العربيه فيها حاجه غلط

[mostafa mahmod]

لانوستى فيها حاجه غلط بقالها فتره

السحب وحش جدااااااااااااااا و خصوصا و هى بارده مع انها مكانتش كده زمان و بيبان اوى بقى و انا مشغل التكييف و النهارده و انا ببص على الزيت و بشوف الميه و بالصدفه كنت مدور العربيه اكتشف ان صوتها عالى اوى اوى
و صاحبى قالى ان الصوت ده ممكن يكون من الشكمان


طبعا اتصدمت و معرفتش ارد عليه فيا ريت تقولولى يا جماعه الحلوه فيها ايه

العربيه موديل 2005 البوجيهات و السيور كلها مبقالهاش 3000 كيلو و الزيت كمان

الفيشه على 90 و كنت عاملها من فتره على 80 بس مرتحتش عليه

و اسف على الاطاله و شكرا مقدما على الرد

اه و باركولى علشان اخدت الاجازه

[zakar0tta]

ألف مبروك ياباشا وربنا يقوملك لانوستك بالسلامة

[alynubira]

طبعا الشكمان ممكن يبقى ليه تاثير على السحب ومبروك يا باشا على الاجازه

[mostafa mahmod]

مش عارف يا جماعه صوت العربيه على اوووووووووووووى النهارده انا نازل كمان شويه اروح لبتاع شكمانات هشوف ايه الدنيا كده و ابقى اقولكوا الاخبار

[mostafa mahmod]

رحت لبتاع الشكمانات و بص من تحت و كانت الصاعقه السوسته الاماميه منتهيه و العلبه الوسطانيه بايظه و قالى لازم يتغيروا السوسته قلتله توكل على الله مهو مضطر بقى - صوت العربيه كان عامل كانى مركب 20 فلتر سبور و قارص على الغيار للاخر - تخيلوا بقى
المهم بعد ما خلص قالى دى العلبه اللى ورا بتودع و عايزه تتغير كمان قلتله لا يا عم الحاج انا اشفرت - و الحاجه والدتى كانت بتهزانى فى التليفون - فقلتله خليها المره اللى جايه

الموضوع اتكلف كالتالى :

150 سوسته اماميه ماركه ابو اليزيد
220 العلبه الوسطى ابو اليزيد برضه
بالمصنعيه طبعا و بعد التركيب جربت فعلا صوتها هدى خالص و السحب اتحسن شويه - قالى السحب بيبقى العلبه الخلفيه -


و انا راجع رحت سالت واحد تانى قالى تقريبا نفس الاسعار

و انا طبعا قلتله انا هتاكد فيا ريت تقولولى ايه اخبار الاسعار

و الاجازه شكلها باين من اولها

[ahmedezzat78]

العلبه الخلفيه هيه اللى تفرق فى السحب

[mostafa mahmod]

العلبه الخلفيه هيه اللى تفرق فى السحب

اه يا باشا تمام هو قالى كده فعلا و انا ناوى اغيرها كمان شهين كده ولا حاجه اكون قفشت فلوس بس

السوال بقى ازاى اعرف اذا كانت علبه البيئه كويسه ولا بايظه

[elpasha1]

السوال بقى ازاى اعرف اذا كانت علبه البيئه كويسه ولا بايظه

شيلها يا باشا وكبر دماغك وهتفرق معاك فى سحب العربية برضة

[mostafa mahmod]

اه منا قلت كده برضه بس قلت للراجل قالى لا متنفعش - الراجل اللى انا سالته عالاسعار مش اللى عملت عنده - هو شكله حمار اساسا

:p

[ahmedezzat78]

اه يا باشا تمام هو قالى كده فعلا و انا ناوى اغيرها كمان شهين كده ولا حاجه اكون قفشت فلوس بس

السوال بقى ازاى اعرف اذا كانت علبه البيئه كويسه ولا بايظه

علبه البيئه يا اما حشوها مكسور أو مسدوده

لو الحشو مكسور هتسمع شخلله جوه العلبه

لو مسدود هتحس بسخونه عند فرامل اليد مع سحب ضعيف

[mostafa mahmod]

علبه البيئه يا اما حشوها مكسور أو مسدوده

لو الحشو مكسور هتسمع شخلله جوه العلبه

لو مسدود هتحس بسخونه عند فرامل اليد مع سحب ضعيف

شكرا يا باشا لا انا الفرامل مش بتسخن اوى ولا حاجه يبقى تمام الحمد لله

[ahmedezzat78]

يبقى بلاش تلغيها .......... لو مستغنى عنها تلزمنى

[amado318]

هوة فعلا العلبه الخلفيه مسؤله عن السحب

[alynubira]

انت ممكن تلغى علبه البيئه وتسبها مكانها علشان الشكل هو بيحط ماسوره فاضيه داخل علبه البيئه وبكده يبقى لغاها

[Ahmed Nasser]

انت ممكن تعمل ماسورة فى علبة البيئة وحولها الحشو زى مانا عملت
ولما تعمل علبية البيئة وتغير العلبة الخلفية السحب هيتحسن
والصوت هيبقى واطى تماما