هل اللانوس فيها درجات لبكره ال accelerator

[m4th]

السلام عليكم .. يا رب الجميع يكون بخير

كان عندى استفسار .. واحد صاحبى معاه عربيه بيكانتوا

المهم كنا عند الميكانيكى من فتره و كان البنزين اللى هو ال accelerator فيه درجات

يعنى لو ظبطته على اقل درجه لما بتدوس بنزين بعشم شويه العربيه تطلع عادى بالراحه و ده كان معمول عشان كانت واحده بتتعلم السواقه على العربيه

هو خلاه على اعلى درجه فبقى لما بتلمس بنزين العربيه بتطير

هل اللانوس فيها حاجه زى دى ؟

و شكرا :)

[amado318]

فيها طبعا ممكن ترخى السلك او تشده عادى جدا هتلاقى زى تيله ومكان مشرشر على السلك بتبات فيه التيله المربعه ترخى منها السلك او تشده براحتك طبعا هتفتح الكبوت وعليك انته الباقى بقه

[m4th]

شكرا جزيلا يا باشا !!
:)

[swimmer25]

ممكن يكون قصدك ان اللي لسه بيتعلم سواقة رجله تقيلة علي النزين فبيرخي السلك شوية عشان مشوار الدواسة يبقي اكبر لحد ما تبدا تجيب بنزين
الموضوع مالوش علاقة بالتسارع

[m4th]

و انا مش بتكلم على التسارع .. المقصود ب accelerator هو دواسه البنزين

التسارع هو ال acceleration مش accelerator

و فعلا كلام حضرتك مظبوط .. بس انا ناوى على العكس بقى اخليها تجيب بنزين من اول لمسه :)

شكرا على رد حضرتك

[mero100]

موضوع التيله المربعه دة مظبوط ... بس المهم لما تعمله و انت بتشد السلك .. متخليش صوت الموتور يعلي معاك.. يعني تشده في حاله لو كان مرخي شويه بس.... انما لو مشدود حتعمل فيه ايه؟؟....

و ياريت محمد ممدوح يدينا رأيه في الموضوع دة

[swimmer25]

و انا مش بتكلم على التسارع .. المقصود ب accelerator هو دواسه البنزين

التسارع هو ال acceleration مش accelerator

و فعلا كلام حضرتك مظبوط .. بس انا ناوى على العكس بقى اخليها تجيب بنزين من اول لمسه :)

شكرا على رد حضرتك

تمام..هو هيفرق بس في تقليل مشوار الدواسة الفاضي مع اول دوسة بنزين