ترشيح الزيت وجوان وش السلندر

[aliyosef]

بعد صباح الخير للى هايشوف الموضوع الصبح
وكما ن مساء الخير للى هايشوفوا باليل
وانا واجع دماغى ليه السلام عليكم ياحبايب
انا عندى رشح زيت فى الموتور والعربيه نوبيرا 2001 اوتو عامله 124720 بينزل مابين الفتيس والموتور والزيت اللى نازل زيت مكنه مش فتيس وبعد مادورنا ورا الموبينه وكمان نزلنا الفتيس ولقينا اولسيه الكرنك تمام طلع الترشيح تقريبا تقريبا من جوان وش السلندر فا مش عارف الكلام ده صح ولا غلط ارجو الافاده
مفيش نقص ميه
مفيش زيت مطحن
مفيش غير الرشح ده وخلاص والزيت نقص حوالى ربع كيلو فى 2000 كيلو مشى
ومستنى ردودكم

[aliyosef]

ايه ياوحوش روحتوا فين ولا بقيتوا كلكم دكاتره يابشمهندسين

[essamenen]

خرطوم الفايظ بيطله هواء ولا دخنه
دخنه من الشكمان
البوجيهات بتطلع معرقه زيت
شوف الحاجات ديه وقلى عليها

[tarek_2005]

لو تاكدت ان الرشح من جوان الوش غيره فوراً مش محتاجه انه يعمل طحين او المياه تنقص لان العيب واضح خروج الزيت خارج المحرك من جوان وش السلندر لذا وجب تغييره فوراً

[aliyosef]

خرطوم الفايظ بيطله هواء ولا دخنه هواء
دخنه من الشكمان لا مفيش خالص
البوجيهات بتطلع معرقه زيت لا بتتطلع حرقه نضيف لازيت ولا هباب
شوف الحاجات ديه وقلى عليها

[aliyosef]

ايه وبعدين يارجاله

[osama.m]

لو تاكدت ان الرشح من جوان الوش غيره فوراً مش محتاجه انه يعمل طحين او المياه تنقص لان العيب واضح خروج الزيت خارج المحرك من جوان وش السلندر لذا وجب تغييره فوراً

+1

[M.Zaher]

ده جوان التاكيهات
غيره و هات بتاع النوبيرا وان الطرف بتاعه عريض مش بسن هايركب و يبقى تمام

[aliyosef]

ده جوان التاكيهات
غيره و هات بتاع النوبيرا وان الطرف بتاعه عريض مش بسن هايركب و يبقى تمام

جوان التاكيهات مبيطلعش الهوا حتى لان انا قافلته بنفسى سيليكون وحركات بس صدقنى هى من تحت التكيهات

[omar4_all]

جوان التاكيهات مبيطلعش الهوا حتى لان انا قافلته بنفسى سيليكون وحركات بس صدقنى هى من تحت التكيهات

السلام عليكم كان عندي نفس العيب نوبيرا 2001 اوتوماتيك عاملة 100000 كيلوا غيرت جوان التاكيهات اربع مرات ويرجع نفس العيب لغاية ما ركبت جوان نوبيرا 1 وبعدين راح الزيت خالص وبقت الامور تمام ابدأ بجوان التاكيهات الاول وشوف ايه اللي هيحصل وربنا يوفقك

[ramyraby]

السلام عليكم كان عندي نفس العيب نوبيرا 2001 اوتوماتيك عاملة 100000 كيلوا غيرت جوان التاكيهات اربع مرات ويرجع نفس العيب لغاية ما ركبت جوان نوبيرا 1 وبعدين راح الزيت خالص وبقت الامور تمام ابدأ بجوان التاكيهات الاول وشوف ايه اللي هيحصل وربنا يوفقك

اسئل مجرب ولا تسئل طبيب

[sherifbmw]

اتاكد من قاعده الموتور العلويه سليمه لانها لو بايظه بتبقى قالبه المكنه وتبقى مايله بتخلى منسوب الزيت عالى ف جزئ معين من المكنه وتضرب جوان غطا التكهات كل فترات قصيره وانا عانيت من المشكله دى غير ان صوت العربيه مكنش ناعم عامل زى جرار الحرت . ولو قرفت من الموضوع ده هات وش غطا التكهات الفيبر الاسود ومساميره بيعمل 225 ومعاه كمان الجوان الاصلى بتاعه ركبه وانساه ممكن يكون الى معاك قفع من السخونه لازم الوش ده يتفك والعربيه بارده خالص خصوصا الفيبر الوش الامونيه مش اوى

[aliyosef]

خد الجديد
الترشيح الصبح بس يعنى لما تكون العربيه بارده
بس اما تكون سخنه لا
بس لما تبرد تانى يرجع الرشح وبيكون خط زيت نازل مابين الفتيس والموتور وبعد كده مفيش رشح
انا اسف تقلت عليكم بس مش عايز اروح عند اى ميكانيكى من غير ماكون عرفت كل حاجه علشان انتو عارفين الصنايعيه
رمضان كريم عليكم وكل سنه وانتم طيبين

[wlelw2003]

الله عليك تسلم ايديك موضوع رائع