استفسار عن مشكله فى النوبيرا

[samyomar]

السلام عليكم و رحمة الله
عندى مشكله بسيطه حبيت اسالكم عنها
لما ابطل العربيه باسمع و لمدة 30 ثانيه تقريبا صوت تنفيس عند مفتاح التكييف المسؤل عن اتجاه حركة خروج الهواء
و لكن الصوت بيبقى موجود فقط ع 3 اوضاع من المفتاح اما لو كان المفتاح ع وضع خروج الهواؤ من الامام و عند الدواسات فان الصوت يختفى
يا ريت اللى من حضراتكم يعرف تفسير للمشكله دى يخبرنا عن السبب
و جزاكم الله خيرا

[osama.m]

حضرتك بتبقى مشغل التكييف و بعد كدا بتسمع الصوت دا !
بيتهيألي مفيش مشكلة إلا لو الصوت دا بيدايقك

[bondjames]

أعتقد إن كده التكييف ناقص شحن

[elpasha1]

نقص شحن التكييف

[hosar]

لأ نقص شحن التكييف تسمع الصوت لما تشغل على السرعة الأولى و لما تطفية يروح

[bondjames]

لأ نقص شحن التكييف تسمع الصوت لما تشغل على السرعة الأولى و لما تطفية يروح

نقص الشحن تسمع الصوت مع بداية التشغيل وكمان بعد ماتطفى

[ahmedismael]

دى صوت هوا ( الفاكيوم ) اللى مسئول عن فتح وقفل بوابات التهوية فالمشكلة فى مفتاح التكييف المسئول عن مسار الهوا نفسة لانك لو فكيت المفتاح حتلاقى خراطيم متوصلة فية ممكن يكون خرطوم اتفك من المفتاح او المفتاح كلة افتح وشوف افتح وشوف بنفسك الموضوع سهل جدا

[samyomar]

انا متشكر جدا لكل اخوانى اللى افادونى بنصائحهم -

جزاكم الله خيرا - ان شاء الله هاعمل زى الاعضاءما قالو و هاكشف على التكييف عند حد متخصص

[souzoran]

مع احترامى لاراء الجميع اى تكييف ناقص شحن او مش ناقص شحن هايعمل الصوت ده لان دائره التكييف فيها جزئ اسمه اكسبنشن وده بييعدى فيه الفريون بصوره بطيئه جدا زى رشاش فلما تكون مشغل التكييف وتبطل العربيه بيكون لسه بيعدى فى الجزء ده وبيعمل الصوت ده على الفكره الصوت ده موجود طول مانت مشغل التكييف بس هواء التكييف وصوت الماتور مايخلكش تسمعه

[pelo]

مع احترامى لاراء الجميع اى تكييف ناقص شحن او مش ناقص شحن هايعمل الصوت ده لان دائره التكييف فيها جزئ اسمه اكسبنشن وده بييعدى فيه الفريون بصوره بطيئه جدا زى رشاش فلما تكون مشغل التكييف وتبطل العربيه بيكون لسه بيعدى فى الجزء ده وبيعمل الصوت ده على الفكره الصوت ده موجود طول مانت مشغل التكييف بس هواء التكييف وصوت الماتور مايخلكش تسمعه

1+1+1+1+1+1+1+1+1+1

[gassarian]

في ملاحظة...........أنا الصوت ده بسمعه من غير ما أبقى مشغل التكييف أصلاُ قبلها.......و بيبقى عندي من زرار سرعات المروحة