عوامة البنزين- ارجو الافاده ان امكن

[mizo_zezo]

السلام عليكم
انا معايا لانوس 2000 ظهرتلى مشكله فجأه ان عوامة البنزين بتخرف لما بفول العربيه بيبقى العداد شبه مظبوط اول ما يوصل النص العداد بينزل تحت خالص كأن العربيه مفهاش بنزين وساعات يظبط وساعات يخرف تانى
حد عنده فكره عن حل الموضوع ده
اسف عل الاطاله وشكرا

[MOUSTAFA_SAAD]

المشكله دية موجوده فى كل اللانوس تقريبا
ان شاء الله الاخوه فى القسم يشوفولك حل

[abumoh2000]

السلام عليكم
انا معايا لانوس 2000 ظهرتلى مشكله فجأه ان عوامة البنزين بتخرف لما بفول العربيه بيبقى العداد شبه مظبوط اول ما يوصل النص العداد بينزل تحت خالص كأن العربيه مفهاش بنزين وساعات يظبط وساعات يخرف تانى
حد عنده فكره عن حل الموضوع ده
اسف عل الاطاله وشكرا

نفس الكلام

[dr_mak]

لو الطرمبة ضعيفة غيرها كلها على بعضيها وريح مخك

[ahmed_mido1889]

المشكله دية موجوده فى كل اللانوس تقريبا
ان شاء الله الاخوه فى القسم يشوفولك حل

مش في اللانوس كلها

والرال بيقول ظهرت فجاه

[mizo_zezo]

لو الطرمبة ضعيفة غيرها كلها على بعضيها وريح مخك

الطرمبه مغيرها كلها من قريب وجبتها جى ام اصلى

[mizo_zezo]

المشكله دية موجوده فى كل اللانوس تقريبا
ان شاء الله الاخوه فى القسم يشوفولك حل

شكرا على اهتمامك

[mailo]

المشكله دية موجوده فى كل اللانوس تقريبا
ان شاء الله الاخوه فى القسم يشوفولك حل

أنا أول مرة أسمع إن فيه مشكلة كده أصلا

[a7mous]

متابع بأهتمام لانى اواجه نفس المشكله بعد التفويل العربيه مظبوطه بعد النص العداد بينزل جامد فجاءه يعنى قبل النص عامل بتشغيل التكييف 240 تقريبا وبعد كده نزل بسرعه جدا لحد ما وصل للشرطه قبل empty وانا مش عاوز اسيب العربيه توصل للاخر بس حبيت اشوف الاستهلاك ولما جيت افول فولت بحوالى 38 لتر افيدونى افادكم الله

[MMamdouh]

نضف نقاط التوصيل بتاعت العوامة

MMamdouh

[tarek_2005]

يا شباب الراجل بيقول مغير الطرمبة

هل عمل لرن لعوامة البنزين الجديدة ؟؟؟؟؟

هتقولوا ازاي

دي معلومة جديدة في حالة تغيير الطرمبة لابد من تعريف مسافة العوامة الجديدة للكنرول يونت الخطوات

1 - افصل كابل البطارية مدة 5 دقائق
2 - فك الطرمبة وخرجها برة التنك وخلي فيشةن الكهرباء واصلة لها
3 - افتح الكونتكت
4 - اجعل العوامة علي ادني مستوي
5 - ارفع العوامة لاعلي مستوي
6 - اقفل الكونتكت
7 - كرر من الخطوة 3 مرة اخري حتي 6
8 - ركب العوامة وقفل كل شيئ ومبروك عليك ظبطة عداد البنزين

[MOSTAFA . AHMED]

دي معلومة جديدة في حالة تغيير الطرمبة لابد من تعريف مسافة العوامة الجديدة للكنرول يونت الخطوات

جديده ده

[mizo_zezo]

يا شباب الراجل بيقول مغير الطرمبة

هل عمل لرن لعوامة البنزين الجديدة ؟؟؟؟؟

هتقولوا ازاي

دي معلومة جديدة في حالة تغيير الطرمبة لابد من تعريف مسافة العوامة الجديدة للكنرول يونت الخطوات

1 - افصل كابل البطارية مدة 5 دقائق
2 - فك الطرمبة وخرجها برة التنك وخلي فيشةن الكهرباء واصلة لها
3 - افتح الكونتكت
4 - اجعل العوامة علي ادني مستوي
5 - ارفع العوامة لاعلي مستوي
6 - اقفل الكونتكت
7 - كرر من الخطوة 3 مرة اخري حتي 6
8 - ركب العوامة وقفل كل شيئ ومبروك عليك ظبطة عداد البنزين

شكرا على المعلومه انا فعلا اول مره اسمع بيها هحاول اجربها بس معلومه ليك الطرمبه لما غيرتها محصلش الكلام ده وكانت شغاله عادى هى المشكله دى حصلت فجأه

[mizo_zezo]

نضف نقاط التوصيل بتاعت العوامة

mmamdouh

هحاول اروح للميكانيكى على بكره ان شاء الله واخليه ينضفها المشكله فى ناس تقول عوامة البنزين هى اللى بايظه وناس تقوللى دى مشكلة امبير العداد

وشكرا لاهتمامك

[a7mous]

ازاى انظف نقط توصيل العوامة ولا الموضوع محتاج ميكانيكى ولو هاروحله هقوله ايه عشان من العربيه القديمه اتعلمت اوجه الصنايعى وافهم قبل ما اروح له عشان الاشتغالات والهجس