منصور و صيانه الـ 5000 كم

[mero100]

تحياتي لجميع الاعضاء :-)

ان شاء الله حروح اعمل صيانه ال 5000 في االتوكيل منصور طبعا للاسف :-).....تنصحوني بإيه؟؟؟...

و االمفروض اني اقولهم علي االمشاكل اللي واجهتني في اول 5000 كم في عمر العربيه ....

مشكلتي اني لما اتعاملت معاهم و االعربيه عامله 1500 كم ...كنت بشتكي مع بعض حاجات....مشكلتهم انهم مش بيصدقوك....كأنك رايح تضيع وقتك معاهم ....و بحس انهم مش فاهمين اوي في اللانوس....

لو حد اتعامل مع منصور في صيانه ال5000 ياريت ينصحني

[elpasha1]

وتوكيل غبور (هيونداى) كدة بردة
تحس اكانك مش عارف عربيتك وهوا بس اللى عرفنها

[khaled4nour]

السلام عليكم
انا م/خالد
هديك شيء من خبرتى فى اللانوس لان انا معايا لانوس 2010 ومتابع مع التوكيل حتى الان
1- اول صيانة مجانيه يعنى هتدفع حق الزيت فقط .
2- حاول تجيب الزيت انت لأنهم هيحاسبوك ع الزيت 10% ضريبة مبيعات.
3- اياك واوعا تقرب من التوكيل الفرع الرئيسي الى فى الهرم لاسباب عديدة لا داعى ذكرها هتخليك تركه العربية.
4- انا بعمل الصيانة بتاعتى فى فرع التجمع كويس نسبياً مع ان كل الفروع حسبي الله ونعم الوكيل والتجمع كمان بس اهون منهم.
5- مهما قلت واشتكيت هيقولك عااااااااادى عشان العربية لسه فى الاول.
6-احتفظ بإيصالات الصيانة وخليهم يختمو كتيب الضمان على المربع بتاعة صيانة ال 5000 عشان لو العربية حصل فيها حاجه بصراحة مش بيتأخرو فى تغير اى جزء فى العربية مهما كان سعره غالي
7- من الاجزاء الوارد تغيرها فى هذه الفترة القصيرة فى السيارة نتيجة عيوب الصناعه وده عن تجربة مني انا ومن غيرى طنابير الامامية والمرايا الشمال وطرومبة البنزين ولمبة الأستوب وحساس الماب والمساعدين .
8-العربية هتلاقى فيها حدفه يمين والواضح طبعاً انها يمين بس مش يمين وشمال ولاحظ بنفسك.
9- صوت الموتور عالى جدا ويخوف بس هيقولك عادى فى الأول وهتاخد ع الصوت.
10- االتكييف بيقعد وقت طويل عقبال ما تحس ان العربية بردت شوية.
11- استهلاك البنزين بايخ اووووى غير ما كنا متوقعين انها عمليه زى الدايو لانوس ولما تقولهم كده يفضلو يقولولك بتختلف المقاييس والطرق فى مصر والظروف البيئية والكلام الهجس ده.
12-جرب وركب حد فى العربية ورا مثلا اتنين او ثلاثة هتلاقى العربية بطه بلدى السحب يزعلك والحك فى المطبات الصغيرة هيخليك تكره نفسك.
13- موضوع ايريال الكاسيت اللى بيرتفع مع السي دى وكل الانظمة مش مع الراديو بس تيجى تقولهم يقولوك روح لتوكيل كلاريون وهما هيصلحهولك بس للأسف ب 90 جنيه بالرغم انه عيب تصنيع.
14- موضوع الانذار ممنوع منعاً باتا وألا خرجت الضفيرة من الضمان .
معلش طولت عليك بس لسه فى حاجات كتير اووووووى لانى انا تعبت فى شرائي للسيارة المنكوبة دى بس الحمد لله وقدر الله وماشاء فعل وانا هحاول اكتبلك تانى عن خبايا اللانوس العقيمة
م/خالد

[swordleee]

السلام عليكم
انا م/خالد
هديك شيء من خبرتى فى اللانوس لان انا معايا لانوس 2010 ومتابع مع التوكيل حتى الان
1- اول صيانة مجانيه يعنى هتدفع حق الزيت فقط .
2- حاول تجيب الزيت انت لأنهم هيحاسبوك ع الزيت 10% ضريبة مبيعات.
3- اياك واوعا تقرب من التوكيل الفرع الرئيسي الى فى الهرم لاسباب عديدة لا داعى ذكرها هتخليك تركه العربية.
4- انا بعمل الصيانة بتاعتى فى فرع التجمع كويس نسبياً مع ان كل الفروع حسبي الله ونعم الوكيل والتجمع كمان بس اهون منهم.
5- مهما قلت واشتكيت هيقولك عااااااااادى عشان العربية لسه فى الاول.
6-احتفظ بإيصالات الصيانة وخليهم يختمو كتيب الضمان على المربع بتاعة صيانة ال 5000 عشان لو العربية حصل فيها حاجه بصراحة مش بيتأخرو فى تغير اى جزء فى العربية مهما كان سعره غالي
7- من الاجزاء الوارد تغيرها فى هذه الفترة القصيرة فى السيارة نتيجة عيوب الصناعه وده عن تجربة مني انا ومن غيرى طنابير الامامية والمرايا الشمال وطرومبة البنزين ولمبة الأستوب وحساس الماب والمساعدين .
8-العربية هتلاقى فيها حدفه يمين والواضح طبعاً انها يمين بس مش يمين وشمال ولاحظ بنفسك.
9- صوت الموتور عالى جدا ويخوف بس هيقولك عادى فى الأول وهتاخد ع الصوت.
10- االتكييف بيقعد وقت طويل عقبال ما تحس ان العربية بردت شوية.
11- استهلاك البنزين بايخ اووووى غير ما كنا متوقعين انها عمليه زى الدايو لانوس ولما تقولهم كده يفضلو يقولولك بتختلف المقاييس والطرق فى مصر والظروف البيئية والكلام الهجس ده.
12-جرب وركب حد فى العربية ورا مثلا اتنين او ثلاثة هتلاقى العربية بطه بلدى السحب يزعلك والحك فى المطبات الصغيرة هيخليك تكره نفسك.
13- موضوع ايريال الكاسيت اللى بيرتفع مع السي دى وكل الانظمة مش مع الراديو بس تيجى تقولهم يقولوك روح لتوكيل كلاريون وهما هيصلحهولك بس للأسف ب 90 جنيه بالرغم انه عيب تصنيع.
14- موضوع الانذار ممنوع منعاً باتا وألا خرجت الضفيرة من الضمان .
معلش طولت عليك بس لسه فى حاجات كتير اووووووى لانى انا تعبت فى شرائي للسيارة المنكوبة دى بس الحمد لله وقدر الله وماشاء فعل وانا هحاول اكتبلك تانى عن خبايا اللانوس العقيمة
م/خالد

بالنسبة للنقطة 12 هي كانت كدة فعلن و بسحب بنزين كتيير بس بعد لما عملت ظبطت الاوكتين علي 95 و بقيت افول 92 العربية بقت حاجة تانية خالص و سحب زي الفل