مساعده فى اختيار الكاوتش ..

[m4th]

السلام عليكم

الكاوتش عندى الحمد لله ربنا افتكره و بيودع

جيت ابص عليه عشان اجيب زيه لقيت كلام كتير اوى مكتوب و ناس قالولى ده مش احسن حاجه تجيبها

عايز اعرف بالظبط ايه المواصفات اللى تكون فيه عشان يبقى كويس

غير طبعا انى عايز ماركه كويسه و يكون سعرها حنين :)

مع العلم ان العربيه جوليت و فيها جنط 14 ( هو جنط دايو اصلا اللى هو الحديد ده )

المقاس اللى عندى 185\60

سرعه الكاوتش المطلوب ممكن تكون 190 اللى هو حرف T هل ده كويس ؟ عشان كده كده مش هجيبها بيه غير مره بالكتير ده اذا جت .. اخرى 170 يعنى

ايه المقاس الصح اللى المفروض اجيبه و ايه المقاسات التانيه المتاحه ؟ و ايه ميزه كل مقاس

و ايه النقشه اللى اجيبها و هل هتفرق فعلا ؟ ولا اجيبها منظر و خلاص
انا عارف ان كل نقشه ليها ميزه بس قصدى هل بتفرق فعلا عندنا فى مصر ؟

و ايه حوار ال traction ده ؟ و اعرفه منين .؟ بيبقى مكتوب ؟ ولا اسأل الراجل و خلاص

و عرفت انه مكتوب على الكاوتش معاد تصنيعه و فهمت ازاى بالسنه و الاسبوع .. يبقى انتاجه امتى عشان يبقى كويس
من كام اسبوع يعنى ؟

معلش اسألتى كتير بس اول مره اغير كاوتش :)


لما سألت عندى هنا لانى من طنطا لقيت الأتى

بريدجستون اندونسيى
هانكوك كورى و فيتنامى
حاجه اسمها Fulda بولندى

و يااااا ريت يا جماعه اعرف موضوع الانتاج
عشان لقيت كاوتش انتاج الاسبوع ال 19 من سنه 2010 هل ده كويس ؟

و شكراا

[gebreel]

متابع

[ahmed_mido1889]

دي يمكن يفيدك

[m4th]

باشا انا فاهم الكلام ده كله
انا قصدى انهى احسن حاجات بقى اجيبها ؟

يعنى انهى احسن حراره و انهى احسن traction
و هكذا ..

لكن الف شكر ليك على ردك يا باشا

[ahmed_mido1889]

باشا انا فاهم الكلام ده كله
انا قصدى انهى احسن حاجات بقى اجيبها ؟

يعنى انهى احسن حراره و انهى احسن traction
و هكذا ..

لكن الف شكر ليك على ردك يا باشا

هات زي اللي علي الكاوتش بالظبط والنقشه تقريبا بيبقي اسمها شامبيرو

ويفضل رمز السرعه h

وبالنسبه للتاريخ بتاع الانتاج انا شايف ان الراجل بيديك فرده قديمه شويه

انا بجيب من واحد في شارع احمد سعيد مستورد للكاوتش بجيب الفرده من عنده انتاجها من شهر شهرين بالكتير

لو عايز اوصفك مكانه قولي وابعتلك عنوانه ورقمه علي الخاص

[Sherif Khalifa]

كومهو او هانكوك بحوالى 1200 جم ال 4 فرد مقاس 195\65\14 للنوبيرا
معرفش ينفع عندك ولا لا
انتج كورى
المقاس بتاعك هيكون ارخص من كدة
ارخص نوعين

لو انت فى الدقى او قريب منها هات من شركة الايمان فى شارع التحرير جنب جاد

[m4th]

كوهو كورى فى المقاس بتاعى لقيت الفرده ب 375
و هو مقاس اصغر !! انت عندك ب 300 الفرده ؟؟؟؟؟؟
انا من طنطا .. ده فرق توقيت بقى ولا ايه :):)

[Sherif Khalifa]

دا المقاس بتاعك مفروض ارخص

ها بتفرق من محل للتانى بس دا فرق كبير اوى

السعر دا انا لسة جايبة من شهر

[تامر.محمد]

ابعد عن الهانكوك
لسه مغيره قريب ببريدجستون و الفرق رهيب لصالح البريدجستون

[mahmoudysf]

كومهو او هانكوك بحوالى 1200 جم ال 4 فرد مقاس 195\65\14 للنوبيرا
معرفش ينفع عندك ولا لا
انتج كورى
المقاس بتاعك هيكون ارخص من كدة
ارخص نوعين

لو انت فى الدقى او قريب منها هات من شركة الايمان فى شارع التحرير جنب جاد

بالنسبة للكومهو فهو كويس ومجربو في اللانوس بقالو سنة
وفية فردة اسمها نيكسون راكبة عندي في النوبيرا ممتازة برضة
وبالنسبة للمقاس اللي انت كاتبة للنوبير فهو مش مظبوط
والاقرب ليه هو 195/60/14 وده اللي ركاب عندي في النوبير
لاكن مقاسها الاستاندر على جنط 14 هو 185/65/14

[mailo]

بص على الصورة دي تاني

traction = معامل تماسك الكاوتش على الطرق الرطبة والمزحلقه وكده aa أعلى حاجة وبعدين a,b,c
treadwear = تاكل الكاوتش نفسه وبيتقاس على حسب الشركة المصنعة يعني 200 في بريدجستون مش لازم يكون اقل من 300 komho
200 komho أوحش من 300 komho
temp = دي الحرارة بقى وبالنسبة يعني الخليج محتاج أحسن حاجة اللي هي A اقل منها ال b
وبالنسبة للصيف اللي فات يبقى لازم تجيب A


بالنسبة للكاوتش ميشلان أحسن حاجة عشان غير إنه كويس كاكاوتش بين باقي الانواع هو اطري واحد فيهم في ده هيبقى مريح كمان
بس اسعاره بصراحة عاليا

اللي طري بعده على طول ال goodyear وسعره حلو قوي

[MMamdouh]

treadwear = تاكل الكاوتش نفسه وبيتقاس على حسب الشركة المصنعة يعني 200 في بريدجستون مش لازم يكون اقل من 300 komho

ألكلام دة مش صح

MMamdouh

[gebreel]

ألكلام دة مش صح

mmamdouh

طيب يا باشا ممكن تقولنا الكلام الصح؟

[MMamdouh]

ألtreadwear دة قيمة للمقارنة بين الاطكارات و بعضها فيما يخص معدل التاكل...

يعنى حنفترض وجود اطار و حنعملة الbenchmarkو ادينالة رقم 100 (رقم اعتبارى لا يدل على شىء) و ركبناه على عربية و عملنا بيه 10 الاف كيلو و عند نهاية المسافة دى تاكل كل المداس بتاعة تماما

و بعد كدة جبنا اطار تانى و عملنا بية 10 الاف كيلو برضة بس بعد المسافة دى تاكل المداس بتاعة للنصف فقط يبقى ياخد 200 فى الtreadwear

و على نفس السياق يبقى الاطار اللى يتاكل ربع مداسة ياخد 400 و اللى يتاكل مداسة بعد 5 الاف كيلو فقط ياخد 50 و هكذا

اذا فايدة الرقم دة هو مقارنة معدل تاكل الاطارات بينها و بين بعضها و لا يدل على شىء بذاتة

MMamdouh