سخونه التابلوه

[hardy_mero]

السلام عليكم ورحمة الله و بركاته

وكل سنه و انتم و كل المصريين بخير بمناسبه شهر رمضان العظيم

انا معايا لانوس 2000 و كنت ماشي بيها بالليل من 8 ل 12 كده
لقيت الجو حر جدا جوه العربيه لدرجه انى بقيت بصب عرق ولما انزل من العربيه الاقي الجو ساقع بره
بصيت على فتحات التكيف لقيتها مش بتطلع هوا سخن بس التابلوه كله سخن و بردو الفتيس و فرامل اليد كانو مولعين

انا قلت علبة البيئه مكتومه لان كان بيطلع منها صوت ونه

ممكن تكون علبة البيئه دى هى سبب المشكله ولا دى مشكلة عزل أو ارتفاع حراره حوض الموتور انا مش عارف
وبردو بصيت عالمياه كانت ناقصه زودتها لتر تقريبا

انا عارف طولت عليكم بس احنا داخلين على صيام و حر
و رمضان كريم

[ramyraby]

متابع والله المستعان بس الجو اليومين دول لا يطاق

[ahmedezzat78]

علبه البيئه تسخن عند فرامل اليد و الفتيس

لكن التابلوه ........ مش عارف شوف كده مثلا مكان مرور الضفيره من الصالون للحوض أو أى فتحع مماثله

و بعدين يمكن واير التكيف بتاع البارد و الساخن مش شغال أو معلق على وضع ساخن

[hardy_mero]

متابع والله المستعان بس الجو اليومين دول لا يطاق

شكرا عالاهتمام .. و ربنا يصبرنا عالحر ده

علبه البيئه تسخن عند فرامل اليد و الفتيس

لكن التابلوه ........ مش عارف شوف كده مثلا مكان مرور الضفيره من الصالون للحوض أو أى فتحع مماثله

و بعدين يمكن واير التكيف بتاع البارد و الساخن مش شغال أو معلق على وضع ساخن

أولا : شكرا لرد حضرتك
بالنسبه لعلبه البيئه أنا متأكد انها بايظه
و التكييف عندى تمام و وايراته سليمه و مش بيطلع هوا و هو مقفول يعنى البوابه بتاعته تمام
طب علشان أشوف الفتحات بين الصالون و الحوض يبقى اكيد التابلوه لازم يتفك
بس في واحد قاللى فتحة الفتيس هى اللى عامله المشكله دى و اأنا مش مقتنع الصراحه
انا شكلى كده في يوم روقان هنزل أفك التابلوه كله وأشوف ايه اللى مستخبى ورا

[ahmedezzat78]

لا شكر على واجب

مافيش داعى تهد الدنيا و تفك التابلوه

سدر العربيه مكشوف قدامك بالكامل لما تبصله من الحوض

[hardy_mero]

لا شكر على واجب

مافيش داعى تهد الدنيا و تفك التابلوه

سدر العربيه مكشوف قدامك بالكامل لما تبصله من الحوض

ربنا يخليك يا باشا

بس انا ممكن اعزل ازاى من الحوض بره وايه العازل اللى احطه ؟

[ahmedezzat78]

مش هتعزل انت بس هتدور على أى فتحه و تسدها

[hardy_mero]

أسدها بأيه كاوتش مثلا ولا فوم اسبراى ولا انت شايف ايه ؟

[ahmedezzat78]

لا كده و لاكده

لو بصيت على صدر العربيه هتلاقى 3 أماكن محتمل تسريب الهواء الساخن من خلالهم من الحوض للصالون
1- دخول مواسير التكيف وده احتمال ضعيف لأن مافيش حركه عليها فصعب الجوان يسرب
2- كاوتش مزيكا السيرفو
3- كاوتش مزيكا عصايه الفتيس

أنا بأقول تبص على 2 أو 3 و لو الكاوتش مقطوع تغيره