حامل حقايب ع السقف لانوس 2010

[khaled4nour]

عاوز استفسر على حاجة
انا مسافر مارينا بعربيتى شيفروليه لانوس 2010
بس معايا شنط كتير والمشكله ان شنطة العربية مش هتكفى
هل يوجد طريقة لتركيب حمالة شنط فى سقف السيارة بس تكون مؤقته يعنى تتفك تانى بعد السفر
ومن غير ما تسيب اى اثر ( العربية لسه زيرو ملحقتش افرح بيها).
وازاى تتركب حيث ان لا يوجد مكان فى السقف ليها.
وياريت السعر التقريبى.
وينفع يتحط الشنط عليها من غير ما وزن الشنط ياثر ع السقف؟

[moko_2004]

هو المشكلة ان سقف اللانوس و النوبيرا بومبية قابب شوية لبرة وزائد ان ضعيف فالأنواع اللي بتحمل علي السقف متنفعكش وهتضطر تجيب شبكة كاملة و بتتعلق علي قوائم البابين الأمامي و الخلفي او تعلق الشبكة نظام عصايتين فوق شنطة العربية من ورا

[mustafavet]

خدها علي مشوارين
اوواحد زميلك ييجي معاك

[mahmoudysf]

في شبكة شكلها شيك ومتنكلة بيحطوها بتوع التاكس الجديد
شوفت زيها بتتباع ناحية شارع مجلس الشعب وانت رايح على عابدين

[engaass]

في شبكة شكلها شيك ومتنكلة بيحطوها بتوع التاكس الجديد
شوفت زيها بتتباع ناحية شارع مجلس الشعب وانت رايح على عابدين

انسب حل

[Strong]

اي حاجة هتركب على السقف هتعلم عليه لأن الصاج ضعيف

[elpasha1]

اشترى مسطرتين ثمنهم حوالة 80 جنية وحط علها كل اللى انت عاوزة وعلشان متعلمش فى السقف حط تحت القواعد كرتونة مع العلم ان القاعدة بتاعتها بتبقى كاوتش

[khaled4nour]

اشترى مسطرتين ثمنهم حوالة 80 جنية وحط علها كل اللى انت عاوزة وعلشان متعلمش فى السقف حط تحت القواعد كرتونة مع العلم ان القاعدة بتاعتها بتبقى كاوتش

ممكن ايضاح اكتر وياربت اى حد يدعم بالصور وازاى المسطرتين دول يتسبتوا وفين؟

[saddam]

بص يا راجل يا طيب في حل شيك ومحترم بس عربيتك لانوس تمنها مش مناسب للحل ده لأن الشنطة بالراكات بالرش بتاعها وتركب تدي هيبة للعربية وشكل رياضي ومن غير خدوش ولا تخريم نهائيا الموضوع يخشلو ب 1700 جنيه تقريبا أما لو عايز تخرم فخليك في حتتين النواكل اللي بتركب على السقف بس حتخرم ومش مشكلة سيبهم على السقف على طول بس حتغيرهم كل سنتين عشان اللون بتاعهم حيصدي ونصيحة ركب النواكل دي اللي شبه بتاعت التكس ودي بتتباع في التوفيقية أو في شارع شامبليون وقريب من كشري أبو طارق عشان عربيتك أساسا لانوس ومحتاجة أي مساعدة في تجميلها بإضافة شوية كماليات والراكات دي تعتبر إضافة حلوة ولك مني خالص التحيات .

[khaled4nour]

بص يا راجل يا طيب في حل شيك ومحترم بس عربيتك لانوس تمنها مش مناسب للحل ده لأن الشنطة بالراكات بالرش بتاعها وتركب تدي هيبة للعربية وشكل رياضي ومن غير خدوش ولا تخريم نهائيا الموضوع يخشلو ب 1700 جنيه تقريبا أما لو عايز تخرم فخليك في حتتين النواكل اللي بتركب على السقف بس حتخرم ومش مشكلة سيبهم على السقف على طول بس حتغيرهم كل سنتين عشان اللون بتاعهم حيصدي ونصيحة ركب النواكل دي اللي شبه بتاعت التكس ودي بتتباع في التوفيقية أو في شارع شامبليون وقريب من كشري أبو طارق عشان عربيتك أساسا لانوس ومحتاجة أي مساعدة في تجميلها بإضافة شوية كماليات والراكات دي تعتبر إضافة حلوة ولك مني خالص التحيات .

الظاهر والله اعلم انى سرفت نظر علشان اكتشفت انه لازم هتعلم فى العربية وانا كنت بس عاوزها عشان مشوار مصيف وافكها على طول بس من كلامكم عرفت انها هتعلم وهتسيب أثر