وانا اعرف واحد في عين الصيرة طبعا معرفوض معرفة شخصية بس اعرف ورشته عند مركز شباب عين الصيرة
ثالثا بالنسبة للسربانتيه لو في امكانيات حضرتك تجيب جديد حيبقي افضل من الاستراد طبعا

[Ahmed Nasser]

اولا قد الله وما شاء فعل
ثانيا بالنسبة للاكصدام في ناس متخصصة فايبر ده ممكن تروحلهم وانا اعرف واحد في عين الصيرة طبعا معرفوض معرفة شخصية بس اعرف ورشته عند مركز شباب عين الصيرة

فى واحد قالى الاكصدام هيتشد على البارد عند اى سمكرى ومش عارف الاكلام ده صح ولا لأ
ياريت حضرتك لو تقولى فين مركز شباب عين الصيرة وهل هو قريب من الجيزة ولا من الفيوم

ثالثا بالنسبة للسربانتيه لو في امكانيات حضرتك تجيب جديد حيبقي افضل من الاستراد طبعا

انا مش عارف هية مخرومة ولا لأ
بس هى الجديدة بكام ؟؟؟

[moko_2004]

بص شوف التصليح هيكلف كام و لكن حط في اعتبارك التالي انا من سنتين غيرت اكصدام امامي و كان بحوالي 250 يعني زمانة نزل كتير عن كدة الحتة اللي جنب الفانوس دي خفيفة دا انت ممكن تردها بأيدك هتفك الفانوس و تدخل ايدك و تزقها او بحتت خشبة تركزها علي الحديدة اللي بيركب فيها الفاوس و تنطر الصاج لبرة طلاما ان الدهان لسة كويس ما فيش داعي لسمكري يسرقك
بالنسبة للسربنتينة اكشف قبل ما تغير ميمكن لسة سليمة خلي كهربائي يكبسلها غاز فاضي مش فريون وتشوف هتسرب بشوية مية ولا لأة

[Ahmed Nasser]

بص شوف التصليح هيكلف كام و لكن حط في اعتبارك التالي انا من سنتين غيرت اكصدام امامي و كان بحوالي 250 يعني زمانة نزل كتير عن كدة

يعنى الاكصدام اللى عندى ملوش حل
واللى انت جبتة كان استيراد ولا جديد
ولو استيراد حالة كانت عاملة ايه

الحتة اللي جنب الفانوس دي خفيفة دا انت ممكن تردها بأيدك هتفك الفانوس و تدخل ايدك و تزقها او بحتت خشبة تركزها علي الحديدة اللي بيركب فيها الفاوس و تنطر الصاج لبرة طلاما ان الدهان لسة كويس ما فيش داعي لسمكري يسرقك

دى كانت داخلة لجوه جامدة وواحد من عندنا جزاه الله خيرا عملها زى ما انت بتقول كدة
بس لسة الخبطة باينة والفانوس بارز

بالنسبة للسربنتينة اكشف قبل ما تغير ميمكن لسة سليمة خلي كهربائي يكبسلها غاز فاضي مش فريون وتشوف هتسرب بشوية مية ولا لأ

تكليف الكبس كام عشان مايضحكش عليا
وشكرا لرد حضرتك

[moko_2004]

لأ طبعا كل حاجة ليها حل بس فية بعض الناس اللي بتلحم الفايبر بيستهبلو شويتين في المصنعية فكنت بقولك قبل ما تعمل اي حاجحة اسألة هتكلف كام عشان ميظلمكش
الأكسدام كنت جايبة فبريكة حلة من نص عربية استيراد و كل اللي عملتة رشيت علي الفبريكة من غير اية معجنة و لمعت العربية كلها عشان تبقي مية واحدة
بالنسبة للحتة اللي مخبوطة دي انت زقها شوية كمان هترد او استعمل الثلج الجاف اسهللك "بص علية في اقسام التعديلات والأقسام الاخري " عشان تعرف ازاي تتعامل معاة ومنين تجيبة

السربنتينة مش هياخد منك خمسة جنية كانة هيشحنلك فريون بس بدل ما يشحن فريون هيحط هوا عادي بس المشكلة انك لازم هتحتاج تشحن فريون بعدها لأن هيحصل فرق في الضغط و عشان التكييف يبرد كويس في الصيف وممكن تأجل حتت الفريون دي للأول الصيف اكشف بس دلوقتي

اما الجزء المتخربش بالتكتك لو هو بارز او غاير لازم يتمعجن "في حالة لو هتصلح الأكسدام " و يترش رشة نضيفة و بعدين يتلمع مع العربية كلها
التلميع بالواكس او الشمع او التلميع بالبولش اسهل ما يكون "برضة فية هنا مواضيع بتتكلم علية و بتشرحة بالتفصيل"

[Ahmed Nasser]

متشكر جدا لاهتمامك ياباشا
الخبطة بتاع التوكتوك بارزة وطالعة لفوق

[tiger451]

ربنا يعوض عليك
انا رايي غير السربنتينه تماما ورد الاكصدام عند واحد محترم بتاع فيبر

[Ahmed Nasser]

هى السلابنتينة حتى لو طلعت سليمة
هتحتاج يتعملها زى سمكرة عشان طالعة من مكانها حاولت اردها بس معرفتش

[Ahmed Nasser]

نسيت اقولكم حاجة
من فترة واحد بربع نقل خد الرفرف والفانوس الشمال فى وشة
طعملت سمكرة وجبت فانوس جديد
فى دلوقتى حتة متشالة من الدهان ومكانها فى صدأ
هل فى مشكلة
وممكن الحتة دى يتحتلها اى حاجة معجون مثلا

[moko_2004]

تخلي السمكري يجرد الصدا من عليها بالصاروخ وبعدها تمعجن كل المناطق المتضررة متسيبهم كام يوم كدة خزي للعين وبعدييين تفكر ترش

[Ahmed Nasser]

تخلي السمكري يجرد الصدا من عليها بالصاروخ وبعدها تمعجن كل المناطق المتضررة

مشكووووووووووور ياباشا

متسيبهم كام يوم كدة خزي للعين وبعدييين تفكر ترش

انا متردد بصراحة فى موضوع رش العربية ده
عشان بعد ما هرش لو لقيت فيها خدش هرميها ادام قطر

[moko_2004]

ههههه
لا لا حط في اعتبارك اي حاجة يعني ممكن ترشها و تتخربش بعدها بيوم منتا عارف العين هنا عاملة ازاي
بعد مترش بليل حط العربية في الجراش يومين لما تلم تراب و بعدين ابقي اطلع بيها
بالنسبة للأكسدام هيتجرد الحتة البارزة فقط و هتتمعجن و تترش و لمع كلة مع بعضة غالبا كدة الرش هيكلفك في حدود 300 جنية اكسدام و رفرفين و السمكري هياخد لة بتاع 150 تقريبا يبقي كلة في حدود 500 جنية بالدخان اما لو غيرت الأكسدام هتزيد بتاع 100 جنية علي الحسبة دي
و انا محسبتش السربنتينة لني معرفش سعرها كام

[moko_2004]

ابقي اخلع العلامة بعد ما ترش يومين كدو ابقي ركبها عشان يعني تسيب عيب يخزي العين شوية

[Ahmed Nasser]

ههههه
لا لا حط في اعتبارك اي حاجة يعني ممكن ترشها و تتخربش بعدها بيوم منتا عارف العين هنا عاملة ازاي
بعد مترش بليل حط العربية في الجراش يومين لما تلم تراب و بعدين ابقي اطلع بيها

لما جبت العربية
ماكنش فيها اى خدش يذكر
دلوقتى العربية مليانة خربيش والكبوت مكتوب علية شتيمة وحجات قلة ادب

بالنسبة للأكسدام هيتجرد الحتة البارزة فقط و هتتمعجن و تترش و لمع كلة مع بعضة غالبا كدة الرش هيكلفك في حدود 300 جنية اكسدام و رفرفين و السمكري هياخد لة بتاع 150 تقريبا يبقي كلة في حدود 500 جنية بالدخان اما لو غيرت الأكسدام هتزيد بتاع 100 جنية علي الحسبة دي
و انا محسبتش السربنتينة لني معرفش سعرها كام

التلميع اللى حضرتك بتقولة زى الرش كدة

ابقي اخلع العلامة بعد ما ترش يومين كدو ابقي ركبها عشان يعني تسيب عيب يخزي العين شوية

كلمة نوبيرا والعلامة اتسرقت
والله الواحد كرة العربيات :b4_611: