صوت خشونه في موتور لانوس 1500 2 كامة

[Shiref_mohamed]

السلام عليكم
العيب :- صوت خشونه طالع من الموتور من عند منطقة السيور والصوت عبارة عن ششششششش بس مسموع جامد وكمان داخل جوه الصالون

محاولات الإصلاح :-
1- حطيت لحستين شحم على سير التكييف وسير الدينامو ومفيش نتيجه
2- فصلت سير التكييف وسير الدينامو وبرضه مفيش نتيجه
3- غيرت الكاتينة والبليتيين بس مغيرتش الطلمبة عشان كانت سليمة واتأكدت بنفسي انها سليمة ومش خشنة وبرضه مفيش فايد

ملاحظات :-
- لما فكيت السيور من على طمبورة الكرنك ودورت العربية وبصيت على الطمبورة سمعت الصوت طالع واضح من ورا الطمبورة مباشرة
- الصوت ده ظهر من بعد يوم المطر الجامد الى كلنا غرقنا فيه لآني مشيت في مستنقعات ميه كتير ومن بعدها الصوت ده ظهر ولسه لحد دلوقتي ما رحش

انا كده شاكك فى طلمبة الزيت لآنها هي الى راكبة ورا الطمبورة مباشرة .... رجاء الإفادة

[KoDaK_Gti]

ياباشا لما انت مش عارف احنا اللى هنعرف يعنى ؟؟؟

واحشنى يا شريف
حبيت اسلم بس وان شاء الله الخبرا هنا يفيدوك :)

[mero100]

بليه دينامو

[MMamdouh]

فك بكرة الكرنك و شوف لو الغطاء الفبر بتاع سير الكاتينة بيحك فى ترس الكرنك

MMamdouh

[amado318]

الماتور 1500 اتنين كامه عامل معاك ايه فى السحب والبنزين والصيانه فرصه اعرف منك علشان ناوى اغير ما تورى لما اقضى على الى عندى

[Shiref_mohamed]

ياباشا لما انت مش عارف احنا اللى هنعرف يعنى ؟؟؟

واحشنى يا شريف
حبيت اسلم بس وان شاء الله الخبرا هنا يفيدوك :)

وفوق كل ذى علم عليم يا حبيبى وبعدين يا عم ده انا غلبان وعلى فكرة انتا كمان واحشني جدا والناس كلها واحشاني ونفسي نتقابل اصل انا الفترة الى فاتت كانت عندي الدنيا مدربكه خالص مالص بالص بس الحمد لله

[Shiref_mohamed]

بليه دينامو

الدينامو لسه جايبة استيراد وشغال زي الفل

[amado318]

جايز يكون من بكرة شداد سير التكييف ولا عربيه حضرتك مفهاش البكرة دى

[Shiref_mohamed]

فك بكرة الكرنك و شوف لو الغطاء الفبر بتاع سير الكاتينة بيحك فى ترس الكرنك

MMamdouh

جربت يا دوحه ومفيش حكة ولا اي حاجه شكلها كده اما طرمبة الزيت او مشكله في الكرنك
لو كان لينا عمر واتقابلنا النهارده هبقى اسمعك الصوت

[Shiref_mohamed]

جايز يكون من بكرة شداد سير التكييف ولا عربيه حضرتك مفهاش البكرة دى

انا شكيت فيها في الأول وغيرتها عشان الى عندي كانت مش اوي بس انا فصلت سير التكييف وسير الدينامو اصلاً وبرضه صوت الخشانة موجود

[Shiref_mohamed]

الماتور 1500 اتنين كامه عامل معاك ايه فى السحب والبنزين والصيانه فرصه اعرف منك علشان ناوى اغير ما تورى لما اقضى على الى عندى

الموتور ممتاز في السحب والتجميع وإستهلاك البنزين كمان اما بالنسبة للصيانة فهو عادي جداً زي صيانة موتور النوبيرا

[moko_2004]

بص علي طرمبة المية لأنها بتعمل صوت عالي
وطالما انك وقعت سير الدينامو و التكييف ولسة الصوت زي ماهو اذن مفيش بلي خارج عندك في مشاكل
و شوف حد يغيرك بلي الكاتينة الثابت و المتحرك
بس عموما 1500 كان عندي خشن لما زهقني و بعت الموتور من صوتة

[Shiref_mohamed]

بص علي طرمبة المية لأنها بتعمل صوت عالي
وطالما انك وقعت سير الدينامو و التكييف ولسة الصوت زي ماهو اذن مفيش بلي خارج عندك في مشاكل
و شوف حد يغيرك بلي الكاتينة الثابت و المتحرك
بس عموما 1500 كان عندي خشن لما زهقني و بعت الموتور من صوتة

انا غيرت بالفعل بليتين الكاتينة عشان كنت شاكك فيهم ولما فكيتهم لاقيت البلية الصغيرة فيها خشونه بسيطة والبلية الكبيرة السنتريك بتاعها مكسور

اما بالنسبة لطلمبة المية انا مغيرتها لآني مغيرها من 8000 كم مع الكاتينة والبليتين ولما فكيت وجربت الفها بإيدي لاقيتها ناعمة جداً

اما صوت الخشونه فهو مكانش موجود اصلا وانا بشتكي من ظهوره فجأة وبدون مقدمات