عندي رجه فى الطلعة .. يا ترى سببها ايه؟

[smalltoto10]

سلام عليكم

عربيتي نوبيرا 2

الأعراض :

1- رجة فى الطلعة تظهر بصورة كبيرة اوي مع التكييف

2- وانا ماشي مع التكييف ع التاني ومهدي (20 ك/س) ودوست فرامل خفيف اوي يعني لسه العربية ماشية والمفروض لا تحتاج الى دبرياج .. الاقيها فى صوت رجرجة بردة ميروحش الا لو دوست بنزين او دوست دبرياج .. لو من غير تكييف مش بتعمل رجة الا لما خلاص هتبقا هتبطل الطبيعي يعني او اكتر من الطبيعي بسنة بسيطة

3 - عندي حاجه ملهاش علاقة بالموضوع بس انا عندي بوش بسيط فى الدركسيون ( بلي الصليبة بايظ) .. بس كل اما اروح لحد عشان يعملها يقولي تعالى بكرة لان الموضوع ممل اوي

4- ساعات بحس بهزه بسيطة اوي ف كل العربية وليس الدركسيون على سرعه عالية فوق 130

5- جلب المقصات كويسة بس محتاجه تربيط ع حسب بتاع الزواية

6- سحب العربية حلو


.. يا ترى بقا مشكلة الرجة ديه منين

كل اما اروح لميكانيكي .. واحد يقولي قاعده موتور التكييف وواحد يقولي الديسك خفيف

يا اترى اصدق مين

وسعر القاعده بتاعت التكييف كام وتركيبها صعب ولا .. لو كدا اعملها ف الاول وبعد كدا اشوف الديسك

[sala7]

سلام عليكم

عربيتي نوبيرا 2

الأعراض :

1- رجة فى الطلعة تظهر بصورة كبيرة اوي مع التكييف

2- وانا ماشي مع التكييف ع التاني ومهدي (20 ك/س) ودوست فرامل خفيف اوي يعني لسه العربية ماشية والمفروض لا تحتاج الى دبرياج .. الاقيها فى صوت رجرجة بردة ميروحش الا لو دوست بنزين او دوست دبرياج .. لو من غير تكييف مش بتعمل رجة الا لما خلاص هتبقا هتبطل الطبيعي يعني او اكتر من الطبيعي بسنة بسيطة

3 - عندي حاجه ملهاش علاقة بالموضوع بس انا عندي بوش بسيط فى الدركسيون ( بلي الصليبة بايظ) .. بس كل اما اروح لحد عشان يعملها يقولي تعالى بكرة لان الموضوع ممل اوي

4- ساعات بحس بهزه بسيطة اوي ف كل العربية وليس الدركسيون على سرعه عالية فوق 130

5- جلب المقصات كويسة بس محتاجه تربيط ع حسب بتاع الزواية

6- سحب العربية حلو


.. يا ترى بقا مشكلة الرجة ديه منين

كل اما اروح لميكانيكي .. واحد يقولي قاعده موتور التكييف وواحد يقولي الديسك خفيف

يا اترى اصدق مين

وسعر القاعده بتاعت التكييف كام وتركيبها صعب ولا .. لو كدا اعملها ف الاول وبعد كدا اشوف الديسك

يعني هل قاعدة التكييف اللي هي المفروض قاعدة الكمبريسور يعني ؟!! ولا ايه !! - المهم ،،،، هل هي هترجج العربية كلها ياراجل يا طيب ؟؟؟ ولا حضرتك تقصد قاعدة الماكينة ؟؟؟
على فرض جدلي انها قاعدة الماكينة و هو ده الارجح .. هي المفروض لو بايظة تبان معاك و انت بتدور العربية هتلاقي الماكينة بتخبط و تسمع في الحوض مع رجرجه وانت واقف بالعربية بدون حركة.
عاوز اسألك على البوجيهات تمام و لا بقالها كتير و اسلاك البوجيهات ؟؟؟
رجرجه مع التكييف دائما ده معناه برجله كهربا .. و اللي يأكد كلامي انك بتقول ما بتروحش غير لما بتدوس بنزين او تفصل بالدبرياج
و الاكتر من كدا انها مش موجوده و التكييف مفصول .. يعني الحمل خف (كهربياً و حركياً)
نرجع بقا لموضوعك حضرتك بتقول ان الميكانيكي قال قاعدة تكييف .... !!! مش صح الكلام ده
اللي بيقولك ديسك ... عاوزين نعرف الديسك اللي موجود في انه حته اصل فيه ديسكات كتير في العربية ... مع العلم ان بردوا الكلام ده مش صح اطلاقاً

[smalltoto10]

هو فى كام ديسك ف العربية غير الاسطوانة والديسك ؟

ع العموم انت بتقول دلوقتي المشكلة ف الكهربا

انا لسه مركب امبارح بوجيهات ngk 1 شمعة بتاعت العربية من الكتالوج

وسلوك بوجيهات .. بس هو المكيانيكي قلي ديه صيني انا جايبها بـ 45 جنية

بس كدا كدا السلوك والبوجيهات القدام كانوا كويسين جدا وكنت مغيرهم قريب ومحستش باي فرق غير ف السحب فقط

الطلعة مش علاطول بترجرج .. لازم اظبط رجلي ع دبرياج معين وبنزين معين بطريقة اوفر شوية بحسن انى مركز اوي ف الدواسات ومش شايف الطريق قدامي .. وساعات صوت العربية يعلى وساعات ترجرج وساعات تطلع مظبوطه

مفيش رجرجه خالص وانا بدور العربية وهي ع السلانسية واقفة مش بتتهز وجربت رفعت الهاند جامد واجيب الاول واطلع الموتور زي الفل ومش بيتهز

بس الفكرة ان النوبيرا فيها قاعده موتور ناحيه الكمبورسير والقاعده فيها زيت .. لو الزيت ده فضي بيقولوا ممكن تعمل الهزه الى معايا ديه

اصل هو فى ايه تاني ف الكهربا

الموبينة لو وحشة العربية استحالة تجيب معايا 180 من غير اى تقطيع .. ومغير فلتر بنزين و زيت و هواء

معرفش ظروف الفيوزات ايه بس انا مجتش جمبها خالص .. هي ممكن يكون فيها مشكلة تعمل كدا ؟

فى حاجه تاني ؟ >> ايه مثلا دواسة الدبرياج مش مظبوطه .. هي فيها سنة بوش بسيطة من فوق بعد كدا الدبرياج وناعم تحت رجلي وزي الفل (انعم من اللانوس بمراحل)

[sala7]

هو فى كام ديسك ف العربية غير الاسطوانة والديسك ؟
و ديسكات الفرامل الامامية و الخلفية لو مركب .. و ديسكات الكاسيت و مش بهرج
عرفت فيه كام ديسك في الهربية .. هههههههههه

ع العموم انت بتقول دلوقتي المشكلة ف الكهربا


أن شاء الله مشكلة كهربا
اصل الرجرجة اللي بتقولها دي معنها ايه ؟؟؟ الموتور مش مظبوط في مشكلة ؟؟ ولا الموتور مظبوط و بيترجرج في مكانه مش متثبت كويس ؟؟
عاوزين نفهم

[tarek_2005]

بوابة عربيتك كهرباء ولا عادة

[aliyosef]

دور العربيه وشوف rpm على كام مثلا850 وبعدين اديها غيار وامشى وشوف سلانسيه الrbm بتاع العربيه على كام يعنى اديها الغيار الاول واطلع وبعد كده سيبها تمشى على السلانسيه وقولنا ايه الاخبار وطى ولا فضل زى ماهو على 850 وقوانا ايه الاخبار

[smalltoto10]

العربية اما بتدور وهي سخنه الار بي ام ع 850

وبعد كدا اجي ادي الاول واسيبها تطلع سلانسية بترجرج شوية وبعد كدا بتظبط وتقريبا الار بي ام بيفضل زي ما هما

انا عملت ايدل ليرن وكنت منظف البوابة من اسبوعين وملاحظتش اى تغيير بوابة عادة مش كهرباء

الميكانيكي قلي ممكن تبقا ديسك ومتأثرش ع السحب عادي !!!

[mohelmy]

عندى نفس مشكلة الرجرجة دى بالضبط كانى انا اللى كاتب الموضوع مع الفالرق ان عربيتى 2008 كاملة.
نفسى اعرف سببها ايه والحل ايه؟

[gassarian]

متابع

[smalltoto10]

طب وبعدين يجماعة

ملهاش حل ولا ايه ؟

[mahmoudysf]

اللي عندك مشكلة اسطوانة

[eng_migo]

أنا كمان عندى نفس المشكلة ديه ( عربيتى لانوس 2004) ومغير طقم الدبرياج كله ومافيش فايدة

[smalltoto10]

انا عملت بردة طقم دبرياج وهي هي

ونظفت الحساسات وبردة هي هي

هروح بقا اشيك ع الكهرباء من فيوزات وقواطيش وكبلات عمومي واراضي

لانها بتسخن عندي وتقريبا عاوزه تتغير

الكلام ده هعمله خلال يوم وهتابعكم بالنتيجة

[elshinzawy]

ياباشا شبع العربيه فى الطلعه لان النوبيرا تقيله شويه ومكنتها كبيره فدوس شويه وانت طالع بالعربيه مش حتلاقى الرجه دى خالص

[samy33]

ياباشا انا هقولك على المشكلة اللى كانت عندى واتحلت ازاى انا معى لانوس 2007 اول ما اشتريتها كان فيها نفس المشكلة بالضبط مع اختلاف ان كان صوت بلية الدبرياج عالى قوى المهم اللى انا غيرت طقم دبرياج كامل وغيرت قاعدة فتيس لانها طلعت مكسورة ده اللى حصل معى بالضبط