الحقوني و افيدوني يا أهل الخبرة

[teefa_10]

كنت رايح الشغل علي طريق سريع و فاضي و ماشي علي 120 او 140 و بعدين و فجأه وجدت ظلط كتير مفروش امامي علي الاسفلت المهم طبعا الفرامل ملحقتنيش فدخلت في الظلط و عينك ماتشوف كأن بيضرب عليا نار من كل حته

المهم و مشيت عادي خالص و رحت الشغل مفيش مشاكل بس لما باجي عند مطب حديد من عند العجل الأمامي في حاجه بترزع من تحت في العربيه مع ان في المشي العادي علي كل السرعات مفيش اي مشكله

المساعد الامامي كويس و الخلفي


افيدوني بسرعه عشان لو فيه حاجه اعالجها قبل ان تزيد

[moko_2004]

ربط عفشة و ان شاء الله المشكلة تتحل

[swimmer25]

لازم تروح تبص علي العربية كلها من تحت وتشوف راي الصنايعي ايه
ممكن تكون زلطة خبطت في حاجة من تحت...عشان تبقي مطمن

[elpasha1]

وممكن تكون فى زلطة اتحشرت فى حاجة

[tarek_2005]

هناك زلطة بداخل المقص ولابد من اخراجها
دخلت من الفتحة العلوية للمقص ولم تخرج

[teefa_10]

شكرا جزيلا لاهتمامكم يا جماعه فغلا كان في ظلطه محشوره و ظلت كتير سايب في كرتيره المساعد و رفعناها و طلعنا الظلط و دفعنا 5 جنيه فقط

[mely]

وممكن تكون فى زلطة اتحشرت فى حاجة

حصل فعلا معايا الموضوع ده ووجدت ظلطه محشوره بين المقص والمساعد وربنا مايوريك الى كانت عاملاه معايا انا كنت حاسس ان العربيه مقطومه من تحت