زنة صاجة

[hawary2]

السلام عليكم
انا بسمع صوت زنة صاجة لما بطلع بالعربية على الغيار الاول و بسمع الصوت لما بسيب الدبرياج واحدة واحدة و بعد كدة يختفى ممكن تعرف السبب من ايه مع العلم ان الشكمان سليم و الزنة دى بتظهر فى اول طلعة بس او لما اكون واقف فى اشارة مرور و اتحرك ارجو الافادة (هى صوت زنة صاجة)
شكراااااااااااااا

[mero100]

فيه صاجه بتبقي ورا الطنبوره .... في العجل اللي أدام يمين وشمال .... خلي الميكانيكي يبعدهم شويه ... و جرب واان شاء الله يبقي الصوت منها و حاجة بسيطة ان شاء الله .... ياريت تقولنا عملت ايه و شكرا:-)

[elpasha1]

ممكن تحصل لو انت عامل شغل فى الشكمان والكاوتش ناشف

[m0hsen]

نفس المشكلة والله عندى وكنت رايح للميكانيكى النهاردة اعملها بس كويس ان الموضوع اتفتح لدرجة ان انا شكيت ان دى ممكن تكون جوا الموتور نفسه او عيب فى الكهربا ياريت نعرف مشكلة ايه علشان لما اروح للميكانيكى مايشتغلنيش
وشكرا مقدما

[m0hsen]

فيه صاجه بتبقي ورا الطنبوره .... في العجل اللي أدام يمين وشمال .... خلي الميكانيكي يبعدهم شويه ... و جرب واان شاء الله يبقي الصوت منها و حاجة بسيطة ان شاء الله .... ياريت تقولنا عملت ايه و شكرا:-)

صاجة ايه دى اللى ورا الطنبورة وفين مكانها بالظبط لازمتها ايه علشان تتحط وايه اللى يخليها تزن

[mero100]

معرفش الحقيقه فايدتها ايه بالظبط ...بس كانت لازقه في الطنبوره عندي في العجلتين الاماميتين و كانت بتحك ....

[ibmtop]

متابع باهتمام جدا

[superior]

لا انا عندى بتحصل لما بكون برجع لوره بالذات لو العربيه لسه بتسخن بيكون صوت حاجه بتخبط كدا ف الفتيس او تحت العربيه مش عارف ايه دا !!!!

[sala7]

السلام عليكم و رحمة الله و بركاته :
صوت الزنة دي ممكن يكون غطا المكنة (الكبوت) بيكون في كوتشتين لونهم اسود على اطراف مقدمة العربية من جوه يعني تحت الغطا و الرجلاش ده بيتحرك لفوق و لتحت علشان يسد الفراغ اللي بين الغطا و بين جسم العربية فا ممكن يكون هو ده السبب
علشان تتخلص من الصوت ده لو هو العيب فعلا ، بتلف الرجلاش اليمين و الشمال عكس عقارب الساعة و ده هيخلي الرجلاش يعلى معاك بس متلفش كتير يعني سنة بسيطه لانه ممكن يتخلع في ايدك
بعد كدا اقفل الغطا و جرب

في بقا حاجه كدا ممكن تكون منها بردوا هي حصلت معايا و يمكن بردوا تفيد
لما تفتح الباب بتاع السواق لو بصيت لجوة كدا بعد المفصلات اكنك بتشوف الرفرف بس من ورا الباب هتلاقي فيه مسمار ماسك الرفرف بجسم العربية بس من جوة و مش هتعرف تربطه بمفك بيتربط بالايد
و ده سعات بيكون مفكوك ومعرفش ليه بيتفك لوحده بس انا مرة لقيته مفكوك و كان عامل صداع و ماكنتش عارف منين لحد ما اكتشفته و بعد كدا لما ربط عليه الصوت راح
يارب يطلع حاجه في دول وانا في الخدمة

[mely]

فيه صاجه اعلى الجكمان لعزل الحراره
اغلب الظن انها مفصول جزء منها من جسم السياره
تأكد من انه لا يوجد بوش فى مفصلات الكبوت