مقياس الزيت ......!

[khaled4nour]

معايا شيفرولية لانوس 2010 عامله لحد دلوقتى 22 الف
متابع الصيانة فى التوكيل بصفة منتظمة
بستخدم زيت شل 5 الاف اللى بـ 105 جنيه
وبغير فلتر كل 5 الاف يعنى عند كل صيانة
بس فى الصيانة بيحطو كمية الزيت كلها
والشيء الملاحظ انه مقياس الزيت واصل
لبعد علامة الـ max بشوية بالرغم انى حاطط الزيت بقالى 2000 كم دلوقتى
هل هذا طبيعى ولا يعتبر كده الزيت زيادة
وده بسبب اضافة جركن الزيت كله واللى مكتوب فى الكتالوج 3.750 لتر بس

[ahmedsrs]

الزيت زيادة
المفروض يسيب ربع كيلو لو هيغير فلتر
ونصف كيلو لو مغيرش فلتر
والصح ان الزيت يبقى بين العلامتين

[fosfos010]

الزيت زيادة
المفروض يسيب ربع كيلو لو هيغير فلتر
ونصف كيلو لو مغيرش فلتر
والصح ان الزيت يبقى بين العلامتين

بين العلامتين ازاى بيبقى فى اخر كلمة max يعنى على حرف x من فوق

[khaled4nour]

انا العلامة عندى بعد حرف x بتاع كلمه max بحوالى 7مم وانا حاطط الزيت من شهر تقريباً
ما هى الاضرار وايه العمل دلوقتى؟
وازاى بتوع التوكيل يتصرفو بالحماقة دى؟ المفروض انهم ماشيين على تعليمات وجداول من شيفروليه الأم يعنى مش بيتصرفوا من دماغهم!!!! عاوز اعرف ليه بيعملوا كده وايه النظرية؟ لان الموضوع ده بيتكرر معايا كل لما اروحل اغير زيت عندهم بيحطو الجركن كله مع تغير الفلتر؟

[khaled4nour]

متابع

[khaled4nour]

اين باقى الاقتراحات

[ahmedsrs]

الصح ان الزيت يبقى بين شرطة الماكس وشرطة المنمم وميزدش عن شرطة الماكس وميقلش عن شرطة المنمم وكلام ده فى الكتالوج وموجود فى القسم ممكن تحمله
اضرار الزيادة
1- تلف الاويل سيلز
2- حرق زيت
3- زيادة البخر
4- هدر للفلوس
5- زيادة ترشيح غطاء التاكيهات
اضرار النقص
اكيد معروفة

[khaled4nour]

السؤال هنا بقا .....التوكيل بيعمل ليه كده وليه متعمد يحط الجركن كله
وانا نوهت عن الموضوع ده عندهم يقولولى دى القواعد اللى احنا ماشيين عليها .
هما الصح ولا احنا الصح؟

[ahmedsrs]

هو مين التوكيل المهندس والصنايعى الى تحت منه وبدال المهندس مش شايف شغله ومبيشرفش على الصنايعى والزبون ساكت يبقى ليه ميحطش كل الجركن

[mero100]

بشمهندس/ خالد - صباح الفل .... عيد ربيع سعيد :-))

نفس المشكله انا عانيت منها مع اول تغيير زيت ليا مع العباقره ... مهندسين وعمال منصور العجيب .....حطولي كل الجركن .... لقيت الصبح المقاس واصل للماكس.... المهم عشان مطولش عليك .

الحل :
1- الذهاب لعم محمد في بنزينه موبيل اللي في العروبه .... لانه راجل خبره و فاهم ... و حيشفط باالمكنه في حدود ربع لتر و يظبطلك الدنيا .....
2- ليه بقول عم محمد ؟:-))..... لاني جربت ولاد ال..... بتوع شل الطيران .... سحبولي كيلو ومشيت بيه 10 كيلو و الزيت ناقص كيلو .....قمت رايح موبيل و جبت كيلو و زودت عشوائي و الصبح قست لقيت زي عندك الزيت واقف علي حرف الاكس .
3- لما يسحبلك في حدود ربع كيلو حتلاقي المقاس و انت بتقيس الصبح بقه الزيت تحت حرف x بحوالي شويه و اعلي من علامه 0 اللي في نص المقااس .....
4- الناس طمنوني و قالولي ربع كيلو زيادة مش مؤثر بالصورة البالغه اوي ....
5- قررت بعد كدة اكون واقف جنب ولاد ال ..... بتوع منصور و اخد ربع الكيلو اللي فاضل في الجركن و أرميه بنفسي في اقرب صندوق قمامه
6- كانت هذه احدي و انا بقول ( احدي ) نوادري مع توكيل منصور العجيب .... ايوة انا مسميه منصور العجيب :-))

تحياتي لخالد و للجميع

[mustafavet]

بجد بسرعه روح اي بنزينه ونزل الربع كيلو الزياده لانها برده حصلت معايا وتهاونت فيها وكانت النتيجه انه ضرب
جوان غطاء التكيهات والموبينه

[احمد المصرى]

انا شخصيا بقالى سنين بحط الجركن كله والحمد لله مفيش اى مشاكل معايا خالص بس حسب كلام الخبار هنا ان الصح 3.75 لتر بالفلتر ولكن راى اخر بيقول ان ربع كيلو مفهوش اى مشكله ان شاء الله

[احمد المصرى]

بجد بسرعه روح اي بنزينه ونزل الربع كيلو الزياده لانها برده حصلت معايا وتهاونت فيها وكانت النتيجه انه ضرب
جوان غطاء التكيهات والموبينه

ايه ال دخل زياده فى الذيا فى ان الموبينه باظت حد يفهمنى يا شباب

[ahmedsrs]

هو بيقصد الجوان الى بين كويل البوبينة وعمود الكامة

[mero100]

تأثير الزيت الزيادة هوة تأثير تراكمي .....يعني مش بيبوظ الاويلسيلات من اول مره..... مره علي مره تلاقي الموتور مرشح زيت من كل حته .....

انا افتكرت اول ما جبت العربيه كنت اقيس الزيت الصبح الاقيه في النص علي علامه 0 اللي في نص المقاس وااللي الكتالوج قايل عليها .... يعني جايه من المصنع كدة.... و همه أدري لانهم هم صناع السياره

سياره والدي 2008 لانوس ....اول ماجيبناها كان مقاس الزيت قبل اول تغير ...عند نفس العلامه اللي ذكرتها .

يبقي اللي بيحصل في التوكيلات و عند محطات البنزين في ان الجركن كله يتحط ...دة تهريج

بصرف النظر عن انه يعمل تأاثير او لا

الصح صح من الاول

الصح 3.75....شاملا الفلتر ....مكتوبه كدة في الماانيوال ....هيه كدة....اللي عملوها قالوا كدة

بس ازاي : االتوكيل بيفهم اكتر من اللي عمل العربيه !!!!!!

انا قررت بعد كدة اقف جنب العاامل و اجبره يسيب ربع في الجركن ....مع ضروره حاجة مهمه عاوز اقولهاا لكل الاعضاء

فيه مكن بيشفط الزيت ... و فيه طريقه فتح الطبه .... انا بفضل طريقة فتح الطبه لانها بتنزل كله كله و الرواسب ودة رأيي

اللي موافقني الرأي .... يخلي العامل يخلي باله و هوة بيقفل الطبه عشان ميبوظش المشرشر بتاع الكارتيره و تبقي دي بدايه رحله المتاعب ......كلهم بيقفلوها بااستعجال و بتتقفل غلط .

بشمهندس محمد ممدوح بيعمل حاجة بتعجبني جدا ...بيبقي معاه كر تغيير زيت ورده نحاس ....بيحطها قبل الطبه

تحيااتي للجميع :-)