فوج الانوس

[ramyraby]

صباح الفل يا بشوات اية اخباركم ان شاء الله تكونو جميعا بصحة جديدة

عندي سؤال لو تسمحموا حد عنده فكرة تخلي نور الفوج بتاع الانوس 1 افضل لانه بصراحة يعبر مش موجود اصلاا لما يكون شغال علما بأني غيرة الفوج بفوج جديد وبرضو النور ضعيف جداا

مرة الازاز بتاع الفوج انكسر كان منور أحسن فهل في نوع فوج بتاع عربية تانية ينفع يركب فيها ويكون نورة حلو

سامحوني على الاطالة

[تامر.محمد]

انا عندي نفس المشكلة , حطيت له لمبات 100 وات و الدنيا بقت احسن بس مش اللي انا عايزه برده

فيه حد في الحرفيين كان قال لي ان فيه ناس هناك بيعملوا له وش شفاف تماما بتبقى اضائته احسن , بس طبعا بيبقى عمره قصير

[ramyraby]

يعني الحل في الوش الشفاف ؟؟ ولا في فكرة تانية

الله المستعان

[MohssenRashed]

انا عندي في الاكسنت نفس الفوج و نورو مقرق بس جبت فوجات كريستال ازاز شفاف و لمبات 55 عايز اقلك بقيت احسن من النور الواطي..

[ramyraby]

انا عندي في الاكسنت نفس الفوج و نورو مقرق بس جبت فوجات كريستال ازاز شفاف و لمبات 55 عايز اقلك بقيت احسن من النور الواطي..

طيب قولنا ياباشا من فين نجيب الفوج ده وهل ينفع يركب في الانوس 1

مشكور جداا على الرد

[MohssenRashed]

موجود عندنا في اليكس في كل حته ب 90 جنية الاثنين. بس حكاية يركب في لانوس 1 معرفش الصراحة

[elpasha1]

ممكن تعلى واط اللمبة بس هتضطر تركب كتاوت

[mely]

انت اكيد فى عندك حاجه مش مظبوطه لان فوجات اللانوس الون نورها تحفه
ركب لمبات محترمه وواط عالى واتاكد ان العواكس بتاعة الفوانيس سليمه مش مطوسه او مطفيه والنور هيظبط معاك لان العاكس بتاع فوجات الون حجمه كبير وبلاش تغير الوش لان الشفاف بيشتت الاضائه مش بيوجها