السلام عليكم - شوية مشاكل بسيارة لانوس

[kareem_ab]

[OVERLINE]
بسم الله الرحمن الرحيم
انا كريم مهندس نظم معلومات ده اول موضوع ليا

ياريت يا جدعااان حد يفيدني في الي هكتبه علشان انا ذهقت من الميكانيكيا

انا معايا جولييت 1998 استيراد وعندي شوية مشاكل ؟

1 - بحث بونة في دواسة البنزين و خبطة في دواسة الدبرياج خاصة في المطبات او عند اللف

2- مع الغيار التاني العربية بتنطر و بسمع صوت سكعة كدا قدام بعد الكشف قالوا في الفتيس مش عارف صح ولا لاا

3 - بحس بخبطة في الدريكسيون في المطبات

4 - في رجرجرة مع الغيار الاول و التاني بس بسيطة


ياريت اجابة
[/OVERLINE]

[kareem_ab]

محدش ناوي يفدني يا جدعاااان ولا ايه

[omarr]

اكشف على الفتيس و الاسطوانة و الدسك للدبرياج و الدركسيون دى عفشة

[kareem_ab]

انا لسة مغير اسطوانة وديسك

[kareem_ab]

انا لسة مغير طقم دبرياج

[smsm_nabawy]

[overline] [/overline][overline]
بسم الله الرحمن الرحيم
انا كريم مهندس نظم معلومات ده اول موضوع ليا
شرفت يا أخ كريم .. أنا أخوك في الله "حسام النبوي" :)
ياريت يا جدعااان حد يفيدني في الي هكتبه علشان انا ذهقت من الميكانيكيا

انا معايا جولييت 1998 استيراد وعندي شوية مشاكل ؟

1 - بحث بونة في دواسة البنزين و خبطة في دواسة الدبرياج خاصة في المطبات او عند اللف
مش فاهم الونة دي .. هل بتزيد مع زيادة الأر بي أم .. و هي العربية ماشية .. ولا مجرد متدوس عليها بتحس بتزيق ؟؟ و الونة دي و هي العربية ماشية فقط .. ولا و هي واقفة كمان ؟؟؟ و بتزيد مع زيادة اللآر بي أم .. ولا صوتها ثابت مش بيزيد !!

الخبطة بتظهر لما تدوس على الدبرياج ؟؟ بتحس بصةت "تك" أحياناً ... ده عادي .. ممكن تكون علشان انت دوست مرة واحد دبرياج ... و الأسطوانة بتفصل الفلام عن الجير و بتعمل الصوت ده !!

و أحيانً بيكون ليها أسباب تااانية كتير .. منها


المعلقة بتاعت الدبرياج الي بتاخد من الواير بتاعه للبلي و الديسك و هكذا !!

ممكن يكون في بوش في حاجة في الدبرياج بتاعك ..

ممكن يكون الي ركب الطقم آخر مرة .. مركبهوش صح .. و في حاجة مهزوزة أو ركابة متشفته شوية ... أو ممكن راكبة غلط .. و متستعجبش على الي الصنايعية بيعملوه من اخطاء غبية !!!
2- مع الغيار التاني العربية بتنطر و بسمع صوت سكعة كدا قدام بعد الكشف قالوا في الفتيس مش عارف صح ولا لاا
جير بوكس ... و ملهاش دعوة بموتور الحمد لله ولا أعرف أنها عرض من اعراض بوظان اي حاجة في الدبرياج !!!
3 - بحس بخبطة في الدريكسيون في المطبات

عفشة .. و شدادات !! آخر مرة كان عندي كده فعلاً.. رحت للتوكيل .. غيرولي شدادات ..ز و ربطولي عفشة .. و محستش بحاجة من ساعتها :)

4 - في رجرجرة مع الغيار الاول و التاني بس بسيطة
أسطوانة الدبرياج خامتها مش حلوة ....

هي عامةً .. بيكون فيها سوست كده .. بتكون شكلها واضح فيها .. كل مالسوست دي تزيد عددها .. تزيد قدرة الأسطوانة على مص الرجرجة الي في طلعة العربية دي :)

ياريت اجابة
[/overline]

أرجو أني أكون أفدتك

و يا ريت لو حد من الأعضاء شايف اني قلت حاجة غلط .. يصححها بسرعة لتعم الأفادة :)

[kareem_ab]

يا باشا تسلمي بجد

الونة دي طلعت بلية عجلة امامية للافادة للجميع بردو

و مشكلة الخبطة فعلا الفتيس عندي فيه مشكلة

و السحب طلع حساس شكمان

تعبناكوا يا رجالة والله

ان شاء الله انا معاكوا كل يوم لتبادل الخبرات
اخوكوا كريم

[smsm_nabawy]

الله يسلمك و الحمد لله أنك عرفتها بسرعة أهو :)

[blackcode_80]

يعنى باختصار اروح لواحد بتاع عفشة؟؟؟
لان عندى تقريبا الاعراض دى فى عربيتى

[kareem_ab]

اكتبي طيب بتحس بايه بالظبط و انا انشاء الله اساعدك

[mhraslan]

اهم حاجه اوعى تتقفل او تضايق من العربيه لان العربيات ديه ممتازه فعلاً اهم حاجه تتابع مع مركز خدمه كويس او صنيعيه بتفهم مش كفتجيه .
كل العربيات حتى لو زيرو معرضه للمشاكل فعليك بالصبر وان شاء الله هتبقى زى الفل .
على فكره انا بقولك الكلام ده لانى معايا جوليت استيراد زيك وفعلاً مهما يحصل من مشاكل انت لو ركبت نفس الموديل استعمال عندنا هتعرف انك فى نعمه فحافظ عليها واصبر لحد ما تظبها وربنا يباركلك فيها ويكفيك شرها

[blackcode_80]

الاعراض اللى عربيتى:

1- بسمع صوت ونة فى السرعات العالية مع الغيار التالت والرابع بالذات
2- صوت كركبة جاى من العربية من ورا وبحس برجرجة فى الدركسيون لما بمشى على ارض مش مستوية مثلا
3- صوت العربية بيبقى عالى اول لما بدورها ويستمر شوية عامل زى صوت موتور الجرار
4- حاسس ان سحب العربية مبقاش زى الاول زى ماتكون مكتومة تقريبا.

ياريت حد يكون عدت عليه الاعراض دى قبل كده وعالجها يقولى عمل ايه ..........وشكرا

[smsm_nabawy]

الاعراض اللى عربيتى:

1- بسمع صوت ونة فى السرعات العالية مع الغيار التالت والرابع بالذات
2- صوت كركبة جاى من العربية من ورا وبحس برجرجة فى الدركسيون لما بمشى على ارض مش مستوية مثلا
3- صوت العربية بيبقى عالى اول لما بدورها ويستمر شوية عامل زى صوت موتور الجرار
4- حاسس ان سحب العربية مبقاش زى الاول زى ماتكون مكتومة تقريبا.

ياريت حد يكون عدت عليه الاعراض دى قبل كده وعالجها يقولى عمل ايه ..........وشكرا

السلام عليكم
عربية حضرتك أيه !!! دفع خلفي ؟؟؟

حكاية الونة و الكركبة .. لي أحتكاك بيهم في عربية دفع خلفي

العرضين كانو علامة على بوظان كارونة

عامةً ووونة جامدة على السرعات العالية على التالت و الرابع ده كرونة

=======================================

ممكن حضرتك تربط عفشة و تتأكد من المساعدين الخلفيين و الأمامين بالسوست
=========================================
الطبيعي ان صوت الماتور يكون عالي في بداية الدوارة أثناء التسخين ....

و لكن قصد حضرتك بتشبيه المتور بالجرار ...أنه بيرجرج .. ولا بيعمل صوت عجيب.. ولا مجرد عالي أوي ؟؟
======================================
السحب بيعتمد على حاجات كتير جداً يا أخي في الله .. ممكن التاكيهات مقفولة ... و متحمل عليها .. و ده بيغير صوت الموتور و بيخنق العربية !!

ممكن الدبرياج

ممكن البوجيهات

الفلاتر

الكهربا !! عامةً حاجات كتير .. ممكن حضرتك تحاول توضحلنا صيانتك للعربية و متابعتك للحاجات دي ؟؟

تقبل مروري

[blackcode_80]

شكرا لنصايحك .... عموما انا عربيتى لانوس2 موديل 2005 شاريها مستعملة من حوالى 5 شهور

كشفت عليها اول ما جيبتها وغيرتلها زيوت وفلاتر وكل الكلام ده... وكانتت العربية ساعتها زى الفل
الاعراض اللى انا قولتها دى ابتدت تظهر مؤخرا
بالنسبة لموضوع صوت الموتور فعلا صوت تكتكة حتى بعد ما امشى بيها شوية والمشكلة دى ساعات احس بيها وساعات لا..
كمان حضرتك ماقولتليش تعليقك على موضوع رجرجة الدركسيون..

شكرا لمتابعتك ...

[smsm_nabawy]

شكرا لنصايحك .... عموما انا عربيتى لانوس2 موديل 2005 شاريها مستعملة من حوالى 5 شهور

كشفت عليها اول ما جيبتها وغيرتلها زيوت وفلاتر وكل الكلام ده... وكانتت العربية ساعتها زى الفل
الاعراض اللى انا قولتها دى ابتدت تظهر مؤخرا
بالنسبة لموضوع صوت الموتور فعلا صوت تكتكة حتى بعد ما امشى بيها شوية والمشكلة دى ساعات احس بيها وساعات لا..
كمان حضرتك ماقولتليش تعليقك على موضوع رجرجة الدركسيون..

شكرا لمتابعتك ...

معلش أستأذن حضرتك .. انا مش فاهم حكاية صوت الماتور.. ممكن حضرتك توضح فيها أكتر .. يعني الصوت عبارة عن ايه بظبط ... و أمتى بظبط .. ر بيعد فترة طويلة ولا .. هل بيحصل في اوقات معينة.. يعني مثلاً... الصبح فقط .. او مثلاً لما تسخن فقط .. ولا و هيا واقفة فقط ... أو سواء ماشية و واقفة .. بيتكرر كتير ولا .. و ياريت تحاول توصفلنا الصوت ده .. شبهولنا بأي صوت مثلاً

أما حكاية الدريكسون فأسمح لي أن أفرض أحتمالات و أجاوب عليها .. نظراً لأن متابعتي للمواضيع المنتدى ستقل الفترة القادمة .. و مش عايز أتاخر على حضرتك في الرد

فهناك اكتر من حالة

1- هل و هي العربية على السرعات العالية "بتحس برعشة و رجة جامدة في الدريكسون ...." في حين أنه على السرعات البطيئة .. مش بتحس بيها .. أقصد بالسرعات البطيئة ... هو معدل المشي العادي في الشارع .. 40 .. حتى 60 أو ممكن 80 كم \ساعة
في هذه الحالة تكون محتاجة "ترصيص"
================
2- هل بيظهر أثناء الضغط على دواسة الفرامل ... "على اي سرررعة" فعند الضغط على الفرامل.. تشعر برجرجة في الدريكسيون !!!

في هذه الحالة تكون "طنبور الفرامل مش متساوي.. فيه عالي و واطي.. و الحل أنك بتروح لخراط .. يساويلك طنبور الفرامل و يخليه كله في سوى واحد ... "
================
3-الرجرة على السرعات البطيئة أو السريعة .. و ليست متعلقة بالضغط على الفرامل

في هذه الحالة .. ممكن يكون اكتر من حاجة بايظة
*فردة كاوتش من الكاوتش بتاع العجل الي قدام ...
*حاجة في العفشة .. "مقصات.. أو شدادات ... ألخ .."

في هذه الحالة أنصح حضرتك بالكشف على فرد الكاوتش.. لو سليمة يبقى تروح لواحد بتاع عفشة يكشفلك عليها....
==============================متأسف جداً اني أغفلت حكاية الجريكسون .. و متأسف للأطالة !!!!

و يا ريت لو حد شايف خطأ في كلامي يصلحه مشكوراً لتعم الفائدة ...

أرجو أني أكون أفدتك يا اخي في الله ............

تقبل مروري ،،