اويل سيل الكرنك الخلفي للانوس

[ehabzakareya]

سيارتي لانوس 99 اوتوماتيك ويوجد تسريب زيت عبارة عن نقط صغيرة كل فترة مصدرة اويل سيل الكرنك الخلفي ومكانة بالموتور من ناحية اليمين عند اتصال الفتيس بالموتور وطبعا علشان نغيرة اما نحل الموتور او الفتيس ومن حوالي 2 اسبوع قمت بحل الفتيس وتغيير الاويل سيل بتاع الكرنك ومنع تسريب الزيت ولكن رجع تاني يسرب بعد اسبوع
التكاليف: اويل سيل تايواني 10 جنيه (لا انصح به احد) + 150 جنية مصنعية حل الفتيس من السيارة وتركيبه وتغيير الاويل سيل بتاع الكرنك الخلفي
فما رأيكم ؟ احل تاني الفتيس او الموتور ولا أكبر دماغي ولما الزيت ينقص ازوده على فترات طويلة؟

[ahmedsrs]

لو انا مش هكبر هصلحة تانى ياريت تصلحة فى توكيل وتاخد منهم ضمان

[piezo]

انا زيك كده برده بس اويل سيل كرنك بتاع اليجانزا ال 1800 وجبت الكوري بي 60 جنيه وباظ روحت جبت الاسباني بي 100 جنيه نص حديد ونص جلد وباظ برده قولت اروح تكنو وان واسئل الدنيا ايه هناك لقيت المهندس بيقولي التالي انا مش بشتغل في عربيات معدله علي اساس انها نوبيرا و مركبلها مكنة فيراري وقلي يمكن احتاج انزل مكنه قلته طيب التكلفه كام قلي 800 جنيه و العربيه هاتاخد وقت 3 ايام دا انا مسقط مكنه في يوم
فا بفكر في حاجه اننا نجيب الاويل سيل كرنك بتاع الاوبل لو يركب عندنا بس اعتقد لانها كلها جنرال موتورز فا محتاج اجيب واحد من بتاعنا وواحد بتاع الاوبل لو هو هو ممكن وعسي يكون احسن من بتاعنا بس محتاج المهندس ممدوح يفيدنا في القصه ديه واكون شاكر ليه

[MMamdouh]

المشكلة دى بسبب نوعيات الاويل سيلات الزبالة اللى فى السوق

شوف الاول مقاس الاويل سيل كام (مكتوب على جسم الاويل سيل 3 ارقام) و بعد كدة نتاكد من رجالة اوبل ان دة مقاس الاويل سيل بتاعهم و فى الاخر نشوف حد ثقة بتاع اوبل نجيب منة الاويل سيل

MMamdouh

[piezo]

وعايز اقولك حاجه يا ممدوح باشا بالاضافه ان الاويل سيل ده ممكن يكون هو الي بيجيب زيت في حاجتين كمان عرفتهم المسامير الي بتربط الفلام المسامير ديه منفده لكرتيرت الزيت وحلها الماده الزرقه الي بتمنع المسامير تتفك و ديه صعب ان الواحد ممكن يلاقيها و البديل سيلكون تحطه مكان المسمار وتحط الفلام كانك بتلزقه وتحط المسامير وتربط علشان مافيش زيت يرشح من عند المسامير .
والحاجه التانيه في قعده بتمسك الكرنك بس علشان تفكها او توصلها لازم تفك كرتيرة الزيت و تطلع القاعده ديه والقاعده ديه من جنبها بيتحطلها سيلكون من الجناب وتحت الكرتيره بتقفل بيسلكون كده كده بس لازم تحط السيلكون الرمادي الي بيستحل لحد 650 فهرنهايت و الميزه في القصه ديه انك تنضف مصفات الزيت لانها بتتسد .
وكده نوصل ان الترشيح في الجزء ده المتعلق باويل سيل الكرنك الخلفي ليه 3 اسباب
1- الاويل سيل نفسه
2 - مسامير الفلام
3- القاعده الي ماسكه الكرنك و الويل سيل بيقفل عليها

واتمني اني اكون قدرت اتوصل لحل المشكله
وبرده لايفتي و ممدوح باشا في منتدي الدايو

[ehabzakareya]

شكرا على ردودكم ومقترحاتكم
في ميكانيكي قال لي بأن شواكيش الكرنك فيها عالي وواطي علشان كدة الاويلسيل بيجيب زيت والحل هو حل الموتور ونجيب
خراط علشان يسنفر الكراسي دي علشان يخليها في علو بعض وبعد كدة نركب الاويلسيل الجديد الاصلي بتاع جي ام
التكلفة:
حل الموتور والتركيب مع تركيب الاويلسيل الجديد (300 ج) + اويل سيل اصلي جي ام كوري (40 ج ) + خراط (100 ج)

ايه رأيكم ؟ اعملها ولا لأة
مع العلم ان ما فيش نقص في الزيت ملحوظ (الزيت اكيد بينقص بس بمعدل بطيء وبسيط)

[piezo]

شكرا على ردودكم ومقترحاتكم
في ميكانيكي قال لي بأن شواكيش الكرنك فيها عالي وواطي علشان كدة الاويلسيل بيجيب زيت والحل هو حل الموتور ونجيب
خراط علشان يسنفر الكراسي دي علشان يخليها في علو بعض وبعد كدة نركب الاويلسيل الجديد الاصلي بتاع جي ام
التكلفة:
حل الموتور والتركيب مع تركيب الاويلسيل الجديد (300 ج) + اويل سيل اصلي جي ام كوري (40 ج ) + خراط (100 ج)

ايه رأيكم ؟ اعملها ولا لأة
مع العلم ان ما فيش نقص في الزيت ملحوظ (الزيت اكيد بينقص بس بمعدل بطيء وبسيط)

مش عارف اقولك ايه بس مش مقتنع بالكلام ده خالص