انا لسه جايب نوبيرا 2 وفيها حبه مشاكل مجنناني

[smalltoto10]

السلام عليكم

انا لسه جايب نوبيرا 2 2001

الحمد لله العربية كويسة

بس فيها شوية حاجات اكتشفتها مع الوقت

_______

اولا بتاكل بنزين جدا
يعني مشيت 240 كيلو .. حطيت 37 لتر بنزين 92 مع التكييف ف كل المشاوير
مشيت 215 كيلو .. حطيت 32 لتر بنزين 92 من غير تكييف

روحت عند الميكانيكي بص ع البوجيهات لقا الشمعة بتاعتها بيضا وزي الفل وقلي كدا الحرق عندك مظبوط .. قلي عاوز تغيرهم غيرهم .. غيرتهم و غيرت فلتر الهواء ونظفت حساس البنزين عشان كدا متوسخ خالص

النتيجة : مشيت 155 كيلو حطيت 20 لتر بنزين 92
مشغل التكييف ف السرعات العالية فقط .. بس مشيت بيها ف مناطق زحمه حبه كدا

المهم كدا الحساسات و الرشاشات مظبوطه ولا .. وايه هي اعراض تلفها ؟؟؟ العربية مش بتغيب ف الدوارة بستنى الكمبيوتر يحمل و ادور تدور علاطول من اول لقطه

__________

تاني مشكلة بقا :

لقيت قربة المايه فيها خرم صغير غيرتها واضطريت اعمل تطويلة لخطروم الفايز بمساورة صغيرة لانى مش لاقي خراطيمها

والنتيجه ان المايه بتقل بردة حوالي تلت لتر ف المشوار

قولت اغير الغطا جبت غطا الماني رفيع ومشيت مشوار الحمد لله المايه منقصتش بس المشوار كان صغير

____________

تالت واهم مشكلة بقا :

الفراااااامل

وانا ع سرعه واطية الفرامل زي الفل وملهاش صوت

اعدي سرعه 100 وادوس فرامل جامد الدركسيون يغربل يمين و شمال

روحت لمليون ميكانيكي كلهم قالولي طنابير امامي

جبت الطنابير الامامي وركبتهم ومشيت لقيت ان العجلة اليمين بترف

روحت للميكانيكي لقيت ان الطنبورة اليمين مش راشقة ف مكانها كويس ولقيت ان بلية السره باظت عملتها وركبت الطنبورة القديمة ف اليمين والجديدة زي ما هيا ف الشمال

ومشيت شوية بعد ما صنفر التيلين (لقاهم جداد) .. مشيت شوية (10) كيلو كانت الفرامل كويسة ع سرعه بس بعد كدا لقيتها بتغربل نفس الغربلة

الحل اما روحتله تاني لقيته بيقولي لازم تخرط الطنبورة الجديدة من جوا و توسعها شوية عشان ترشق ف مكانها ع السره بالظبط ... وانا بصراحة محتار وحاسس انى عمال ارمي فلوسي ف الأرض

__________

رابع مشكلة بقا:-
فى غربلة ف الدركسيون فوق وتحت من الدركسيون نفسه عمال يتهز .. اخد مطب الدركسيون يلعب ف ايدي واسمع صوت خروشة جواه

روحت لعفشجي بصلي ع القطمه قلي سليمة المشكلة عندك ف قلاب الدركسيون الي بيخليه يطلع وينزل

وبصلي وسكت وقلي روح لكهربائي

روحت لكهربائي قلي ممكن احلهالك باني اثبت الدركسيون ع درجة معينه وانا بردة معملتش الموضوع ده لانى مش متطمن

___________

انا بجد يجماعة زهقت من كتر الحاجات الى عملتها ف العربية وصرفت كتير اوي

يا ريت يجماعة تقروا الموضوع كويس وتحاولوا تساعدوني


اللون الاحمر مخصص للادارة
يرجى مراجعة قواعد المنتدى
مشرف 18ب

[farselkon]

على فكرة النوبيرا مشاكلها كتير جدا ولا تحصى ولا تعد إسأل مجرب أنا كان عندى نوبيرا 1،2ولقيت إن نوبيرا 1 أحسن كتير بس فى بعض العيوب المشتركة مثل الفتيس نناشف شوية وكمان البنزين نصيحتى هى عربيى حجر بس عايزة تل فلوس ترمية فيها والحدق يفهم

اللون الاحمر مخصص للادارة فقط

يرجى مراجعة قوانين المنتدى

مشرف عام الكورى و الماليزى

[smalltoto10]

ياباشا الله يكرمك

انا اشتريها خلاص

متحاولش تكرهني ف العربية اكتر منا كرهتها

[3ateef]

[quote=farselkon;3873491962] على فكرة النوبيرا مشاكلها كتير جدا ولا تحصى ولا تعد إسأل مجرب أنا كان عندى نوبيرا 1،2ولقيت إن نوبيرا 1 أحسن كتير بس فى بعض العيوب المشتركة مثل الفتيس نناشف شوية وكمان البنزين نصيحتى هى عربيى حجر بس عايزة تل فلوس ترمية فيها والحدق يفهم [/quote]
اللون الاحمر ممنوع,,,وبالنسبة لموضوع الفتيس ناشف دى اول مرة اسمع عنها...

ياباشا الله يكرمك

انا اشتريها خلاص

متحاولش تكرهني ف العربية اكتر منا كرهتها

ولا تكرهها ولا حاجة يا باشا,,,بسيطة بأذن الله...
الاعضاء هتلاقيلك حل لكل المشاكل بأذن الله...
وممكن تدخل تاخد جولة فى قسم الدايو وتشوف المواضيع وهتلاقى مواضيع مفيدة ليك..وكلها عن تجارب شخصية من اعضاء موثوق فى كلامهم...

تحياتى...

[midooo_119]

انا رايى الى يشترى نوبيرا زيرو و يبقى ايدوا فيها غير الى يجيبها مستعملة الله اعلم الى قبليه كان عامل فيها ايه و فى الاخر بنرمى اللوم عالعربية

ان شاء الله الاخوه هيفيدوك و يلاقولك حل لكل مشاكلك و ربنا يباركلك فيها

[midooo_119]

وبالنسبة لموضوع الفتيس ناشف دى اول مرة اسمع عنها...
تحياتى...

+111111111 و انا كمان

[kashtoot]

يا باشا و لا تكرهها و لا حاجة
المنتدى مليان ناس فاهمة كتير و ان شاء الله يساعدوك
ألف مليون مبروك و ربنا يباركلك فيها و يكفيك شرها

[amado318]

حاجات غريبه اول مرة اسمع عنها طنبورة ايه الى عاوزة تتخرط حضرتك اشتريت طنبورة صينى ام 120 جنيه للاتنين ولا ايه وبعدين فتيس النوبيرا زى الفل شوف كدة فيه وساخه فى مكان عصايه الفتيس من جوة ولا عاوز رجلاش النوبيرا مع اخويا زى الفل

[MMamdouh]

بص.... انت جبت عربية فيها شوية مشاكل.... و المشاكل ممكن تتحل بس حتحتاج شوية فلوس ووقت

عندك الفلوس و الوقت و الاستعداد للموضوع كان بها... مكنش يبقى بيعها و اشترى دماغك

MMamdouh

[smalltoto10]

يجماعة فى ايه

انا يعني كنت بفضفض شوية

ممكن طيب حلول للمواضيع ديه

انا بدور ف المنتدى اهو

الطنابير الى انا جبتها كوري مش صيني

وعاوزه تتخرطك ف مكان الفتحه الى بتركب ف السوره وروحت عملتها دلوقتي وركبتها و ركبت تمام

وجرب الرعشة بقت موجوده تحت رجلي وفى زي صوت زنه كدا من تحت

بس الدركسيون مبقاش يرعش اوي

الميكانيكي بيقولي ممكن يكون تيل

الله اعلم بقا

[smalltoto10]

يجماعة طيب سيبكوا من كل ده

اهم حاجه عندي البنزين دلوقتي

هي استهلاكها معدله اد ايه ف الصفحة جوا البلد و ع السريع

مفيش عندي ولا دخنه سودا و الحساس بتاع البنزين نظيف ومش بتغيب ف الدوارة والبوجيهات نظيفة

يعني غالبا كله تمام عندي

عاوز بس اعرف الاستهلاك والتكييف بيفرق ف البنزين اوي ولا حاجات بسيطة

[ahmedsrs]

الف مبروك على العربية متضايقش من العربية لانها عربية محترمة جدا
اولا:-
عشان تقيس استهلاك البزين الصحيح لازم يبقى طريق طوالى ومش زحمة جرب تسافر بيها سفرية وشوف الاخبار ولمعلومك استهلاك النوبيرا فى البنزين اعلى شوية من العادى بس مش مضلع
ثانيا:-
بالنسبة للرجة فى الدركسيون الميكانيكى قلك اخرط الطنبورة طيب اذى هى مش بتاعت العربية اكيد فى حاجة غلط
ثالثا:-
اللوحة مع الفرامل ممكن يكون مشكلة مستر العجل فى واحد تعبان فواحد بيمسك والتانى لا
واسباب تانية
رابعا:-
خد لفة فى المنتدى هتلاقى اغلب عيوب النوبيرا موجودة

[amado318]

ممكن يكون صاحيها كان بيعك فيها ومركب حاجات مش بتاعتها وعلشان كدة ما فيش حاجه مظبوطه معلش لما تغير طنابير يبقه لازم تغير معاها التيل مينفعش التيل القديم يركب حتى لو كان بقاله يومين ثانيا استهلاك النوبيرا جوة البلد فى الزحمه وتكييف عالى على الطريق او ما فيش زحمه عادى جدا زى اى عربيه 1600 سى سى

[amado318]

نسيت اقلك فيه ناس ما شيه بالنوبيرا ببنزين 80

[smalltoto10]

شكرا ليكوا كلكوا ع السماعده

- دلوقتي الحمد لله المايه مظبوطه ومش بتنقص (طلعت مشكلة غطا)
- البنزين 150 كيلو ف الصفيحة ( نص المشاور بتبقا الدنيا زحمه والنص التاني ماشية) وانا لسه مش واخد ع سواقة العربية اوي (كنت بسوق 131) فالعربية ممكن تطلع مني بفركة او ممكن اتقل ع غيار بس عموما انا مش بحاول اخلي الـ rpm يعلى عن 3000
- بالنسبة للفرامل .. انا الحمد لله ركبت الطنبورتن الجداد الكوري وجربت ع سرعه الدركسيون بقا فيه هزه بسيطة لا تذكر بس الدواسة تحت رجلي بتتهز .. الميكانيكي كان مطلع التيل كويس جدا قلي متغيروش الطنبوره الجديده هتطبع عليه بس عاوزه يومين تلاته هل كدا كلامه صح ولا ؟

-فى ايه تاني ف العربية ممكن اعمله اول ما اجبها .. الراجل صاحبها ( ع فكرة الراجل ده صاحبي وانا بركب معاه ف عربيته علاطول وراجل نظيف و مهتم بالعربية) .. المهم انه كان مغير تيل فرامل و سيور و زيت وفلتر بنزين

انا بقا غيرت فلتر هوا ونظفت بوابة الهوا (حساس البنزين) بالاسبراي وغيرت البوجيهات و الميكانيكي بيحلفلي ان الماتور زي الفل و العربية مش محتاجه حاجه .. بيقولي انت بتدلع هههههههههه

---- حاجه اخيره مهمه .. العربية الصبح اما باجي ادورها لو حطيت المفتاح علاطول ودورت مش بسمع صوت المارش بيلف اصلا

لازم استنى صوت الـ تن تن يخلص واستنى ثانيتين تلاته كدا كمان ادور اسمع صوت المارش وتدور علاطول

ده مشكلة ولا ده من الكمبيوتر و عادي ؟