العربيه عندى بتسخن و الميه بتخلص بسرعه وبتقطع

[memo_zls]

السلام عليكم
العربيه عندى بتسخن و الميه بتخلص بسرعه وبتقطع ومبتسحبش وقفت جنب محطه بنزين وسألت ميكانيكى فالى "جابت وجوان وتتكلف 500 جنيه " بس انا مستريحتش وركنت العربيه و جيت اسال ياريت حد يفدنى مع العلم انها لانوس 2 موديل 2001 عملا 185000 كم

[mustafavet]

هتلاقي حضرتك في مواضيع كتيره في المنتدي عن ازاي تكشف علي دوره المياه
اعمل بحث وهتلاقي كتير ان شاء الله

[A.samy]

اعراض ضرب جوان وش السلندر نقص شديد فى المياة وممكن يخرج من الشكمان زيت المكنة يطحن يبقى لونة زى الطحينة وطبعا ضعف فى السحب

[amado318]

ممكن يكون فيه خرطوم بايظ او كوعه ترموستات الحراره ممكن تكون اتخرمت شوف الميه بتروح فين الاول وممكن الترموستات قافش ودورة الميه مش بتكمل ولو العربيه سخنت لازم بتبطل ان شاء الله خير افحص دورة الميه الاول

[elpasha1]

دى اعراض وش السلندر والحق اعملة قبل ما الوش يقفع

[elpasha1]

بس سؤال هل بتوصل لدرجة الغليان؟؟

[amado318]

عادى تغلى ويخرج بخار شديد من القربه

[tarek_2005]

اعراض تلف جوان وش السلندر

اولاً ما هو جوان وش السلندر

من اسمه جوان من خامة مخصوصة تتحمل الحرارة والضغط يفصل بين بلوك الموتور ووش السلندر

اعراض تلف الجوان
1 - دخول الماء علي الزيت
2 - دخول الزيت علي الماء
3 - دخول الزيت للغرف بتاعة المحرك
4 -دخول الماء لغرف المحرك

في الحالة الاولي ستجد الزيت اصبح كالطحينة
في الحالة الثانية ستجد قربة المياه علي وجه المياه بها عليه زيت
في الحالة الثالثة ستجد دخنة زيت خارجة من الشكمان وممكن بستم لايعمل ( العربية متلته )
في الحالة الرابعة العربية بتلت وبتنتش وخروج ماء من الشكمان

بجانب انه في جميع الاحوال
ضعف في اداء المحرك كبير
ارتفاع حرارة المحرك

نقص بالماء او الزيت شديد