الاول بيعلق في فتيس اللانوس المانيوال

[MITSUKERO]

السلام عليكم

عندي مشكلة سخيفة جدا هي ان الاول بيعلق لما اجي اجيبة و يسلام لو في اشارة مرور ولا حاجة بقي و الناس ورايا و بفضل اجيب التاني و التالت و ارجع تاني اجيب الاول و اوقات يجي و اوقات ويرضاش يدخل الحارة بتاعته اساسا و يقف في الوسط !!

ايه الحل يا عمالقة الدايو ؟

[propagaanda]

روح للميكانيكي خليه يرجلشلك على عصاية الفتيس علشان الغيارات تتحكم معاك
الأول زي المارشيدير ساعات بيعضعض سنة بسيطة خصوصا لو العربية ماشية
ان شاء الله رجلاش عصاية الفتيس هيظبط معاك النقلات كلها
محوظة: لو العجل بتاع العربية لف و العربية ماشية مالوش لازمة الأول لأن وظيفة الأول الأساسية تحريك العربية من السكون ... يعني لو العربية اتحركت اديها التاني على طول

[mostafa mahmod]

طب سوال على السريع بعد اذن صاحب الموضوع

الحته اللى فى الاول دى انه بيعض و العربيه ماشيه دى عادى ولا كده محتاجه رجلاش

[yaserbasha2000]

الموضوع ده بحصل معايا الصبح بس في اول غيار بيكون الاول صعب و المارشدير بيزعق بعد العربيه ما تسخن و امشي بيها 5 دقايق الاول بيكون كويس و المارشدير ميزعقش

مش عارف دي ممكن تكون ريجلاش برضه و لا غوايش

[MITSUKERO]

لا ياجماعة الاول مش بيرضي يجي و العربية واقفة زي مثلا اشارة او زحمة و كده و اللي بيحصل بالظبط انه بيدخل الحارة بتاعته و بيقف في نصها و مبيرضاش يكمل حتي لو بالعافية

و بجد شكرا جدا علي الاهتمام بجد منتدي دايو انشط منتدي تقريبا هنا

[ahmedezzat78]

الموضوع ده بحصل معايا الصبح بس في اول غيار بيكون الاول صعب و المارشدير بيزعق بعد العربيه ما تسخن و امشي بيها 5 دقايق الاول بيكون كويس و المارشدير ميزعقش

مش عارف دي ممكن تكون ريجلاش برضه و لا غوايش

أكيد انت مغير زيت الفتيس لزيت ثقيل 140 مثلا و لو كده المشكله تبقى اكثر وضوحا فى الشتاء ......... المفروض الفتيس بتاعنا ياخد زيت لزوجه 90

لا ياجماعة الاول مش بيرضي يجي و العربية واقفة زي مثلا اشارة او زحمة و كده و اللي بيحصل بالظبط انه بيدخل الحارة بتاعته و بيقف في نصها و مبيرضاش يكمل حتي لو بالعافية

و بجد شكرا جدا علي الاهتمام بجد منتدي دايو انشط منتدي تقريبا هنا

موضوع رجلاش و ضبط العصايه و العقربه

[MITSUKERO]

بشمهندس احمد عزت : الموضوع صعب يعني ولا ايه ؟ ايه العقربة دي و الميكانيكي هيفك ايه عشان يوصلها ؟

[propagaanda]

بشمهندس احمد عزت : الموضوع صعب يعني ولا ايه ؟ ايه العقربة دي و الميكانيكي هيفك ايه عشان يوصلها ؟

العقربة دي المكان اللي بتدخل فيه عصاية الفتيس هتلاقيها تحت البطارية عند طبة الفتيس العلوية
الموضوع بسيط جدا اي ميكانيكي بيفهم بظبطلك العصاية و العقربة الغيارات هتبقى فل ان شاء الله

[propagaanda]

طب سوال على السريع بعد اذن صاحب الموضوع

الحته اللى فى الاول دى انه بيعض و العربيه ماشيه دى عادى ولا كده محتاجه رجلاش

العضة اللي في الأول دي طبيعية كنت بشتكي منها قالوولي في التوكيل عادي جدا بس اتعودت عليها خلاص و بيني و بينك مش مضايقاني خالص لأني مش بحتاج الأول غير في مطلع و العربية واقفة و في الحالتين مش بيعض معاك

[propagaanda]

العضة اللي في الأول دي طبيعية كنت بشتكي منها قالوولي في التوكيل عادي جدا بس اتعودت عليها خلاص و بيني و بينك مش مضايقاني خالص لأني مش بحتاج الأول غير في مطلع و العربية واقفة و في الحالتين مش بيعض معاك

وأكيد مش قصدي عضة زي عضة ترس ... انا قصدي ان العصاية زي مايكون مش عايزة الغيار بس لو عايز تديها الأول هتاخده مفيش مشاكل

[ahmedezzat78]

العقربة دي المكان اللي بتدخل فيه عصاية الفتيس هتلاقيها تحت البطارية عند طبة الفتيس العلوية
الموضوع بسيط جدا اي ميكانيكي بيفهم بظبطلك العصاية و العقربة الغيارات هتبقى فل ان شاء الله

+1111111111

[sherifnagy1988]

جربت تبوص على زيت الفتيس ممكن يكون ناقص و جرب حوار الريجلاش بتاع دواسة الدبرياج ؟؟؟؟

[mena elbrashe]

انا معايا شيفرولية لانوس 2010 والفتيس بيجى فى الغيار ال 3 بيرجع للمور وحدوا بس مش دايما يعنى النهاردة عملها 3 او 4 مرات والناس بتقولى ممكن غوايش ومرة تانى برميل وهلالة وهتجنن وخايف اخلى حد يفكلى الفتيس اية الحل