مشكلة مع تشغيل التكييف فى شيفورلية لانوس

[mohamed_fayek]

عندى مشكلة لما بشغل التكيبف فى الزحام الشديد وبعد حولى ساعة من المشى بالنهار فقط تبدأ السيارة بالتقطيع وعدم اسحب مع العلم ان امبير الحرارة اقل من النصف بقليل كالعادة ولما اسيب العربية تبرد من المشوار وارجع اسوقها تانى ترجع طبيعيه تانى ومتقطعش هو السبب مع العلم انى مغيرلها كل حاجة سيور كاملة وفلاتر وبوجيهات ..........
وعندى مشكلة تانية فى المشى العادى بدون تكييف لما اديها الغيار الثانى يكون سحبها بطىء جدا وتحس انا مكتومة مع العلم انه بيحصل دة فى الغيار الثانى فقط السيارة موديل 2009

[sherifbmw]

المشكله دى قابلتنى ف موضوع الحراره ف الصيف والتقطيع وكان سببها زيت على البوجيهات ايام تسريب الزيت من جوان غطا التكهات , طبعا غيرت الكلام ده كله وجيبت بوجيهات جديده يبانى مش كورى وظبطت تانى , متساش تكشف ع البوجيهات ساعات بتبقى جديده لكن معطبه او بايظه وبالمره غير سلوك البوجيهات واتاكد ان البوجيه ناشف دايما معلهوش زيت من وش المكنه وطبعا تشوف دورة المياه عندك ف الريدادير دايما تكون نضيفه وسالكه بنبسه للبطئ ف الغيار التانى هيا الدايو كلها كده خصوصا ف المكنه ال Etech 2 انا معايا ف الانوس 1 مفيش اى مشكله , انت بتحس ان العربيه واخده هوا كتير ومش بتجرى الا بعد ما ال ار بى ام يعدى ال 3 ! ده طبيعى ف الانوس 2

[mohamed_fayek]

الف شكر على هذة المعلومات

[mohamed_fayek]

بس انا موديل السيارة 2009 ولسة فيها المية الخضراء بتاعة الفبريكة ممكن يكون الراداتير مسدود رغم ذلك واعرف ازاى انه مسدود اروع لبتاع الراداتير يسلكه والا اعمله غسيل دورة تبريد كفايه

[ahmedezzat78]

بس انا موديل السيارة 2009 ولسة فيها المية الخضراء بتاعة الفبريكة ممكن يكون الراداتير مسدود رغم ذلك واعرف ازاى انه مسدود اروع لبتاع الراداتير يسلكه والا اعمله غسيل دورة تبريد كفايه

لسه بدرى قوى على سدد الرادياتير

اللى عندك ده عيب بوجيهات أو كابلات بوجيهات

[m0hsen]

ازاى البوجيه عليه زيت مش كده يبقى المكنة مفوتة ؟؟؟؟؟؟

[mohamed_fayek]

لا البوجية لسة مغيره نظيف معلهوش زيت او اى حاجة

[elnakshabandy]

غير سلك البوجيهات وهات بوجيهات يابانى من واحد ثقه

[mohamed_fayek]

ان شاء الله هجرب وابلغك ومتشكر جدا على الرد

[mero100]

نفس المشكله عندي في لانوس 2011 و عرضتها في موضوع هنا.. و دايخ و الله و التوكيل غير البوبينه و العيب هوه هوه ( تقطيع أو تنتيش مع التكييف بعد ساعه سواقه في الحر و الزحمه ) و غيرت فلتر البنزين و غيرت المحطه اللي بحط منها مع العلم إن أمبير الحراره مظبوط جدا و المياه مظبوطه و أنا لسه معملتش صيانه ال 10.000 ... معقول ممكن تكون المشكله من البوجيهات ؟ العربيه عامله 9500 كم و البوجيهات اللي فيها شامبيون..البوجيهات ممكن تقطع في الحر بس؟ و بعد ساعه سواقه ؟ أرجو مساعدتي من الخبراء اللي مروا بالموضوع ده
و كل سنه و إنتم طيبين
عمرو إبراهيم

[mero100]

مستني مشاركتكم

[kashtoot]

تسلم ايدك يا باشا

[محمد فريد]

النهارده سوقت عربية الوالد وهى لانوس 2004 كاملة
المهم
اول المشوار من غير التكييف وبعدين شغلته وانا ماشى مشوار 5 دقايق بالظبط المهم السحب مكانش وحش
وانا راجع وطبعا مشغل التكييف من البداية السحب تعبان اوى وبدوس على الدواسة اكنى مش بدوس والعربية بتتخنق جدا لدرجة ان الاكسنت القديمة بتطلع منى زى الطلقة :P
انا عارف انى مش لوحدى وان دى مشكلة عامة فى اللانوس ضعف السحب مع التكييف لكن النهارده كانت زيادة حبتين مش عارف كده عادى ولا انا بيتهيألى خصوصا ان الجو حر والحرارة بتأثر برضه؟

سؤال تانى : عايز اغير بوجيهات ايه أفضل بوجيهات حاليا للانوس (حاليا ngk)

[mohamed_fayek]

خلاص لما تعملها صيانة 10000 كم قلهم عللى المشكلة دى وقولنا الحل