مشكلة عندى فى عداد السرعة

[drem2010]

عربيتى 2004 لسا شريها من اسبوع المشكلة ان عداد السرعة بيشتغل وبيقف برحته غيرت الصباع الى فى الفتيس نفس المشكلة قائمة ولمبة التشيك بتنور كل ماالمؤشر يقف ومش عارف اعمل ايه هل اوديها التوكيل واقرب مركز يكون كويس ليا ممكن عنوانه انا فى شبرا

[elpasha1]

طالما لمبة التشك بتنور حط العربية على الاسكنر هيطلع العيب على طول

[drem2010]

بس هى بتنورلما العداد بيقف والعداد بيقف كل فترة مش على طول

[elpasha1]

يعنى اية يقف
يعنى تبقى ماشى وبعدين تقف مثلا فى اشارة تلاقى اللمبة نورت ولا اية؟؟

[drem2010]

لا مواشر السرعة هو الى بيقف وانا ماشى وبعد مايقف المؤشر بنص دقيقة لمبة التشيك تنوار وبعدين بيشتغل
لمبة التشيك تطفى

[haimaN]

المشكلة ده مشكلة ترس السرعة فى الفتيس
هاتشترية gm من عند اى حد وتروح لميكانيكى شاطر هايفك الكبلن وهاينزل زيت الفتيس ويركب الترس الغلانه ده تاخد ساعة ساعة ونص وبسيطة وغير الزيت بالمرة

[drem2010]

الميكانيكى فك الصباع الى فى الفتيس راكب فى صباع تانى بس فى ترس بلاستيك وطويل وسليم هل قصدك على ده ولا فى ترس تانى داخل الفتيس

[tarek_2005]

الاسكانر بيقري الاعطال المخزنة علي الكنترول يونت وطالما لمبت التشك نورت اذا العطل خزن علي الكنترول يونت وممكن للاسكنر كشفه بمنتهي السهولة
ضع السيارة علي الاسكانر واقراء الاعطال المخزنة

[haimaN]

قصدى على الصابع اللى جوا الفتيس
تغيره سهل بس شوف الجهاز هايقولك اى برده

[drem2010]

ممكن تدلونى على مركز صيانة يشوف لنا العيب ده عشان محدش عارفى العيب فين مركز يكون كويس

[drem2010]

الحمدلله العيب اتعمل انا روحت مركز خدمة تكنو وان
وطلع ان الفيشة مش ركبة كويس وكشف عليها بالكمبيوتر
ودفعت 150جنية

[XGoGoX]

حصلت معايا مره ومخدتش فإيد الميكانيكي عشر ثواني
ومش فاكر وقتها إنه أخد مني فلوس أساسا

إنما 150 جنيه دي نصب وسرقه أعذرني

[XGoGoX]

حلوه كشف عليها بالكمبيوتر دي
طيب تفتكر إداها مضاد حيوي في العضل ولا لأ ؟

[JAM]

150 جنييييييييييييييه لييييييييييييييييييييييييييييييييييييييييييييه

[aslam555]

الاسكانر بيقري الاعطال المخزنة علي الكنترول يونت وطالما لمبت التشك نورت اذا العطل خزن علي الكنترول يونت وممكن للاسكنر كشفه بمنتهي السهولة
ضع السيارة علي الاسكانر واقراء الاعطال المخزنة

الاستاذ طارق رد على حضرتك من بدرى فى العيب ده وعلى ما اعتقد ان فى واحد اسمه محمد السيد فى الدقى كان هيكشفلك عليها اسكانر ب 30 جنيه
ليه معلش الخبطه الى متعورش بتقوى