صوت غريب بعد سرعه 140

[amado318]

بعد اما بتخطى سرعه 140 وما فوق بسمع صوت فس فس ففس فسسسسس وعزم الماتور بيقل بعدين يختفى الصوت وعزم المكنه يكون طبيعى

[moko_2004]

معرفش دة سسبة اية بس ابقي اكشف علي egr و علي vgis هتلاقي واحد فيهم مش مضبوط يا اما خرطومة مفكوك او حاجة فيهم خربانة

[amado318]

شكرا على الرد

العربيه دايو لانوس

[moko_2004]

موجود فيهم الاتنين وانا شايف يبدأ ب EGR الأول لأنة هو اللي عادة بيبوظ اسرع و يتم الكشف علية بفايكوم دور علي you tube وانت هتلاقي فيديو لأختبار EGR

[amado318]

انا عربيتى مافيهاش egr ولا حساس شكمان فيه بوتشميتر

[moko_2004]

شوف vgis وغيرة اذا لزم الأمر لأنة هو بيعمل صوت الفسة دي و بيفرق كتير في عزم العربية في البداية او الهورس باور في السرعات العالية
شوف الخرطوم بتاعة وهل المكنة عندك بتعلي اوقات مع نفسها وتوطي ولا لأه

[maga3a]

ممكن صورة لمكان vgis وسعرة لو عندك فكرة بيكون لماتور نوبيرا كام

[moko_2004]

للأسف معنديش صورتة و لكن هو شبة الegr بس اصغر وواخد خرطوم من المنافولد من بدايتة و هو مكانة في النوبيرا جنب نهاية المانفولد فوق مسطرة الرشاشات
انا هدورلك برضة علي صورة لية
مفيش مانع تستخدم البحث و هتلاقي هنا لية صورة اكيد

تقبل مروري

[amado318]

الا ستاذ موكا شكرا على الاهتمام انا المكنه عندى لا بتعلى ولا بتوطى بس احيانا مع القرص الجامد على الماتور وفى السرعات العاليه بعد140 الصوت دة بيحصل والعربيه عزمها بيضيع ثانيا الحساس دة ملهوش اسم تجارى انا سألت عليه الناس فتحت بقها ولا اشتريه استعمال

[moko_2004]

هو بلف مش حساس و اعقد موجود استعمال بس انا معرفش اسمة التجاري اية

[moko_2004]

اية الأخبار هل فية جديد

[moko_2004]

جرب تبدل الخرطوم بتاعة مع خرطوم egr لو موجود مثلا او خرطوم الرشاشات لأنة ممكن يكون متبدل وراعي ان خرطوم vgis لما بتفكة متحس فية شفط قوي زي الباقيين بس لما توزد هتلاقية بيزود قوة الشفط و خرطومة جاي من بداية المانفولد من من نهايتة

[amado318]

طب ينفع الغى vgis دة

[moko_2004]

ممكن يتلغي بس هو في الأساس مفيد جدا لأن بيرفع اداء العربية في الأساس
طيب بص
هو المفروض متوصل تحتة بعصاية صغيرة شوف العصاية دي سلسة الحركة بتاخد وتدي ولا قافشة وشوف خرطوم الفايظ بتاعها بيشفط علاطول و لا بيزيد قوة الشفط مع زيادة البنزين
الصح ان خرطومة في السلانسية بيبقي شفطة صعيف جدا ويزيد كل مازودت البنزيد ففية احتمال ان ملعوب في الخرطوم
حاجة تانية
انت الفتيس عندك مانيوال ولا اوتو انا عارف دة ملوش علاقة بالمكنة بس احتمال بتكون النقلة عند السرعة دي بتفصل فيعمل صوت شبية باللي انت بتقولة

[amado318]

انا رشيته اسبراى تنظيف واداء العربيه اتحسن جدا بس لسه مجربتش على طريق سريع