لمبة الفرامل stop بتعلق

[starwayy]

لمبة الفرامل stop بتعلق وتنيها منورة لما اكون مشغل انوار العربية

يا ريت حد يفسرى ليه وايه الحل


-

[yassin_samir]

تلاقى مكنة الاستوب اللى ورا دواسة الفرامل هى اللى معلقة و حصل معايا و غيرتها ب 20 جند و ركبتها بنفسى
و اى خدمة

[starwayy]

اولا أشكرك على الاهتمام بالرد
ثانياً يا ريت لو تكرمت تشرحلى ازاى اوصل للمكنة وأغيرها


--

[starwayy]

على فكرة أنا جربت أغير مكنة الستوب ومطلعش العيب منها


-

[hardy_mero]

الموضوع ده كان بيحصل عندى و الحمد لله اتحل

بص يا باشا الزرار بتاع لمض الاستوب موجود قصاد دواسة الفرامل عند الصداده بتاعة الدواسه هتلاقيه ابيض وفيه زرار من قدام الدواسه بتضغط عليه اضغط عليه بصباعك وانت دايس عالدواسه و شوفه بيعلق ولا لا

لو بيعلق معاك يبقى ممكن تغيرها او تنضفها ب wd40 وده اللى انا عملته

لو مش شغال خالص ممكن تروح لكهربائي يراجعلك على توصيله و هو يقولك تغيره ولا لا