استهلاك البنزين كويس على الطريق السريع سئ جدا جوه البلد

[aliyosef]

اولا اتمنى لمنتدانا الكريم مزيد من النجاح
عربيتى نوبيرا 2001 اتوماتيك عامله 123500 كم تم عمل الصيانه الدوريه كامله من شهر يعنى اول اماشتريتها وهى كالأتى من اول فلتر البنزين لغايه بليتين الكاتينه ثابته ومتحركه حبيت اجرب استهلاك البنزين عملت فى 100كيلو على طريق القاهره الاسماعيليه الصحراوى 7 لتر بنزين 92 لغايه الزور للاخر مع العلم السرعه مابين 110 و120 لكن جوه البلد حدث ولاحرج ممكن 20 لتر مايعملوش 100 كم حتى ارجو الافاده اسف للأطاله

[mustafavet]

هو اللي اعرفه ان الطبيعي الاستهلاك جوه البلد بيبقي اعلي من الطريق السريع

[Strong]

عادي جوه البلد بيكون الاستهلاك عالي وخصوصا في الزحمة لان العربية ممكن تفضل دايرة ساعة وما تمشيش 2 كيلو على بعض

[kagawa]

صديقي

انا عندي اوتو 2002 استهلاك البنزين داخل المدينه يعني اشارات ومشي بطئ
العشرين لتر 92 يعملوا 100 كيلو بالمسطره ممكن يزيدوا الي 110 كيلو
لكن علي السريع سحب البنزين حلو جدا
هي دي النوبيرا الاوتو واللي يقول لك غير كده يبقي ماعندوش نوبيرا اوتو
فا متخليش حد يشكك في عربيتك... ولو عايز اي استفسار بالنسبه للنوبيرا الاوتو انا تحت امرك
.
.
.

[aliyosef]

انا متشكر لسرعه ردكم ومشكورين جميعا

[aliyosef]

بس فيه ناس معانا فى المنتدى اللى يقول جوه البلد 170 واللى يقول 160 بالتكيف هه فيه ايه الناس دى ركبه نوبيرا 1300 سى سى ولا ايه

[Strong]

اللانوس المانوال بتاعتي بتاخد جو البلد لو الطريق زحمة بالغيار الاول وبالمكيف 20 لتر لكل 70 كيلو
لو الطريق ماشي شوية وبدون مكيف وغيار اول وتاني 130-180
لو طريق سريع 220-240
طبعا كله قيادة اقتصادية ماعدا الطريق السريع بانقل على 4000 كتير

فاكيد النوبيرا زيها او اكتر

[aliyosef]

الله ينور عليكم اثلجتم صدرى