هل يمكن تنظيف كويل المكيف بهذه الطريقة ؟

[Strong]

هل يمكن تنظيف الكويل من خلال ادخال منظف الكويل في فتحات خروج الهواء ؟

طبعا المياه والمنظف هتخرج من فتحة خروج الماء من المكثف

حد عنده خبرة يفيدنا ولا انزل اجرب ههههههههه ؟

[elpasha1]

الله اعلم

[tarek_2005]

كده ممكن تبوظ موتور مروحة البلاور

[piezo]

طيب كويل النوبيرا اوصله ازي علشان انضفه عندي بس مش عارف اوصله من فين

[Strong]

مش عارف بس اللي اعرفه ان كويل النوبيرا مش بيتملي تراب بسهولة علشان فيه فلتر لكن اللانوس نسيوا يعملولها فلتر علشان كانوا مستعجلين

[sheeni]

أخى الغالى مساء الخير
أنا سيارتى نيوبيرا ll وواجهت نفس المشكلة وعملت موضوع بالمنتدى - لكن الحمد لله قدرت أحلها بنفسى
أول حاجة فك مروحة البلاور وبعدها فك مسامير الجزء السفلى من الكتلة البلاستيكية الموجود داخلها الكويل
فى مسامير كثيرة جداً بعضها ظاهر وبعضها مختفى لأزم تحسس بإصبعك عشان تعرف محلها - بعد فك كافة المسامير تستطيع إخراج الجزء السفلى والكويل حيكون ظاهر أمامك وتقدر تنظفه
أى إستفسار أنا حاضر
أتمنى ليك التوفيق

[ايمن نديم]

فية منظف عبارة عن اسبراى بخرطوم طول يدخل من فتحة الهواية اللى بجانب الباب اليمين فوق الكويل و ترش لحد ما تلقى الفوم ظهر من عند الهواية وتسيبة شوية وتعيد الموضوع مرة تانية لحد ما تخلص العبوة وبعدين تشغل التكييف على 1 هتلاقى زفت بينزل من فتحة المياة اللى فى الكبوت العبوة بـ50 جنية وانتاج شركة abb الأمريكية .

[tarek_2005]

فية منظف عبارة عن اسبراى بخرطوم طول يدخل من فتحة الهواية اللى بجانب الباب اليمين فوق الكويل و ترش لحد ما تلقى الفوم ظهر من عند الهواية وتسيبة شوية وتعيد الموضوع مرة تانية لحد ما تخلص العبوة وبعدين تشغل التكييف على 1 هتلاقى زفت بينزل من فتحة المياة اللى فى الكبوت العبوة بـ50 جنية وانتاج شركة abb الأمريكية .

ياليت ترفع لنا صورة هذا الفوم او المادة وشكل العبوة ايه

وهل مكتوب انها لاتضر ملفات مروحة البلاور ام لا

[ايمن نديم]

اسأل بتوع الأكسسوار عليها air condition cleaner علشان العلبة رمتها