العربية بتجيب زيت من تحت عندها نزيف داخلى .

[ebrahim_mh]

يا جماعة انا عربيتى النوبيرا بتجيب زيت من تحت عندها نزيف داخلى
مش عارف الزيت ده منين يا ريت حد من الاعضاء يقولى
مع العلم انى مغير اولسيه الكرنك والكوبلن من قريب ياترى ممكن يكون منيين الزيت ده ؟

[M.Zaher]

ممكن الاولسيهات اللى غيرتها تكون مضروبه خلى الميكانيكي اللى ركبهم يعمل تشيك عليهم تاني

[amado318]

طالما نزيف داخلى روح على الدكتور على طول قبل اما زيتها يتصفى و تبقى كارثه

[م/محمد]

OMG call 911
ههههههههههههه
غالبا اولسيه الكرنك طالما بتقول نزيف مش كام نقطه وخلاص
لو بيقف والموتور مطفي 90% اولسيه

[sherifbmw]

لو من الشمال بينزل على الكارتيره الى تحت من نحيت السيور يبقى من اولسيه الكرنك فعلا ده بعد التاكد من جوان غطاء التكاهات ميكونش الزيت بيجى برده من وش المكنه و خلى بالك هات الاولسيهات النضيفه الجى هما 3 كل واحده بتعمل 35 يعنى التلاته هيعملو 95 وجبتهم ب90 عشان المحبه هههههههههه المعفن كله بيعمل 40 جنيه متجبهوش والمشكله دى كانت عندى وقرفتنى بس الدكتور بتاعى ريحنى الدكتور احمد علام اشهر ميكانيكى سيارات فى طنطا