سمعة قطع الغيار الاستيراد ؟!

[BomBom]

دايما بيبقى في اختار عند شراء قطع غيار يا الاصلي الجديد يا التقليد الجديد يا المستورد ، و بصراحة موضوع المستورد ده مسبب لي حيرة شديدة ، لأن معظم اللي بيتكلم على المستورد بيكلم عنه باحترام شديد و تقدير ، بالرغم انه المفروض المستورد ده في الاساس مستعمل ، و غير كده الواحد مايقدرش يحكم ( في رأيي ) على درجة استهلاكه قد ايه ، فيترى ايه سر السمعة اللي المستورد واخدها ، و لو كان المستورد كويس بالشكل ده ، فمين التجار المضمونين اللي شغالين في حاجة اللانوس في الجيزة او الهرم؟

[ahmedateya]

اللانوس قطع غيارها مفيش ارخص منها
و خلليك في المضمون و مش مستاهلة استيراد خالص
دي دايو مش مرسيدس

[hazem_khidr]

مش كل حاجه تيجي مستعمل
يعني الصاج او الموتور او الفوانيس اوك .
اي حاجه تيجي مستعمله لا عفشه العربيه و الكاوتش لازم يبقي جديد

[wildwest100]

اللانوس قطع غيارها مفيش ارخص منها
و خلليك في المضمون و مش مستاهلة استيراد خالص
دي دايو مش مرسيدس

مع احترامى الشديد لكلام حضرتك مبقاش فيه حاجة اسمها قطع غيار جديدة مضمونة
انا عند الموبينة باظت رحت اترى واحدة من عند واحد صاحبى بتاع قطع غيار قالى الجديد كلوا صينى حتى اللى بيقولوا عليه اصلى والى تمنها بقا 575 جنيه هيا صينى برضوا بس نضيفة شوية واحد اشتراها وباظت منوا فى اخر الشارع يعنى انسى قطع الغيار المضمونة دى خالص

دي دايو مش مرسيدس

ياباش الموبينة تمنها وصل من 375 جنيه الى 575 جنيه وفيه ناس وصلتها 675 جنيه وكما مش مضمونة يعنى لو ركبت واشتغلت خلاص بقت مسئوليتك
الاستيراد بتاعتها 350 او 400 بالكتير او وبتخدها على تجربة كمان
يبقى الواحد لازم يفكر الف مرة قبل مايشترى الجديد

[kemoelord]

+1000000000000000

[Sherif Khalifa]

فى حاجات مش موجودة جديد
زى زور الفتيس الداخلى بى الاويل سيل بتاعة
كويتش الابواب
انا حنى دايخ علية استيراد مش لاقية كمان (لو حد يعرف سكة لية :))

[moby]

عندى مشكلة فى البوبينة
هل يوجد أصلى Gm
أم أنواع أخرى معبأ فى علبة Gm
وما هو سعرها ؟؟
ولكم خالص الشكر.....

[wildwest100]

عندى مشكلة فى البوبينة
هل يوجد أصلى Gm
أم أنواع أخرى معبأ فى علبة Gm
وما هو سعرها ؟؟
ولكم خالص الشكر.....

ال GM على شان تضمن انها اصلى يبقى تجيبه استراد هتروح وهتسال وهتلاقى انها GM وفى علبتها كمان ومكتوب عيها انها كورى بس مش مضمونة وتمنها 575 جنيه الاستيراد بتعمل 350 جنيه
فيه نوع تانى اسموا DAC ودا اللى بقا ينزل مع العربيات من اول موديل 2000 او 2001 تقريبا وبرضوا نفس القصة بس دا هتلاقى علبتوا لونها ابيض ومش عليها اى حاجة

[ahmedateya]

انا بتعامل مع ابوغالي "التوكيل" و اي حاجة همة بيعملوها بتكون في رقبتهم

[Hossam_Hassan]

فى حاجات مش موجودة جديد
زى زور الفتيس الداخلى بى الاويل سيل بتاعة
كويتش الابواب
انا حنى دايخ علية استيراد مش لاقية كمان (لو حد يعرف سكة لية :))

جربت محل الروضة فى الحرفيين؟

[Xpert]

بيبقي حسب اللي بتجيب منه .. و حسب البلد اللي تم الاستيراد منها ... ببساطه شديده للسبب الاتي :
ان بره بيبقي مطبق نظام ال Tuv - Mfk و ده نظام فحص العربيه .. هل هوه موجود في البلد ولا لاء ... و السبب في اهميه الفحص ده انه بيركز تركيز شديد جداً عل مدي جوده الاجزاء اللي راكبه في العربيه او اللي تم تركيبها بشرط انه يكون اصلي و حاصل علي شهادات مثل الايزو او المواصفات القياسيه اللي تخضع لها البلد ... فيه بلاد مثل سويسرا و المانيا و انجلترا دول متشددين (بالترتيب) علي الشهادات دي و سويسرا عندها ال Mfk و ده المواصفات القياسيه اشد من الtuv ... و فيه بلاد متساهله زي فرنسا و ايطاليا .. و فيه بلاد مابتعملش بيها اساساً مثا قبرص و اسبانيا و مصر ....

الفكره بقي ان هماك لازم قطع الغيار تكون اصليه و حاصله علي شهادات .. فمتلاقيش صيني و تقليد الكلام ده ... فبتيجي قطع غيار حاجه فرز اول نمره واحد ...انما البلاد اللي متساهله بتلاقي الحاجه اصليه بس حالتها مش قد كده ... اما البلاد االلي مابتعملش بيها .. فدي عربياتها بتبقي مضروبه بالنار زي عندنا بالظبط ... و ماتنساش الفكره الرئيسيه : قطع الغيار المستورده اللي بتتباع هنا كانت في يوم من الايام عربيه .. و حسب حاله العربيه اللي اتفكت منها ... و ده سبب انك ممكن تجيب موتور ب 2000 جنيه ... و ممكن تجيب نفس الموتور ب 5000 جنيه ... الفكره في الحاله مش ففي الموديل ... و صدقني التحايل علي الزباين اسهل مما تتخيل .....

[maged]

طيب اذا كانت قطع الغيار الجديده مضروبه اللى عايز اتأكد منه هل قطع الغيار اللى بيستخدمها التوكيل اصليه فعلا ولا هى هى اللى بره التوكيل وهو بيشتريها من السوق ولا بيستوردها مخصوص يعنى مضمونه ولا كله زفت

[Xpert]

المفروض يتلاقي دمغه الشركه عليها و يعلي العلبه كلمه Tuv او شهادات الايزو ...