طلب مساعدة في دايو جوليت

[eldmrane]

العربية معاية غريبة اول ما يبقي فيها 10 لتر بنزين او اقل تضرب مدافع معايا وتبقي غريبة وتنتش بس وانا بدوس بنزين بس مش في السلنسية دية ممكن تكون طلمبة بنزين ياريت لو حد صادف معاة العيب دة يفيدني وشكرا

[محمد الشامي]

واضح من كلام حضرتك انك معود العربيه على البنزين القليل , و ده في حد ذاته اعتقد انه بيتعب طلمبة البنزين وبيؤدي الى تلفها

و التنتيش ده احتمال كبير يكون بسبب ضعف طلمبة البنزين فعلا , بس مظنش ان المدافع يكون ليها علاقه بطلمبة البنزين

و بردو قبل ما تحكم على ان التنتيش من الطلمبه لازم تشييك على البوجيهات والاسلاك

وياريت حضرتك تذكر بعض بيانات عربيتك
يعني مثلا موديل كام ؟
عامله كام الف ؟
هل عملت صيانه معينه قريب ؟
ايه اخر صيانه اتعملت وكانت امتى ؟؟ وهكذا

[eldmrane]

انا عامل الصيانة من كام يوم كاملة
بس المشكلة دية وانا بكبس بنزين بس يمكن في العادي لا مش بتنتش طول ما فيها بنزين كتير طول ما هي زي الفل اول ما البنزين ينقص تعد تعمل معايا الحركات دية اكبس ولا كاني كابس

[elpasha1]

غير فلتر البنزين ونظف الرشاشات

[Shiref_mohamed]

طلمبة البنزين بتودع
نفس المشكلة حصلت معايا زمان