صوت زنة غريب من الشكمان (نوبيرا)

[smalltoto10]

سلام عليكم

انا كان العادم الى بيطلع من الشكمان عندي ضعيف اوي

روحت لواحد بتاع شكمانات شافلي علبة البيئة لقاها تمام لحم حاجه صغيرة اوي ف المصفى بتاعتها

وبرده لقيناها لسه مكتومه

امنا غيرنا علبة النص لقينا العربية العادم فاق اوي وظبط زي اى عربية عادية ولا زيادة اوي ولا قليل اوي

المهم بقا بعد الموضوع ده لقينا صوت زنة كدا ف الشكمان والعربية انا ماشي بيها حاسس انى مركب ديفيل صوت الشكمان عالي اوي

روحت لميكانيكي يبصلي قلي المكنة مفيهاش اى حاجه ارجع تاني للشكامانات

روحتله غيرلي العلبة الى ورا الاخيرة خالص وبردة نفس الصوت

غيرلي علبه النص تاني وبردة نفس الصوت

غيرلي علبة البيئة بواحده من عنده بمصافي بس من غير فحم وبردة نفس الصوت

والصوت ولا بيقل ولا بيزيد

الفحم مش موجود ولا ف العلبة القديمة ولا ف العلبة الجديدة بتوع البيئه

فممكن يكون ده بسببه .. بس الزنه كبيرة اوي

وفى سنة نقصان ميه ومع سنة سحب زيادة ف البنزين مع سنة كتمه ف العربية

مش عارف بقا الميكانيكي بيقولي ابقا تعالى اكشفلك ع الكتينه ممكن تعمل كدا بس هي 100% سليمة

انا احترت :b4_611:

[Ahmed Nasser]

الفحم مش موجود ولا ف العلبة القديمة ولا ف العلبة الجديدة بتوع البيئه

فممكن يكون ده بسببه .. بس الزنه كبيرة اوي:b4_611:

ايوة هو ده السبب
طالما مش موجود الحشو بتاع علبة البيئة بيبقى الصوت عالى وخشن

[smalltoto10]

طيب انا حاسس ان ف خنقة بسيطة ف العربية واستهلاك زيادة بنزين ف الطرق الزحمه ؟

او مش عارف هو ده المعدل بتاعها ولا

هي بتعمل معاك كام ف الصفيحة جوا البلد ؟ بما انك معاك نوبيرا

[smalltoto10]

وهل ممكن احط مكان علبة البيئة ماسورة

ناس بتقولوا بتحسن السحب وبتهدى صوت العربية اوي

الكلام ده صح ؟

[Ahmed Nasser]

بص ياباشا انا بصراحة ماحسبتش الاستهلاك لغاية دلوقتى
اما علبة البيئة فبلاش تيشلها وتحط ماسورة لان الماسورة هتخليك تحس بالصوت لما تدخل فى شارع مغلق
اعمل زى ما انا عملت
انك تركب فى علبة البيئة نفسها ماسورة وحولها الحشوة

http://www.nilemotors.net/Nile/218519-a.html

[smalltoto10]

مش عارف انا هشوف الموضوع ده كدا

انا بتاع الشكمانات هيجبلي بكرة علبه بيئه استيراد نوبيرا تمام

هركبها واشوق الصوت لو مرحش يبقا فى حاجه تانية ف العربية

راح هشوف سعرها لو مش غالية هاخدها

لو غالية هحاول بقا اقوله نخط ماسوره ونعمل حشو والكلام ده بس ع ما اعتقد هو مش هيفهم الكلام ده

[waleedraafat]

سوستة الوصلة الامامية (مصري زبالة ) بتحمص بسرعة وبتعمل صوت نعرة (تبان اوي عند 2000-2500 دورة) وتدي احساس بخشانة صوت المحرك ومع السرعات تدي احساس انك راكب اربع عجلات بمتور من غير عربية من اساسه ( فاعد في الشارع)

اكشف عليها لو لقيت الصوت منها وبتنفس ، شوف لها حل

[smalltoto10]

معلش بس السوسته الأماميه ديه مكانها فين بالظبط

فالشكمان ولا ف اخر الموتور ولا المشترك ولا ايه ؟

[waleedraafat]

البتاعة الشبك الي تحت الموتور علي طول الي راكبة في اول وصلة في الشكمان ، ارفع العربية هتشوفها بسهولة وعموما بتاع الشكمانات عارفها
ولو عملت بحث علي جوجل هتشوف صورتها

[smalltoto10]

مش عارف بس انا كنت غطسان تحت العربية بقالي يومين

ومشوفتهاش خالص

هو الموتور للمشترك لعلبة البيئه لعلبة النص للعلبة الخلفية ومفيش الشبكة الى حضرتك بتتكلم عليها ديه خالص

وبتاع الشكمانات نفسه قلي انا كدا عملتلك كل حاجه مفيش حاجه تانية تتعمل !

[elpasha1]

مش عارف بس انا كنت غطسان تحت العربية بقالي يومين

ومشوفتهاش خالص

هو الموتور للمشترك لعلبة البيئه لعلبة النص للعلبة الخلفية ومفيش الشبكة الى حضرتك بتتكلم عليها ديه خالص

وبتاع الشكمانات نفسه قلي انا كدا عملتلك كل حاجه مفيش حاجه تانية تتعمل !

موجودة يا باشا تحت الموتور واسمها سوستة شكمان
ولو فى زنة بتسمع فى العربية شيل الكاوتشة اللى فى النص هتلاقى الصوت راح نهائى

[smalltoto10]

انا روحت كشفت ع الشكمان عند واحد تاني

شافلي السوسته ولقاها تمام

فتحلي علبة البيئه لقى فيها مصفى سودا قلي غالبا المصفى ديه مش حلوه او راكبه غلط

ركبلي علبة نفس شكل العلبة بتاعتي بس فيها ماسورة من جوا ومخرمه وفيها صوف زجاجي ومصافي

ركبتها الصوت هدي بتاع 70% تقريبا مش زي الاول كنت راكب نفاسه

دلوقتي الصوت الحمد لله احسن بس الصوت بيعلى سنة مع الضغط الجامد ع البنزين ( انا بحب الجري )

بتاع الشكمانات قلي ده اخر العلبة العادية الى بنعملها بلدي عاوز الصوت يتحسن هاتلك علبة بقا بفحم بس غالية ف حدود 700-800 جنية

عموما انا جبت منه العلبة ديه لان العريبة كانت لا تطاق بجد .. ختها ع 170 جنية وخد القديمة هل كلامه مظبوط ولا والاسعار مظبوطه ولا

وهل فعلا علبة البيئه ام فحم بالسعر ده عند ابو اليزيد الى ف العباسية ؟