تم تعديل فرامل الانوس و فيه سوال و مشكله

[أبو ياسين]

الحمد لله العربية عملت 78 الف و دخلة على صيانة ال 80 فقولت اعمل تعديل الفرامل الامامية بالمرة و تم بحمد الله بس فى شويه اسئله و مشكله

1- و انا بادور على الكالبرات سالت على كالبرات دايو اسبيرو فكان ردهم موديل كام 94 و لا 96 لان فى فرق فى الكالبرات بينهم فالانوس يركبلها مين ؟؟ انا دورت على الانوس 1600 و لاقيت و ركبت تمام
2-هل كالبرات النوبيرا تركب؟
3-انا غير الكالبرات و تيل جى ام نوبيرا و طنابير ليمفورد اوبل فهل لازم نغير الماستر كمان و لا الامور هتمشى؟ هى حاليا تمام بس الواحد مش عايز يصرف 550 ج تمنة جديد فى الهوء فتغيرة هيحسن بنسبة كام؟؟؟

نيجى بقى للمشكله
انا عملت التعديل يوم الخميس بالليل و جربت الجمعه و السبت كانت تمام و مفيش اى مشكله
يوم الاحد ضهر صوت خفيف اول اليوم و على نهاية اليوم كان زاد و الصوت عامل زى ميكون حديد بيخبط فى حديد فى الناحية الشمال قدام و بيضهر مع النقر و فواصل الكبارى و الطرق المكعبلة
فقولت اكيد المسامير مش مربطة كويس و الميكانيكى عك
عديت علية فى الورشة وورانى كل حاجة مربطه كويس بس لما بيلف العجل بيضهر الصوت من الكوبلت الداخلى الى فى الفتيس و تفسيرة ان لما ركبت الطنابير الاكبر ضهرت مشكلت الكوبلن لانها عملت حمل اكبر علية

اية رايكم فى الكلام ده و ممكن تكون المشكله من حاجة تانية (هقول حاله العربية) و لو هنغير الكوبلن طبعا هنغير الاثنين و سعرهم كام جى ام و لا نجيب حاجة تانية؟؟

العربية 78عاملة الف كيلو تم صيانتها فى التوكيل لحد 60 الف و باقى الصيانات عند ميكانيكى معرفة و الحمد لله عمرها مغيرت اى حاجة غير الصيانات الطبيعية و لا توجد اى شكوى

و طبعا نشكر استاذ محمد ممدوح و استاذ عصام على موضوع تعديل الفرامل
و نشكركم على حسن تعاونكم

[swimmer25]

الف مبروك علي التعديل وربنا يباركلك فيها (انت أصلا كنت مغير جنوط؟)
ياريت تقولنا ايه الفرق اللي حسيته بعد التغيير .
أعتقد لازم تغير الماستر العمومي عشان يزود قوة الفرملة عشان ساعتها هيكون ضغط الزيت أكبر علي التيل واستني الناس تاكد عليك
المشكلة بصراحة مش عارفها..

[MMamdouh]

1- و انا بادور على الكالبرات سالت على كالبرات دايو اسبيرو فكان ردهم موديل كام 94 و لا 96 لان فى فرق فى الكالبرات بينهم فالانوس يركبلها مين ؟؟ انا دورت على الانوس 1600 و لاقيت و ركبت تمام

يركبلها الاتنين... الفرق حيبقى فى موديل التيل... اما تركب بتاع النوبيرا لو جبت الكالبرات الاحدث (زى بتاعت اللانوس ال1600) او تركب تيل اوبل فكتر لو جبت الكالبرات الاقدم

2-هل كالبرات النوبيرا تركب؟

لا

3-انا غير الكالبرات و تيل جى ام نوبيرا و طنابير ليمفورد اوبل فهل لازم نغير الماستر كمان و لا الامور هتمشى؟ هى حاليا تمام بس الواحد مش عايز يصرف 550 ج تمنة جديد فى الهوء فتغيرة هيحسن بنسبة كام؟؟؟

الماستر حيفرق فى مشوار بدال الفرامل

MMamdouh

[drmomoking]

يركبلها الاتنين... الفرق حيبقى فى موديل التيل... اما تركب بتاع النوبيرا لو جبت الكالبرات الاحدث (زى بتاعت اللانوس ال1600) او تركب تيل اوبل فكتر لو جبت الكالبرات الاقدم



لا



الماستر حيفرق فى مشوار بدال الفرامل

mmamdouh

استاذ محمد طب انا معايا اسبيرو 94 بس بيركبلها تيل النوبيرا هوا انا كدة عندى حاجة غلط ولا ممكن صاحبها يكون مغيرهم قبل ما انا اشتريها ومين الاحسن فى الاداء ال 94 ولا 96 وشكرا لحضرتك عشان لو ال 94 احسن ارجعها لاصلها

[MOSTAFA . AHMED]

الحمد لله العربية عملت 78 الف و دخلة على صيانة ال 80 فقولت اعمل تعديل الفرامل الامامية بالمرة

يا ترى الموضوع كلفك قد ايه ؟
سعر الكالبرات
سعر الطنابير
سعر التيال
وشكرا

[أبو ياسين]

الف مبروك علي التعديل وربنا يباركلك فيها (انت أصلا كنت مغير جنوط؟)
ياريت تقولنا ايه الفرق اللي حسيته بعد التغيير .
أعتقد لازم تغير الماستر العمومي عشان يزود قوة الفرملة عشان ساعتها هيكون ضغط الزيت أكبر علي التيل واستني الناس تاكد عليك
المشكلة بصراحة مش عارفها..

الله يبارك فيك
غيرت جنوط ب جنوط دايو 14

الى فهمتة ان الماستر مش هيفرق فى قوه الفرامل طول الدواسة بس و انا شايفة دلوقتى مناسب جدا و ان شاء الله لو العربية احتاجت الماستر او الى فيها عمل مشكلة نبقى نغيرة

احساس الفرامل بقى عندى عبارة عن راحة عند الفرمله العربية مبقيتش تاخد وقت عشان تقف زى الاول بقت و فى نفس الوقت بتقف بنعومة
جربت افرمل من 100 ك و كانت تمام جدا

[أبو ياسين]

يا ترى الموضوع كلفك قد ايه ؟
سعر الكالبرات = 140 جنية من عند ال عبد الرحمن فى الحرفيين
سعر الطنابير = 300 ج لامفورد نفس السعر متغيرش
سعر التيال = 160 جى ام
وشكرا

+ زيت فرامل 70 ج
و بص على الموضوع ده فى كل التفاصيل

http://www.nilemotors.net/Nile/102600-a.html

http://www.nilemotors.net/Nile/102608-a.html

[أبو ياسين]

محدش قلى اعمل اية فى موضوع الكوبلن و ازاى اتاكد انه الكوبلن الداخلى مش حاجة تانية؟؟

[MMamdouh]

استاذ محمد طب انا معايا اسبيرو 94 بس بيركبلها تيل النوبيرا هوا انا كدة عندى حاجة غلط ولا ممكن صاحبها يكون مغيرهم قبل ما انا اشتريها ومين الاحسن فى الاداء ال 94 ولا 96 وشكرا لحضرتك عشان لو ال 94 احسن ارجعها لاصلها

بص.... الموضوع مش فارق فى اى حاجة غير فى التصميم... الاداء و القوة واحد فا متقلقش نفسك

اصلا اللانوس ال1600 فيها نفس الموضوع و بعض الموديلات نازلة بالنظام اللى زى بتاع الاوبل و دة اسمة TEVES


و البعض الاخر نزل بنظام الDAC


و الفرق بينهم فى شكل التيل اللى بيركب و نظام صوابع الكالبر (نظام الTEVES مفيش فيه مشكلة الصوابع اللى بتبوش و تعمل تخبيط مع المطبات)

MMamdouh

[ramyraby]

مبروك التعديل
ربنا يوفقك

[osama.m]

الف مبروك التعديل
حاول تبقى تغير زيت الفرامل كلة بزيت Dot4 هيفرق شوية

[أبو ياسين]

الف مبروك التعديل
حاول تبقى تغير زيت الفرامل كلة بزيت dot4 هيفرق شوية

عملت كده فعلا و شكرا على النصيحة

[أبو ياسين]

بعد الكشف على مشكلة التخبيط الى فى الجنب الشمال عند ميكانيكى (قال كوبلن داخلى) و كمان عفشجى (قال بيض المقصات) و شكىيت فى الاثنين انهم كفتجية و هصرف على الفاضى

رحت لميكانيكى كشف على العفشة كلها و لقى ان البية الميكانيكى كان مركب سوستة واحده للتيل الشمال التانية مش موجوده و رح مربط العفشة كلها و جاب سوستة ب 4 ج و غير بوجيهات و ركب جلده مساعد ورا (كان فى خبط) و فى الاخر 40 ج مصنعية

[ahmedezzat78]

بص.... الموضوع مش فارق فى اى حاجة غير فى التصميم... الاداء و القوة واحد فا متقلقش نفسك

اصلا اللانوس ال1600 فيها نفس الموضوع و بعض الموديلات نازلة بالنظام اللى زى بتاع الاوبل و دة اسمة teves


و البعض الاخر نزل بنظام الdac


و الفرق بينهم فى شكل التيل اللى بيركب و نظام صوابع الكالبر (نظام الteves مفيش فيه مشكلة الصوابع اللى بتبوش و تعمل تخبيط مع المطبات)

mmamdouh

معلومه حلوه قوى

مين فيهم تيل الآوبل و مين تيل النوبيرا؟

[MMamdouh]

الDAC بياخد تيل نوبيرا و الTEVES بياخد تيل اوبل

MMamdouh