مشكلة في الريداتير

[Akram]

انا رحت الأسكندرية يوم الجمعة , و العربية كانت ماشية تمام ,
المهم إمبارح السبت لقيت العربية سخنت و انا ماشي في الأسكندرية فوقفت و لقيت تسريب من الناحية الوصلة اللي داخلة الريداتير ناحية الكرسي اللي جنب السواق ,
المهم استنيت لما العربية بردت و زودت مية , و لما رجعت للسكن كشفت على التسريب و لقيت فيه كسر في الماسورة اللي بتتربط فيها الوصلة ,
المهم زنقت الوصلة للآخر و زودت المية و خرجت الهوا و محصلش تسريب تاني ,
فكنت عايز اسأل أعمل إيه هل بيتم تغيير هذا الجزء الموجود في جانب الريداتير أم يتم عمل لحام للماسورة اللي بتدخل في الوصلة , و لا إيه الموضوع ,
علماً بإن الماسورة دي بلاستيك تقريباُ .

[masafi5]

الجانب بيتغير عادي عند اي حد بتاع رادياتير لان اللي عملتة دة مسكنات مش اكتر عشان الحرارة الزيادة مشكلة ولو في تسريب الضغط هيبقي مش تمام وبالتالي ممكن يكون في مشكلة في المراوح متشتغلش في الوقت المناسب

[Akram]

شكراً للرد ,
طيب عنك فكرة عن أنواعه علشان محطش حاجة و تبوظ بعد فترة بسيطة ,
و كمان عايز اعرف هو بيتكلف كام.

[lanos2]

شكراً للرد ,
طيب عنك فكرة عن أنواعه علشان محطش حاجة و تبوظ بعد فترة بسيطة ,
و كمان عايز اعرف هو بيتكلف كام.

الموضوع دة شائع فى اللانوس و حصل معايا لانه بعد فترة معينة يتم تحلل هذا البلاستيك الخاص بالماسورة المتصلة بالخرطوم و الحل بسيط و هو تغير هذا الجنب البلاستيك من الريداتير بأخر نحاس و هو افضل من البلاستيك كثيرا و شغال تمام و اتكلف 80 جنية بس روح عند واحد بتاع ريداتير نضيف .

[MMamdouh]

انا غيرت الخزان الفبر بواحد فبر اصلى ب 120... الخزان النحاس شكرة جربان جدا و يحسسك ان العربية فيها حاجة مش صح خصوصا ان الرادياتير مبيركبش مكانة صح ابدا بالخزان النحاس

MMamdouh

[Akram]

طيب و ايه موضوع تحلل الفبر ده ,
و أد ايه بيعيش الفبر ده ,
و مين كويس ممكن يركبه في نواحي الجيزة ,
على فكرة كان فيه تنفيس من فترة قريبة و قام الميكانيكي بتركيب أفيز من اللي بيتربط بالمفك بدل الأصلي لأنه قالي إن الإصلي بقى ضعيف شوية و هو اللي بيعمل التسريب ده ,
و السؤال هو هل الأفيز الجديد هو اللي تسبب في كسر الماسورة الفبر دي و لا العمر الإفتراضي للماسورة كده.

[lanos2]

طيب و ايه موضوع تحلل الفبر ده ,
و أد ايه بيعيش الفبر ده ,
و مين كويس ممكن يركبه في نواحي الجيزة ,
على فكرة كان فيه تنفيس من فترة قريبة و قام الميكانيكي بتركيب أفيز من اللي بيتربط بالمفك بدل الأصلي لأنه قالي إن الإصلي بقى ضعيف شوية و هو اللي بيعمل التسريب ده ,
و السؤال هو هل الأفيز الجديد هو اللي تسبب في كسر الماسورة الفبر دي و لا العمر الإفتراضي للماسورة كده.

دة عيب شائع فى اللانوس ستجد الفيبر الخاص بالريداتير يتحلل و يتفتت مثل الكرتون و اعتقد انه هذا يحدث بعد ال 80000 كيلو و الحل النهائى و الدائم هو تركيب جانب نحاس بالماسورة بس يكون عند حد نضيف و الا هيبقى شكلة زبالة و راكب مش كويس كما قال الاخ MMamdouh و الجانب الفيبر موجود فى السوق بياخد فترة ايضا و يتأكل مرة اخرى و على فكرة النحاس اللى ركبته كان متصنع نضيف جدا و مدهون دوكو اسود و ركب كويس جدا و تشوفو تفتكرو فيبر من نضافته علشان كدة بقولك لازم تروح لواحد نضيف و تشوفو الاول قبل ما تركبه و اذا عجبك ركبه و اذا لم يعجبك ركب الفيبر مرة اخرى افضل كشكل و اللى عملت عنده الريداتير فى الهرم مش فاكر اسم الشارع بتاعه كويس بس انا عرفته عن طريق ميكانيكى دايو شاطر اوى و رخيص ممكن تعدى عليه و تسأله عن بتاع الريداتيرات اللى يعرفه و هيوصفلك مكانه بالظبط و هذا الميكانيكى بعد ش العريش من شارع الهرم اول ش سهل حمزة يمين اول محل على الشمال اسمه هشام و احتمال يكون سعر النحاس غلى شوية لانى مركبة من فترة كبيرة .

[lanos2]

و السؤال هو هل الأفيز الجديد هو اللي تسبب في كسر الماسورة الفبر دي و لا العمر الإفتراضي للماسورة كده.

الافيز اللى بمسمار افضل من الاصلى فى احكام تسرب الماء و ليس له علاقة بتفتت الفيبر لان الفيبر فى ريداتير الدايو له عمر افتراضى و بيتحلل و هذا من الاشياء الغريبة التى رأيتها و اعتقد لو المصنع حى فى كوريا كان تلشى هذا العيب

[MMamdouh]

دة عيب شائع فى اللانوس ستجد الفيبر الخاص بالريداتير يتحلل و يتفتت مثل الكرتون و اعتقد انه هذا يحدث بعد ال 80000 كيلو و الحل النهائى و الدائم هو تركيب جانب نحاس بالماسورة بس يكون عند حد نضيف و الا هيبقى شكلة زبالة و راكب مش كويس كما قال الاخ MMamdouh و الجانب الفيبر موجود فى السوق بياخد فترة ايضا و يتأكل مرة اخرى و على فكرة النحاس اللى ركبته كان متصنع نضيف جدا و مدهون دوكو اسود و ركب كويس جدا و تشوفو تفتكرو فيبر من نضافته علشان كدة بقولك لازم تروح لواحد نضيف و تشوفو الاول قبل ما تركبه و اذا عجبك ركبه و اذا لم يعجبك ركب الفيبر مرة اخرى افضل كشكل و اللى عملت عنده الريداتير فى الهرم مش فاكر اسم الشارع بتاعه كويس بس انا عرفته عن طريق ميكانيكى دايو شاطر اوى و رخيص ممكن تعدى عليه و تسأله عن بتاع الريداتيرات اللى يعرفه و هيوصفلك مكانه بالظبط و هذا الميكانيكى بعد ش العريش من شارع الهرم اول ش سهل حمزة يمين اول محل على الشمال اسمه هشام و احتمال يكون سعر النحاس غلى شوية لانى مركبة من فترة كبيرة .

ممكن صورة للخزان النحاس اللى انت مركبة؟

MMamdouh

[Akram]

ممكن بعد إذنك تليفون هشام الميكانيكي اللي انت بتقول عليه ,
و انا هحاول أوصله و اعرف مكان بتاع الريداتير ده ,
و ممكن أعرف أسم حضرتك علشان أفكر الميكانيكي بالموضوع بتاعك ,
و من أمتى غيرت الجنب ده تقريباً ,
شكراً لردك يا lanos باشا