التكيف ضعيف

[limo]

يا جماعه انا كنت مشغل التكيف انهارضه الساعه 12ونصف وقت عز الحر وكنت حاسس ان التكيف ضعيف اوى لدرجه انى مكنتش حاسس بيه
مع العلم ان التكيف بليل او المغرب او الصبح بدرى التكيف يبقى كويس
العربيه لانوس 99 اوتوماتيك سوداء
فهل انا عندى مشكله ؟

[amrrashed]

نفس المشكلة عندى يا باشا اعتقد انها مشكلة عامة

[memo_hefnawy]

1- عربيتك لونها إسود

2- عز الحر شغل التكييف الأول و إنت فاتح الشبابيك عشان تطرد الهواء الساخن لمدة 3 دقايق مثلا

3- لو الأمور عندك فضلت ذى ما هى ممكن تكشف على ضغط الفريون (رغم إنه مستبعد)

4- الحل الأمثل (مكلف حبه) تركب Vcool ده عبارة عن فيلم بيتلزق على الزجاج من الداخل و يقوم بحجب الحرارة عن السيارة بنسب كبيرة تختلف حسب سعره و مش فاميه هو بدرجات بين الرمادى الشفاف + الأبيض الشفاف و فيه منه شفاف خالص
سعره يتراوح من 700 لى فوق 1500 حسب الدرجة إللى هاتركبها و نوع العربية (النوع مقصود بيه عشان مساحة الزجاج)
وطبعا لو هاتركبه على جزء من الزجاج بس هايكون أوفر (يعنى لو ركبت على البرابريز الأمامى و الشبابيك بس غير ما تركب كله و هكذا

مكان الشركة فى محطة بنزين وطنية بجوار سيتى ستارز :arrow:

[Mohsens]

أنا ركبت فيميه Light Black عند واحد اسمه فزدق في معروف العربية كلها ب150 جنبه... والله حاسس انه مانع جزء كبير من الحرارة...و الlight black ده تقريباً شفاف فالمرور ان شاء الله مش حيغلس غليك.

و علي أي حال و عن تجربة طويلة...اللانوس أصلاً تكيفها مش جامد.

[limo]

الف شكر با جماعه الرد
vcool مش مخالف مروريا ؟
المشكله مش فى مكان الزجاج لان طول ما العربيه واقفه انا مغطيه بشماسه لا المشكله قى الصاج الى بمطس الحراره جامد ويحولها الى الصالون وكمان الاخظ ان العربيه لونها اسود .
وانا بجيب العربيه كنت بسمع قصايد على تكيف الانوس واد ايه بيبقى ثلاجه طبعا الكلام ده عمرى ما شفته خالص ,انا معابا رينو كليو بصراحه فى عز الحر التكيف بعيشك فى جو تانى يعنى لا وجه للمقارنه خالص .
انصحونى اعمل ايه لانى كل ما اروح للراجل بتاع التكيفات يقولى ان التكيف شعال زى الفل ومش عايز يتعمل فيه حاجه

[MMamdouh]

تكييف اللانوس مش بقوة العربيات اليابانى و الحاجات دى... اللى انت بتلاحظة دة طبيعى خصوصا ان عربيتك سودا

MMamdouh

[limo]

انا روحت اول امبارح مركز صيانه فى مدينه نصر علشان اغير طلمبه المياه وخليت الراجل يبص على التكيف بتاع العربيه
وجد ان ضغط الفريون 40 وقالى انه المفروض يكون 30
كمان فتح بلف الفريون وجد ان لموجود هواء على فريون مش فريون بس
سألتوا على السبب قالى انه احتمالين
1-خطا فى الشخن
2-قله التشغيل فى الشتاء

فهل الكلام ده منطقى وهل فى حد حصل معاه الموضوع ده قبل كده ؟

[MMamdouh]

فى الشتاء لازم تشغل التكييف على الاقل 5 دقائق كل اسبوع عشان الجوانات و الاويل سيلات متبوظش... معرفش ايه علاقة دة بالهواء داخل دورة التكييف و غالبا دا خطاء من اللى ملا الدورة لانة ماخدش كل الهواء قبل ما يشحن

MMamdouh

[hfarouk]

يا جماعة حد ركب vcool وجربه فى عربيته فعلا

ياريت اللى ركبه يقول النتائج قبل التركيب وبعدالتركيب من حيث كفائة التبريد للتكييف

[hfarouk]

فى ناس راكبين اللانوس زيرو بيشكرا اوى فى التكيف بتاعها فهل ده صحيح ان تكييف اللانوس ممتاز

[hfarouk]

فى واحد اسمه عشم نوار فى شارع دمشق قالى ان ممكن يخلى تكييف العربية ثلاجة

[hfarouk]

قالى انه هيغسل دورة الفريون بمكنة بوش وهيملى الفريون بعد كده بفريون مش عارف اسمه والعربية اللانوس دى هتبقى ثلاجة والتكيف هيسقع فى عز الظهر

[magomago]

قالى انه هيغسل دورة الفريون بمكنة بوش وهيملى الفريون بعد كده بفريون مش عارف اسمه والعربية اللانوس دى هتبقى ثلاجة والتكيف هيسقع فى عز الظهر

وقالك الموضوع ده هايتكلف كام ؟؟

[ana_3ares]

هو اللون الأسود بيفرق كتير ولا فرق مش محسوس؟؟

[islamkhidr]

انا برضة عندى التكييف ضعيف

وعندى الفتحة بتاعة التكييف ( الهواية ) اللى على اليمين اللى قدام الكرسى اللى جمبى

بطلع هوا ضعيف عن بقية الهوايات ( الفتحات ) التانية

يعنى الفتحات اللى فى النص و اللى عندى انا شغاليين كويس

مش عارف اعمل فيها اية ؟؟؟