سؤال بخصوص علبة الشكمان الخلفية ؟؟

[mizoesso]

يا جماعة عندى سؤال بخصوص علبة الشكمان الخلفية

انا نازل النهاردة اجيب علبة شكمان خلفية من عند ابو الحسن بس كنت عاوز اعرف يا ترى هية فى انواع منها
وكمان عاوز اعرف هوة علبة الشكمان الخلفية دى بتأثر على سحب العربية ولا صوت العربية بيبقى عالى وبس ؟؟

[MMamdouh]

فيه علبة عادية و فية مجلفنة

العادية ب 180 تقريبا و المجلفنة ب 300 او حاجة كدة... مش فاكر اوى

العلبة حتفرق فى الصوت لو علبتك القديمة مخرومة

MMamdouh

[mizoesso]

شكرا ليك يا ممدوح باشا

[mizoesso]

طب هوة علبة الشكمان دى الى يركبها ميكانيكى ولا لازم حد بتاع شكمانات

[MMamdouh]

ممكن ميكانيكى عادى... القصة كلها صامولتين 17 و شكرا

MMamdouh

[hanymi45]

فين ابو الحسن ده ياشباب وهل عنده لكل انواع العربيات خاصة بيجو 205 لانى بتاع الشكمانات قالى انه الشكمان الخلفى لازم يتغير

[محمد الشامي]

فين ابو الحسن ده ياشباب

http://www.nilemotors.net/Nile/68807-a.html

[gassarian]

إيه الفرق بين المجلفن و العادي؟؟؟
يفرق في الصوت و لا في إيه...
أنا عندي العلبة الورا سليمة بس بتنعر أثناء التسارع خصوصاً لو شديت جامد بالعربية و أنا الصراحة بحب العربية الصامتة

[محمد الشامي]

إيه الفرق بين المجلفن و العادي؟؟؟
يفرق في الصوت و لا في إيه...
أنا عندي العلبة الورا سليمة بس بتنعر أثناء التسارع خصوصاً لو شديت جامد بالعربية و أنا الصراحة بحب العربية الصامتة

الفرق في العمر الأفتراضي للعلبه , المجلفن عمره الأفتراضي اكتر لان صاجها بيكون اتقل من العادي شويه

ومش بتفرق في الصوت ولا حاجه

وبالنسبه لصوت النعره اكشف على الشكمان لانه ربما يكون فيه ثقب

[gassarian]

كشفت كذا مرة و كل مرة يقول لي الشكمان سليم و مية مية و ده صوت العلبة

[محمد الشامي]

طالما العلبه صوتها وحش (حسب كلام اللي كشف) فده معناه ان المكونات الداخليه لعلبه الشكمان انتهت وعشان كده هتلاقيها بتعمل صوت

لو في فرع خدمه اابو اليزيد قريب منك ياريت تروحله وهما هناك هيقوموا باللازم , بصراحه انا مش عارف في ابو اليزيد في اليكس ولا لا
بس هما عن تجربه ناس محترمه وحاجتهم كويسه

على فكره انا كان عندي من فتره اصوات غريبه بتطلع من علبه الشكمان الخلفيه , ومع الكشف عليها عند ناس فهلويين قالوا انها سليمه لان مفيش فيها اي ثقوب (اخرام) , ولكن في ابو اليزيد لما مسكوا العلبه وهزوها جاااااامد ظهر صوت عامل زي ما بيكون في زلط صغير او حاجات مفتته داخل العلبه, ولما سألتهم ده ايه قالوا ان العلبه من جوا بيكون فيها حشو داخلي ومع الشغل على المدى الطويل بيتفتت وهو اللي بيعمل الصوت ده

[khalid9411]

طالما العلبه صوتها وحش (حسب كلام اللي كشف) فده معناه ان المكونات الداخليه لعلبه الشكمان انتهت وعشان كده هتلاقيها بتعمل صوت

لو في فرع خدمه اابو اليزيد قريب منك ياريت تروحله وهما هناك هيقوموا باللازم , بصراحه انا مش عارف في ابو اليزيد في اليكس ولا لا
بس هما عن تجربه ناس محترمه وحاجتهم كويسه

على فكره انا كان عندي من فتره اصوات غريبه بتطلع من علبه الشكمان الخلفيه , ومع الكشف عليها عند ناس فهلويين قالوا انها سليمه لان مفيش فيها اي ثقوب (اخرام) , ولكن في ابو اليزيد لما مسكوا العلبه وهزوها جاااااامد ظهر صوت عامل زي ما بيكون في زلط صغير او حاجات مفتته داخل العلبه, ولما سألتهم ده ايه قالوا ان العلبه من جوا بيكون فيها حشو داخلي ومع الشغل على المدى الطويل بيتفتت وهو اللي بيعمل الصوت ده

كلام صحيح ومظبوط

[hanymi45]

ايتاذ محمد بس ابو اليزيد مش غالى شويتين ولا رايك ايه مع اعترافى انه متخصصين فواهمين فى شغلهم

[JAM]

ايتاذ محمد بس ابو اليزيد مش غالى شويتين ولا رايك ايه مع اعترافى انه متخصصين فواهمين فى شغلهم

الغالى هوا فى الحقيقة رخيص... أرجو ان المعنى يكون وصل