استفسار عن صيانة الالف لدايو نوبيرا

[Ahmed_ragab]

اولا اوجة الشكر لجميع اعضاء المنتدى لانى استفدت من كل المواضيع او من ردود لانهم اقنعونى بالدايو والحمد للة ربنا رزقنى بعربية نوبيرا
الحمد للة استلمتها وقربت على الالف كيلو فانا عايز اسال الى ليهم خبرات سابقة مع صيانة الالف
ياريت هى هتكون عبارة عن اية او بمعنى ادق عايز تفاصيل كاملة عنها واروح انهى مركز اعمل فية الصيانة دية مع العلم انى ساكن فى مدينة نصر وهتتكلف اد اية وانا هعمل اية هروح اسيبهلهم وامشى ولا هستنى ولا اية
واسف على الاطالة وفى انتظار الردود

[khattab_89]

أنا عايز أسألك على العربية عاملة إية معاك .. أصل أنا هجيبها إن شاء الله كمان كام يوم كده .. وأنت راجل لسه مجارب ومحتاج نصيحتك

[Ahmed_ragab]

أنا عايز أسألك على العربية عاملة إية معاك .. أصل أنا هجيبها إن شاء الله كمان كام يوم كده .. وأنت راجل لسه مجارب ومحتاج نصيحتك

بسم الله مشاء الله عليها عربية ممتازة جدا توكل على الله بقلب جامد العربية زى الفل ثبات وصالون واسع ومحترم ومتور محترم جدا
مبروك عليك مقدما

[Ahmed_ragab]

اية يا شباب محدش عمل صيانة الالف فى المنتدى دة كلة يقولنا التفاصيل

[khattab_89]

تسلم ياحبيبي على الرد .. وأنا إن شاء الله هتوكل على الله وأجيبها خلال كام يوم وهسألك بقى عملت إية في صيانة الألف

[Sameh]

أنا لسة جايبها من شهر واحد فقط من أبو غالى النزهة ، وعملت صيانة الألف فى أبو غالى المعادى

فى الألف كيلو بيقولوا الصيانة مجانية بس بتدفع تمن الزيت والفلتر !! عندهم موبيل 1 ال 10 الاف كيلو بحوالى 225 والفلتر بحوالى 25 يبقى 250 جنيه ، أو موبيل المعدنى مش التخليقى بسعر أقل و 5 الاف كيلو فقط + الفلتر برضه يعنى نفس أسعار محطة البنزين

هيرفعوا العربية ويربطوا العفشة وبعدين يغسلوها جوا وبرة بعد تغيير الزيت بدون مصاريف

عموماً صيانة الألف فرصة كويسة عشان لو عندك مشكلة فى العربية تسأل عليها ، وشوف ضغط الهوا لإنى إستلمتها فردة على 38 وفردة 32 ! وحاجات من دى ، مكتوب جنب الباب 30 أمامى و 28 خلفى

قبل ما تروح إتصل ب 19750 عشان تحجز ميعاد مناسب وتحدد رقم تروح بيه فى أبو غالى

فروع صيانة أبو غالى فى آخر جسر السويس جنب فيات ومرسيدس وأبو الفتوح أو فى المعادى جنب جابكو للبترول شارع 308 ناصية 14 من شارع فلسطين طبعا

طبعاً إعمل حسابك فى الوقت ، يعنى برغم إن غيار الزيت وتربيط العفشة والغسيل تعتبر أعمال بسيطة أوى إلا إن قعدت فيهم حوالى ساعتين !!!! برغم إنى كنت أول دور ومافيش عربيات قبلى

بالتوفيق يا باشا والف مبروك

[Ahmed_ragab]

أنا لسة جايبها من شهر واحد فقط من أبو غالى النزهة ، وعملت صيانة الألف فى أبو غالى المعادى

فى الألف كيلو بيقولوا الصيانة مجانية بس بتدفع تمن الزيت والفلتر !! عندهم موبيل 1 ال 10 الاف كيلو بحوالى 225 والفلتر بحوالى 25 يبقى 250 جنيه ، أو موبيل المعدنى مش التخليقى بسعر أقل و 5 الاف كيلو فقط + الفلتر برضه يعنى نفس أسعار محطة البنزين

هيرفعوا العربية ويربطوا العفشة وبعدين يغسلوها جوا وبرة بعد تغيير الزيت بدون مصاريف

عموماً صيانة الألف فرصة كويسة عشان لو عندك مشكلة فى العربية تسأل عليها ، وشوف ضغط الهوا لإنى إستلمتها فردة على 38 وفردة 32 ! وحاجات من دى ، مكتوب جنب الباب 30 أمامى و 28 خلفى

قبل ما تروح إتصل ب 19750 عشان تحجز ميعاد مناسب وتحدد رقم تروح بيه فى أبو غالى

فروع صيانة أبو غالى فى آخر جسر السويس جنب فيات ومرسيدس وأبو الفتوح أو فى المعادى جنب جابكو للبترول شارع 308 ناصية 14 من شارع فلسطين طبعا

طبعاً إعمل حسابك فى الوقت ، يعنى برغم إن غيار الزيت وتربيط العفشة والغسيل تعتبر أعمال بسيطة أوى إلا إن قعدت فيهم حوالى ساعتين !!!! برغم إنى كنت أول دور ومافيش عربيات قبلى

بالتوفيق يا باشا والف مبروك

شكرا يا باشا على ردك المفيد ومبروك عليك وعليا العربية وعلى فكرة انا بردوا جايبها من ابو غالى النزهة لانى ساكن جمبة بس بقالى 15 يوم بس

[alhamza]

ممكن نعرف جبت العربيه بكام واحجزت وقت قد ايه وهل صوت العربيه عالي في ال2008

[Ahmed_ragab]

طيب معلش يا باشا استفسار تانى انت حطيت انهى زيت المعدنى ولا التخليقى وانهى افضل

[alhamza]

؟؟؟؟؟؟؟؟؟؟؟؟؟؟

[Ahmed_ragab]

؟؟؟؟؟؟؟؟؟؟؟؟؟؟

شكرا يا باشا على الاضافة الرهيبة دية

[alhamza]

اضافة ايه بس انا سالتك عن حاجه وانت مجاوبتش فده اللي خلاني اعمل علامات استفهام

[Ahmed_ragab]

ممكن نعرف جبت العربيه بكام واحجزت وقت قد ايه وهل صوت العربيه عالي في ال2008

معلش يا باشا انا مشفتش سوالك
انا جايبها من ابو غالى ب 77 الف
هيا سعرها 76الف وتستنى على الاستلام من 30الى 45 يوم
ولو اللون الى انت طالبة متوفر تستلم فى خلال 10 ايام وتدفع الف زيادة وانا عملت كدة اهو احسن من اى معرض تانى
وبالنسبة للصت انا صاحبى معاة نوبيرا موديل 2003 انا مش شايف فرق فى الصوت يعنى انا اعلى حاجة بسيطةاعتقد بعد التلين الصوت هيوطى
وسامحنى مرة تانية واى استفسار انا فى الخدمة

[alhamza]

ولا يهمك اصل انا معايا نوبيرا 2006 وبفكر ابيع واجيب واحده 2008 اصل الشغل عندي عامل عرض كويس المانيوال 74 الف بس الناس خوفتني من صوت الموتور