الميه و الزيت

[BLEEDER]

السلام عليكم

انا زودت العربيه ميه لحد علامه الماكس و بعد ما خلصت المشوار رجعت سمعت صوت غليان و كمان لما كنت بركن بلاقي لمبه الزيت بتنور على السلانسيه او لما يبقى عداد ال ار بي ام 850 لفه لكن لما بزود بتختفي , الحكايه ديه حصلت قبل كده و قلت يمنك الزيت خفيف بس ده 3 نوع زيت اغيره .

بس حراره العربيه ثابته ما بتزدش , و لو الميه قليله ما بسمعش الغليان ده.

و لما بزود السرعه بالعربيه بشم ريحه شياط زيت غالبا على 120 كم , زمان كان الشياط ده على سرعه 140 كم

اعمل ايه عشان ارتاح و ماشمش الشياط ده و مش كل شويه تبقى عيني على التابلوه ؟؟

[MMamdouh]

اكبس دورة التبريد عشان تعرف التسريب منين

لمبة الزيت بتنور على السلانسية اما لان السويتش بتاعها ضعيف او طلمبة الزيت ضعيفة او سبايك الكرنك متاكلة

MMamdouh

[BLEEDER]

بتنور على السلاانسيه بعد مشوار طويل و سخن

الميه لما بتغلي اعتقد بطلع شويه بخار من غطا القربه عشان بلاقي على القربه شويه ميه خفيفه

[tarek_2005]

طالما بتغلي يبقي غطا القربة تالف غيره او القربة بها شرخ افحصها جيداً

نوع الزيت الي بتحطه ايه لانه ممكن يكون لزوجته بتخف اوي علي درجات الحرارة العالية

[MMamdouh]

كدة يبقى غطاء القربة تالف زى ما قال طارق باشا

اما بالنسبة للمبة الزيت جرب اللى قولتلك علية... غير السويتش الاول... لو العيب فضل يبقى اما سبايك و اما طلمبة

لو سبايك حتسمع صوت تخبيط لمدة ثوانى اول ما تدور العربية الصبح

MMamdouh

[BLEEDER]

مافيش طخبيط الصبح و لا حاجه , و هاغير غطا القربه و اشف
شكرا جزيلا

[dr.hany]

الغطا

[Car's Sniper]

بتنور على السلاانسيه بعد مشوار طويل و سخن

الميه لما بتغلي اعتقد بطلع شويه بخار من غطا القربه عشان بلاقي على القربه شويه ميه خفيفه

لو معرفتش تجيب غطا للقربة ودوخت عليه ومالقتهوش(زى حالاتى)...ممكن تعملّه جلدة بحتة كاوتش داخلى بايظ مثلا ...بس انا مالاقتش كاوتش قديم رحت جايب شبشب o2 الكحلى ده وقاطع حتة من الجزء اللى فوق فى الشبشب على شكل حلقة وبقت تمام وزى الفل ومابتسربش نقطة مية
والمصرى معروف بقوته وجبروته هههههه

ده طبعا فى حال مالقتش غطا للقربة...

[MMamdouh]

معلش اشرحلى انت عملت ايه بالضبط لان لو اللى فهمتة صح يبقى انت بوظت الدنيا تماما

MMamdouh

[tarek_2005]

دا كدا انتا خربت الدنيا ولغيت بلف الامان الي موجود في الغطا ولاقدر الله لو زاد الضغط في دورة التبريد لاي سبب سينفجر اضعف جزء فيها
اياً كان (( قربة خرطوم مشترك كوعة طبة موتور ردياتير الخ ))

الحق هات غطاء جديد فوراً

[Car's Sniper]

معلش اشرحلى انت عملت ايه بالضبط لان لو اللى فهمتة صح يبقى انت بوظت الدنيا تماما

mmamdouh

دا كدا انتا خربت الدنيا ولغيت بلف الامان الي موجود في الغطا ولاقدر الله لو زاد الضغط في دورة التبريد لاي سبب سينفجر اضعف جزء فيها
اياً كان (( قربة خرطوم مشترك كوعة طبة موتور ردياتير الخ ))

الحق هات غطاء جديد فوراً

هو بلف الامان هو الحاجة المدورة اللى فى الغطا ؟؟ صباح الفل...انا فاكره هو صوت التنفيس اللى بييجى من ورا الماتور
اللى عملته بالظبط انى عملت حلقة زى غويشة كدة عشان تمنع التسريب بس صمام الامان مافيش عليه حاجة لانى عاملها حلقة يعنى مفرغة من جوة مجرد سدة الحواف بس وهتلاقوا فى الغطا مكان ليها كدة
ياريت حد يعرفنى هو غطا القربة ليه جلدة ولا لأ
لان القربة سربت بعد ماخويا الصغير فك الغطا وانا بحسب فيه جلدة وهو ضيعها لانى مالقتش جلدة جواه
وفى مرة بعد ماعملت كدة وقفت فى زحمة ييجى ساعة وتلت وحسيت ان عمود فرامل اليد نفسه سخن(مش المنطقة اللى تحته بس) و مؤشر الحرارة على طبيعته ولما جيت افتح القربة لاقيت بعد مافتحتها بثنيتين كدة المية عمالة تعلى وخرجت برة القربة ودى اول مرة تحصل ..طول عمرها بتنفس بس من غير ماتطلع
اللى عايز اعرفه بس هو الغطا بيكون فيه جلدة ولا لأ ؟؟
وشكرا عالتنبيه يابشمهندسين
وهاحاول اروح لاى محل كبير فى الزقازيق لانى دورت عندنا ومافيش اى حد بيبيعها

[tarek_2005]

الغطاء بيبقي فيه الجوان الي انتا عملته بس لو لاحطت سن القلاوظ بنتاع الغطا هتلاقيه مش كامل يهني زي ماتكون مقطعه علشان بلف الامان الي في وسط الغطاء بيطلع الضغط الزائد الي حواف الغطاء ويسرب الضغط الزائد في حالة زيادة الضغط عن الحدود الطبيعية الكاوتشه الي انتا فصلتها جوان مؤكد قفلت هذه المجاري من فوق وهنا تكمن الخطورة

[Car's Sniper]

الغطاء بيبقي فيه الجوان الي انتا عملته بس لو لاحطت سن القلاوظ بنتاع الغطا هتلاقيه مش كامل يهني زي ماتكون مقطعه علشان بلف الامان الي في وسط الغطاء بيطلع الضغط الزائد الي حواف الغطاء ويسرب الضغط الزائد في حالة زيادة الضغط عن الحدود الطبيعية الكاوتشه الي انتا فصلتها جوان مؤكد قفلت هذه المجاري من فوق وهنا تكمن الخطورة

كلام حضرتك صح ...بيبقى فيه فراغات فعلا فى القلاووظ والجوان اللى انا عملته عامل زى الاصلي لانه ركب مكانه بالظبط...بس الافضل انى اشترى غطا جديد عشان اريح دماغى من الوساوس والقلق عشان الحكاية دى
الف شكرا يا طارق باشا وشكرا مرة تانية على تعب حضرتك معايا

[tarek_2005]

لاشكر علي واجب

[MMamdouh]

اشترى الغطا بتاع الاوبل لان الغطيان الدايو اللى فى السوق مضروبة

MMamdouh