التكيف ضعيف

[kemoelord]

السلام عليكم ,, طبعا انا دخلت في اول الموضوع وقرات اراكم وردودكم واليوم بس روحت اشوف موضوع المكيف فروحت لواحد كان معرفه الميكانيكي تبعي كان شغال يعني في مواضيع التكييف والكلام ده المهم انا قولت اخد رايه على سبيل المعرفه المهم قالي انت المكيف عندك كويس وفلتر التكييف مش محتاج يتنظف ومش حاجه بتسرب الحمد لله المهم انت ناقصك بس انك تشحنه فريون وكمان خليته يكشف على ضغط الفريون لاقه مظبوط فخليته يعمله وشحنه بالفعل ب 100 ج والمكيف فعلا بقى بارد عن الاول لكن في نقطه عاوز استفسر عليه وان هل مكيف اللانوس " 99 " او بصفه عامه قوة دفع الهواء فيه مش جامد يعني انا بحس ان الهواء الي خارج من المكيف مش قوي اوي علما بان لما زوده فريون البروده زادت ولا كده يبقى فيه مشكله عندي في المروحه الي تحت الطابلوة ,, ام الفلتر كده محتاج يتنظف واسف على الاطاله

[sokasoon]

ممكن تقولي مفيم منين و بكام؟ و درجة كام؟

انا مفيم العربية من 9 شهور

مفيم عند شكيب اللى فى عابدين

الدرجة : 3

السعر : 150 جنية

[Sherif Khalifa]

وفلتر التكييف مش محتاج يتنظف ومش حاجه بتسرب الحمد لله المهم

لانوس 99 مفهاش فاتر هواء

علما بان لما زوده فريون البروده زادت ولا كده يبقى فيه مشكله عندي في المروحه الي تحت الطابلوة ,, ام الفلتر كده محتاج يتنظف واسف على الاطاله

الايام دى مش مقياس لشدة التكيف علشان النهردة مثلا كان برد فا لو شغلت مروحة حتى هتحس ببرودة

[kemoelord]

عندك حق يا استاذ " شريف " والله لان فعلا اليوم الي عملت فيه المكيف كان الجو فيه كويس غير ان انا لما عملته وشحنته كانت العربيه واقفه في ظل ومريحه حوالي ساعه فلما شحنته لاقيت بالفعل مبرد العربيه بالكامل لكن للاسف اليوم طبعا الجو قلب مره واحده وبقى فيه تراب وحر وكان الكلام ده بعد صلاة الجمعه فلما جيت اركب العربيه واشغل التكييف لاقيته مش مأثر وبردته مش عاليه فاتخنقت اوييييييي وقرفت من العربيه لكن على المغرب كده علشان مش بيكون فيه شمس والجو هدي شوي فالمكيف بيعمل تاثير فدلوقتي هل المشكله من ايه ؟؟؟؟؟؟؟؟؟؟؟؟؟؟؟!!!!!!!!

[mohsen]

النهردة جيت اجرب التكيف الكباس مشتغلش و اشتغل مروحة بس رحت للكهربائى علشان اكشف عليها لئيت الفريون كلة اتسرب و المشكلة كانت من البلف الى فوق كان بيسرب و الغطاء بتاعة مش محكم
جبت بلف جديد 30 جم
غطاء 10 جم
شحن فريون و بيحوط زيت فريون فى الاول علشان الكباس 120- جم
مصنعية 10 جم و شد سير التكيف
اجمالى 170 جم
الحمد للة النتيجة جيدة جدا حتا صوت الكباس اصبح اهدى من الاول بكتير

ممكن حضرتك تقول عملت الكلام ده عند مين وعنوانه ايه
هو بس موضوع ملفت للنظر ان مصنعيات الكلام ده كله عشرة جنيه فقط

[Sherif Khalifa]

دا كهربائى على المريوطية فيصل
لو حضرتك هناك اوصفلك المكان بظبت

بالنسبة للمصنعية هوا معملش حاجة يتاخد عليها فلوس هوا فك بلف و ركب واحد تانى و و كشف على التسريبات بالصابون بعد ما شحنة هواء
الشحن ب 120 جم و دا اكيد كسبان منة بردة

[ElKattan]

محمد جابر فى شارع أحمد حلمي

محمد جابر ده صنايعي كويس جدا وامين وعنده الشحن بمكن بووش زى اللى فى التوكيل والأهم ومابيفتحش شغل
فى شارع احمد حلمي محطة محمد فريد مشهور جدا هناك

[mohsen]

محمد جابر ده صنايعي كويس جدا وامين وعنده الشحن بمكن بووش زى اللى فى التوكيل والأهم ومابيفتحش شغل
فى شارع احمد حلمي محطة محمد فريد مشهور جدا هناك

ممكن موبايله لوسمحت

[ElKattan]

للأسف مش معايا

بس عنوانه سهل وهو مشهور جدا هناك

[mohsen]

بس عنوانه سهل وهو مشهور جدا هناك

طب لو ممكن حضرتك تقول هو بيفتح الساعة كام الصبح يومى الجمعة والسبت

[ElKattan]

من 10:30 صباحا ل 8 مساء

[mohsen]

من 10:30 صباحا ل 8 مساء

طب لو سمحت انا نويت ان شاء الله اروحله يوم السبت ان كان فى العمر بقية
المفروض اسأل على محمد جابر نفسه يعنى هو الى بيشتغلك فى العربية بنفسه ولا اي صنايعى اخليه يشتغل

[ElKattan]

هو ما بيشتغلش بايده قوي
هو عنده طقم صنايعية كتير وهو بيشرف عليهم
المهم أول ما تروح تخش عليه هو وهو يشوف مين يشتغلك فى العربية
أنا أحكيلك على اللى حصل معايا
أنا كان عندي تسريب فى الفيلتر بسبب مسمار. غير المسمار وغير لى 2 أويل سيل وغير لى البلف الصغير بتاع الساقع وحط لى غطاء ليه وشحن المكيف كل ده خد 120 جنيه
قلت له فنطهم لى قال لى الشحن 120 جنيه والباقى كله حاجات عبيطة مش هنتكلم فيها.
وعلى فكرة هو بيشحن بماكينة شحن بوش بتشحن المكيف والعربية مبطلة والماكينة هى المسئولة عن كل حاجة بدون أى تدخل بشري
الماكينة الأول بتسحب الفريون وبعدين تعمل تيست لمدة 3 دقايق علشان لو فيه تسريب يبان وبعدين تضغط فريون وبعدين تضغط زيت علشان لو فيه تسريب بعد كده يعرف يشوف مكان التسريب عن طريق نضارة معينة بيلبسها فالزيت بينور فى النضارة فيعرف مكان التسريب. فشغله صراحة عجبني جدا

[mohsen]

هو ما بيشتغلش بايده قوي
هو عنده طقم صنايعية كتير وهو بيشرف عليهم
المهم أول ما تروح تخش عليه هو وهو يشوف مين يشتغلك فى العربية
أنا أحكيلك على اللى حصل معايا
أنا كان عندي تسريب فى الفيلتر بسبب مسمار. غير المسمار وغير لى 2 أويل سيل وغير لى البلف الصغير بتاع الساقع وحط لى غطاء ليه وشحن المكيف كل ده خد 120 جنيه
قلت له فنطهم لى قال لى الشحن 120 جنيه والباقى كله حاجات عبيطة مش هنتكلم فيها.
وعلى فكرة هو بيشحن بماكينة شحن بوش بتشحن المكيف والعربية مبطلة والماكينة هى المسئولة عن كل حاجة بدون أى تدخل بشري
الماكينة الأول بتسحب الفريون وبعدين تعمل تيست لمدة 3 دقايق علشان لو فيه تسريب يبان وبعدين تضغط فريون وبعدين تضغط زيت علشان لو فيه تسريب بعد كده يعرف يشوف مكان التسريب عن طريق نضارة معينة بيلبسها فالزيت بينور فى النضارة فيعرف مكان التسريب. فشغله صراحة عجبني جدا

الف شكر ليك على هذا التوضيح