دايو 2006

[shimo_moh]

انا محتاجة رايكم ف عربية دايو لانوس موديل 2006 تكييف وباور بس ماشية 40.000 العربية فبريكا برا وجوا مش فيها خربوش

صاحبها طالب 48.000 فاية رايكم فيها


تانى حاجة معلش هو ايه الفرق بينها وبين الكاملة لان دى مش فيها الا باور وتكييف فقط


وهل ليها عيوب ولا الفيرنا اافضل لانى كنت هجيب فيرنا

معلش هتعبكم معايا :)

[dr_mak]

لو عربية بالمواصفات دي ...تبقى عربية حلوة وسعرها كويس

مقارنة بالفيرنا ...من معاشرتي للانوس لقيت ان العربيات الانوس امتن من الفيرنا بكتير وصانتها سهلة وغير مكلفة

الانوس الكاملة ....فيها زجاج كهربا ...عداد ار بي ام ...ساعة في الطبلون ....دريكسون متحرك ...

[zaza2002]

سعرها ممتاز

[egale2008]

سعرها كويس
الفرق فى :
فرش الباب
لمبة الأستوب
الساعه
زجاج كهربا
دركسيون متحرك
عازل كبوت
حزام امان متحرك
ار بي ام
مرايات متحكة جنب يمين
شكل التابلوه مختلف

[megosoft]

سعرها كويس
الفرق فى :
فرش الباب
لمبة الأستوب
الساعه
زجاج كهربا
دركسيون متحرك
عازل كبوت
حزام امان متحرك
ار بي ام
مرايات متحكة جنب يمين
شكل التابلوه مختلف

وكمان مرايا الشماسه اليمين- egr
والسعر ده مناسب
يعني انتي وشاطرتك يتهز شويه يعني لو جت في 45 تكون في الجون

[mailo]

شكل التابلوه مختلف

لون التابلوه بس هو اللي مختلف الفرام سيلفر بدل اسود

مفيهاش علبة بيئة"دي حاجة كويسة مش وحشة"

[swimmer25]

لون التابلوه بس هو اللي مختلف الفرام سيلفر بدل اسود

مفيهاش علبة بيئة"دي حاجة كويسة مش وحشة"

عدم وجود علبة البيئة بالنسبالي حاجة وحشة مش كويسة

[samyomar]

السلام عليكم

السعر ممتاز جدا بالنسبه لحالة العربيه و الموديل و لكن الفيرنا برضه عربيه ممتازه بالنسبه ليكى و موتورها ممتاز جدا و افضل و احدث من موتور اللانوس بكتير و اعطال الهيونداى اقل بكتير من الدايو و دى حاجه معروفه و عن تجربه لانى كان معايا الاكسنت 2005 اللى قبل الفيرنا و بصراحه اعطالها نادره جدا جدا و اعتقد السعر ده يجيب فيرنا موديل عالى برضه و حاله ممتازه
انصحك تصلى استخاره و تشوفى برضه رأى باقى الاعضاء فى موضوع الفيرنا و ربنا يوفقك للاختيار الانسب ليكى

[shimo_moh]

شكرا ليكم جداااااا

وغالبا شكلى هستقر على فيرنا وجارى البحث وان شاء الله ربنا يوفقنى بعربية كويسة :)

[ror]

السلام عليكم ورحمة الله وبركاتة
اولا : ربنا يوفقك لما فية الخير لكى ان شاء الله
ثانيا: انا راى لو حضرتك بتحبى السرعة والجرى يبقى فيرنا ولو سواقتك هادية يبقى لانوس وعلى فكرة العربتين حلوين واعطالهم بسيطة جدا ودة عن تجربة وهما قريبين من بعض فى السعر شوفى بقى اللى هيريح حضرتك نفسيا لان العربيات دى عشرة وبالتوفيق

[a_hmed]

شوفى الموضوع ده هيفيدك

http://www.nilemotors.net/Nile/670-a.html

انا وجهة نظرى العكس لو هتجرى و كدة يبقى بلاش الفيرنا علشان فراملها وحشة

و لو سواقتيك على الهادى يبقى الفيرنا

[shimo_moh]

السلام عليكم ورحمة الله وبركاتة
اولا : ربنا يوفقك لما فية الخير لكى ان شاء الله
ثانيا: انا راى لو حضرتك بتحبى السرعة والجرى يبقى فيرنا ولو سواقتك هادية يبقى لانوس وعلى فكرة العربتين حلوين واعطالهم بسيطة جدا ودة عن تجربة وهما قريبين من بعض فى السعر شوفى بقى اللى هيريح حضرتك نفسيا لان العربيات دى عشرة وبالتوفيق

معاك حق فعلا فى موضوع الارتياح النفسى ده وانا حاسة انى مرتاحة اكتر للفيرنا :)

شوفى الموضوع ده هيفيدك

http://www.nilemotors.net/nile/670-a.html

انا وجهة نظرى العكس لو هتجرى و كدة يبقى بلاش الفيرنا علشان فراملها وحشة

و لو سواقتيك على الهادى يبقى الفيرنا

شكرا ليك هقراها وربنا ييسر الامور ان شاء الله

[samyomar]

[QUOTE=a_hmed;3873498824]شوفى الموضوع ده هيفيدك

http://www.nilemotors.net/Nile/670-a.html

انا وجهة نظرى العكس لو هتجرى و كدة يبقى بلاش الفيرنا علشان فراملها وحشة

و لو سواقتيك على الهادى يبقى الفيرنا[/QUOTE

متفق مع حضرتك تماما بمعنى ان الفيرنا مناسبه جدا لو هى مش محتاجه سرعه اعلى من 130 فهتكون معاملات الامان فيها معقوله بالنسبه للثبات و الفرامل و فى نفس الوقت هتستفيد من مميزات الفيرنا من حيث قلة الاعطال و الموتور اللى كلنا متفقين انه اقوى من موتور اللانوس بس يا ربت طبعا تجيب الفيرنا ال 1600 سى سى لان موتورها هو نفس موتور الالنترا الشكل القديم و نفس موتور الماتريكس و هو موتور قوى جدا