Tweet
امبارح كنت فايت اخد خالى من عند الميكانيكى بتاعه فى عابدين علشان هيسيبله عربيته، المهم ركنت العربية صح - صف اول - و غبت ربع ساعة، رجعت لقت الرفرف الأمامى شمال مخبوط داخل لجوه لدرجة ان باب السواق مبيفتحش اكتر من 10 سم، المهم ناس من اصحاب المحلات تطوعوا و قالولى ان فلان الفلانى اللى ساكن فى الدور الفلانى خبطها بعربيته اللادا و هو خارج بضهره من الحارة المقابلة و مشى من غير ما يقف، الناس كانت بتساعد علشان بتكره الراجل ده و بيعتبروه الغلس بتاع المنطقة، طلعت خبطت على شقته، فتحتلى مراته و بمنتهى الهدوء طلبت نمرة موبايله و وضحتلها سبب الطلب، راحت رده على طول "ما خبطناش عربيات و معندناش موبايلات" 
، نزلت و انا بغلى و هبتدى ادور على سمكرى يرضهالى، راح واحد صاحب محل دلنى على سمكرى فى الحارة المقابلة فاستغربت و قلتله " هو الراجل ده غلس لدرجة ان السمكرى يسيبه يركن قصاد ورشته كده؟" فرد و قالى " لا دول صحاب قوى و تقريبا قرايب" ، راحت الفكرة ضربت فى نفوخى و سألته " مخدتش بالك السمكرى ده شاف الحادثة؟" قالى "لا مكنش واقف" ، و خدت العربية و دخلت الحارة و رحت داخل على السمكرى و قولتله بمنتهى البراءة و انا شكلى محرج قووووى " انا زميل أ/ فلان الفلانى فى الشغل و واحد خبطلى العربية و بصراحة ناسى محفظتى فى البيت و مشوارى بعيد، فصاحبى قالى اجى اعملها عند حضرتك و هو هيحاسبك" بصراحة انا كنت متوقع حاجات كتير، منها مثلا انه يطلبه على موبايل مثلا او ميصدقش، بس واضح ان منظرى بالبدلة و تمثيل دور المحرج خلوه يصدق، اشتغل على طول فى العربية و فى خلال نص ساعة رجعت زى الفل و سألته كام علشان ابقى احاسب صديقى فقالى 100 جنيه.
بصراحة انا عارف ان الشغل اللى اتعمل يساوى 50 - 60 جنيه عند حد تانى بعد الفصال، و كان سهل عليا انى اريح دماغى و اعملها على حسابى، بس الحركة اللى عملها البتاع اللى خبطلى العربية خلت عندى رغبة فى الرد بأى طريقة. :D :D :D
، نزلت و انا بغلى و هبتدى ادور على سمكرى يرضهالى، راح واحد صاحب محل دلنى على سمكرى فى الحارة المقابلة فاستغربت و قلتله " هو الراجل ده غلس لدرجة ان السمكرى يسيبه يركن قصاد ورشته كده؟" فرد و قالى " لا دول صحاب قوى و تقريبا قرايب" ، راحت الفكرة ضربت فى نفوخى و سألته " مخدتش بالك السمكرى ده شاف الحادثة؟" قالى "لا مكنش واقف" ، و خدت العربية و دخلت الحارة و رحت داخل على السمكرى و قولتله بمنتهى البراءة و انا شكلى محرج قووووى " انا زميل أ/ فلان الفلانى فى الشغل و واحد خبطلى العربية و بصراحة ناسى محفظتى فى البيت و مشوارى بعيد، فصاحبى قالى اجى اعملها عند حضرتك و هو هيحاسبك" بصراحة انا كنت متوقع حاجات كتير، منها مثلا انه يطلبه على موبايل مثلا او ميصدقش، بس واضح ان منظرى بالبدلة و تمثيل دور المحرج خلوه يصدق، اشتغل على طول فى العربية و فى خلال نص ساعة رجعت زى الفل و سألته كام علشان ابقى احاسب صديقى فقالى 100 جنيه.بصراحة انا عارف ان الشغل اللى اتعمل يساوى 50 - 60 جنيه عند حد تانى بعد الفصال، و كان سهل عليا انى اريح دماغى و اعملها على حسابى، بس الحركة اللى عملها البتاع اللى خبطلى العربية خلت عندى رغبة فى الرد بأى طريقة. :D :D :D
Comment