مروحة التكيف

[A.samy]

النهاردة كنت مشغل التكيف وفجأة لقيت مروحة التكيف وقفت وكأنى طفيت التكيف كنت مشغل المروحة على 3 حولت اشغلة تانى مردتش تشتغل غير على السرعة الرابعة وباقى السرعات فاصلة ومش شغالة دورت على فيوز ليهم لقيت الفيوز موجود فى الكبينة وسليم الحقيقة مش عارف كدة العيب ممكن يطلع من اية

[haisam_belal]

Uploaded with ImageShack.us

ده مخطط البلاور ....لو متاكد ان الفيوز رقم 20 شغال ...يبقى لازم تشيك على الريسيتور و ده مقاومة متغيره لاول 3 سرعات

[ahmed_mido1889]

النهاردة كنت مشغل التكيف وفجأة لقيت مروحة التكيف وقفت وكأنى طفيت التكيف كنت مشغل المروحة على 3 حولت اشغلة تانى مردتش تشتغل غير على السرعة الرابعة وباقى السرعات فاصلة ومش شغالة دورت على فيوز ليهم لقيت الفيوز موجود فى الكبينة وسليم الحقيقة مش عارف كدة العيب ممكن يطلع من اية

كده العيب ممكن يكون في مقاومه المروحه اللي هي بتبقي راكبه جنب البلاور في التابلوه من تحت

امام الراكب اليمين

هتلاقيها متثبته ب 3 مسامير وراكب فيه فيشه فكها وجرب واحده غيرها

لو اتظبطت الدنيا يبقي العيب منها

[A.samy]

كده العيب ممكن يكون في مقاومه المروحه اللي هي بتبقي راكبه جنب البلاور في التابلوه من تحت

امام الراكب اليمين

هتلاقيها متثبته ب 3 مسامير وراكب فيه فيشه فكها وجرب واحده غيرها

لو اتظبطت الدنيا يبقي العيب منها

جارى التجربة

[tarek_2005]

كده العيب ممكن يكون في مقاومه المروحه اللي هي بتبقي راكبه جنب البلاور في التابلوه من تحت

امام الراكب اليمين

هتلاقيها متثبته [gdwl]ب 3 مسامير[/gdwl] وراكب فيه فيشه فكها وجرب واحده غيرها

لو اتظبطت الدنيا يبقي العيب منها

اثنين بس ياميدو

[ahmed_mido1889]

اثنين بس ياميدو

انا فاكر ان كان عندي 3

ابقي اشوف لما نيجي ننضف التلاجه

[A.samy]

با جماعة انا فكيت البلاور ولقيت مليانة تراب وورق شجر بطريقة غير عادية وكان تقيل جدا فى حركتة المهم فكيتة ونضفتة بس لسة تقيل فى حركتو وخد منى الوقت كلة ملحقتش اشوف المقاومات والجو ليل عليا قلت اشوفها فى يوم تانى بس اذا كان البلور فى كمية التراب دى تبقى التلاجة فيها اية اظن كدة التلاجة تبقى عايزة نظافة بس كنت عايز اعرف المادة الكيماوية اللى بيتنظف بيها التلاجة بتتجاب منين وبكام وهل فك الفبرةممكن اى حد يعملة وهل المادة الكيماوية متعملش حاجة فى التلاجة على اساس ان التلاجة بعد العمر دة اكيد بقت فى الضياع

[A.samy]

معلش كنت عايز اعرف هوالفك هو اللى صعب ولا التركيب تانى هو اللى صعب لحسن انا فى الفك زى الرهوان لكن عشان اركب الحاج تانى مش عارف لية بلاقى حجات زيادة مركبتش مش عارف بتبقى جت منين

[ahmed_mido1889]

الفبره بتاعت التكيف 25 مسمار

فكهم رخم وتركيبهم ارخم في 6 مسامير مزنوقين بين الصدر والتابلوه من جوه العربيه

غير كده انت بتلاقي المقاومه متركبه جنب البلاور متركبه بفيشه ومسامير

ومتنساش تركب الخرطوم اللي في البلاور علشان ده بيبقي مسئول عن تبريد موتور البلاور

[mailo]

اثنين بس ياميدو

3 مسامير جزم ده إنت اللي فاككهملي

معلش كنت عايز اعرف هوالفك هو اللى صعب ولا التركيب تانى هو اللى صعب لحسن انا فى الفك زى الرهوان لكن عشان اركب الحاج تانى مش عارف لية بلاقى حجات زيادة مركبتش مش عارف بتبقى جت منين

ياباشا دي كلها بتبقى زيادة ملهاش لازمة بيبقوا حاطينها عشان يغلوا العربية وبتقل وزن العربية عالفاضي
ارميها ملهاش لازمة

اوعى تكون بتصدق:)

[ahmed_mido1889]

3 مسامير جزم ده إنت اللي فاككهملي



ياباشا دي كلها بتبقى زيادة ملهاش لازمة بيبقوا حاطينها عشان يغلوا العربية وبتقل وزن العربية عالفاضي
ارميها ملهاش لازمة

اوعى تكون بتصدق:)

باماره الخمس مسامير الزيادات اللي عندي اللي مش لاقيلهم مكان

بتفكرني بصاحبي فك كاميرا ديجيتال علشان ينضفها

فك 45 مسمار ولما خلص وقفلها بيبص لقي 25 مسمار زياده

[tarek_2005]

اسم المادة ( منظف كويل تكيف ) من عند اي حد بتاع قطع غيار مكيفات وثلاجات الجركن ب 120جم
ولا يؤثر علي ثلاجة التكيف بتاتاً لانه معد لهذا الغرض

[A.samy]

الحمد لله فكيت مقاومه المروحه وطلعت بمسمارين بس ولقيت فيهم طرف مقاومة مفكوك ولحمتة وكلة بقى تمام بس نصيحة لوجه الله محدش يفك الفبرة عشان ينضف التلاجة لان الفبرة عمرها ما بترجع زى الاول

[ahmed_mido1889]

الحمد لله فكيت مقاومه المروحه وطلعت بمسمارين بس ولقيت فيهم طرف مقاومة مفكوك ولحمتة وكلة بقى تمام بس نصيحة لوجه الله محدش يفك الفبرة عشان ينضف التلاجة لان الفبرة عمرها ما بترجع زى الاول

ليه ما بترجعش زي الاول؟؟

هي مساميرها مستفذه وفي اماكن غريبه

[tarek_2005]

رجعت افضل من الاول والتكيف عاد لشبابه