إعـــــــلان

Collapse

.

,
See more
See less

أنا لبست في نوبيراااااااااااااا

Collapse
X
 
  • Filter
  • الوقت
  • Show
Clear All
new posts

  • أنا لبست في نوبيراااااااااااااا

    معلش هتقل عليكو يا جماعة وعايز استفسر منك على كام حاجة كده انا لسه مخلص في نوبيرا 2004 فابريقة جوه وسقف وشنطة وكبوت يعني رشة حزام
    فيها جنط ومش محتاجة رش ولا سمكرة وفيها رخصة 3 سنين وعاملة 165000 كم كاملة مانيوال على 44000 ج هل ده سعر كويس ولا لأ
    ثانيا انا بعد ما اشتريتها خلاص الناس كلها قعدت تقولي ليه يابني عملت في نفسك كده نوبيراااا يا راجل حرام عليك دي مشاكلها كتير وكل شوية عند الميكانيكي وعفشتها زبالة وبتسحب بنزين ومش بتاعت حد مشاويره كتير خالص
    بس انا الصراحة العربية عجبتني ومسمعتش كلام حد وبعدين انا قبل ما اشتريها كنت قرأت عنها كتير والناس هنا على المنتدى حببتني فيها جداً وهي فعلا عربية كويسة ولا أنتو ايه رأيكو .. ياريت تقولوي ايه مشاكلها وازاي احافظ عليها وايه اللي الفروض اتابعه فيها

  • #2
    كان الله فى عونك

    Comment


    • #3
      النوبيرا عربيه محترمه جدا و انا من الناس اللى بحبها جدااااااااااااااااااااااا و المانيوال بتاعها احسن من الاوتوماتيك كمان
      انا سمعت ان فيها مشاكل فى العفشه بس مفيش حاجه مبتتحلش
      و اخواتنا هنا فى قسم الدايو هيفيدوك و هيفضلوا معاك لغايه ما تبقى عروسه
      الف مبروك على العربيه و ربنا يكفيك شرها

      Comment


      • #4
        الف مبروك و ربنا يباركلك فيها و متهيالي السعر معقول اوي اما بالنسبة لمشاكل النوبيرا متنهيالي هي مقصتها خلاف كده مفتكرش حد اشتكي منها
        A.Hilmy

        Comment


        • #5
          مبروك عليك العربيه ربنا يديك خيرها ويكفيك شرها
          كل اللى قالك وحشه وفيها وفيها سمع عن العربيه ماركبهاش واقتناها
          وانت عربيتك ماشاء الله فابريكه جوه وبره وكل المشاكل فى المقصات لما تبوظ اللى معاك وان شاء الله متبوظش
          هات مقصين اسبانى ب440 جنيه وانسى مشاكلك
          واللى قالك مش بتاعت مشاوير كبيره قله لا .......... كل الاخوه فى المنتدى اللى معاهم نوبيرا هارينها سفر وانا واحد منهم
          وعلى فكره انا معايا واحد صاحبى معاه 128بيقول انا النوبيرا عربيه اى كلام تصور معاه 128 وبيعيب فى النوبيرا
          هى دى مصر والمصرين
          ومبروك عليك
          [marq="3;right;3;scroll"] لا أله ألا أنت سبحانك انى كنت من الظالمين
          سبحان الذى سخر لنا هذا وما كنا له من المقرنين[/marq]

          Comment


          • #6
            بص يا سيدى مبرووووووووووووووووك ع العربية و اللى قالك عليها مش بتاعت مشواير كتير حرد علية
            1- العربية واسعة جدااا من جوة و بالتالى راحة مهما كان المشوار طويل
            2- الموتور بتاعها استجابتو حلو جداااا و معروف ان موتورها بتاع سفر
            3- قطع غيارها الاستهلاكية نتيجة المشواير الكتير متوافرة و الاسعار رخيصة و درجات

            بالنسبة لمشاكل العربية تتلخص ف 4 حاجات
            1- الكبوت منفخ يعنى لو حد ضغط ع الكبوت من فوق الشبكة بشوية بيطبق
            2- جلب المقصات و ده عندك 3 حلول ا- جلب تويوتا عيون و يتخرطو عند الخراط وانسى الجلب التكلفة 105 جنية (80 جلب 25 خراط)
            ب- جلب الفيرنا بس التكلفة معرفش كام عشان مجربتهاش
            ج- تغير المقصات بمقصات اسبانى .

            3- استهلاك البنزين اعلى قليلا و الحل رشاشات الفيرنا حتقلل الاستهلاك ده لو عالى بالنسبة ليك
            4- لو ماشى ف حتت مكسرة يبقى كل شهر مثلا تربط ع العفشة ب 5 جنية و شكرا
            و دى كل المشاكل العامة بتاعت النوبيرا و حلولها
            و ف النهاية استمتع بعربيتك ع الاخر
            [CENTER]كلمات اتعبت الملائكه فى كتابة الأجر
            ((اللهم لك الحمد كما ينبغى لجلال وجهك وعظيم سلطانك))
            [/CENTER]

            Comment


            • #7
              طالما عجباك و مقتنع بيها متسمعش لكلام حد
              و لا قدر الله وجهتك اى مشاكل اعمل موضوع هنا و هتلاقى ناس كتير هتساعدك

              و خلى بالك من حاجة بسيطة جدا
              العربيات ما هي الا معادلة
              انت شارى عربية بى 44 الف جميع الكماليات + الحجم الكبير (بتشيل جامد) + قطع غيار رخيصة (جدا)
              ولا تسمع كلام الناس التانية و تشترى نوع تانى (كويس برضة) بس اغلى و قطع غيار تقتم الوسط و ممكن تدوخ ورا حاجتها

              فى النهاية الحسبة كلها هترجعلك انت
              [URL=http://www.trippytext.com/][img]http://www.trippytext.com/gen/54/822/095ad67de2e5c7d359a04f3a78e94695.gif[/img][/URL]

              Comment


              • #8
                واحد صاحبى كانت معاه و باعها و جاب ماتريكس .. و بيشكر فى النوبيرا جدا .. و بعدين كفاية انتشارها .. حضرتك بس حافظ عليها و هى ان شاء الله مش هتكسفك
                [CENTER][B]القران الكريم بجودة صوت عاليه جدا[/B]
                http://www.nilemotors.net/Nile/230790-a.html[/CENTER]

                Comment


                • #9
                  مبروك العربية يا باشا .. النوبيرا عربية محترمة جدا جدا و دا انت بنفسك هتحسة
                  سيبك من اللي يعيب في العربية مع احترامي ليهم طبعا بس اكيد سمعوا او اجروا العربية و انت عارف عربيات الايجار عامله ازاي
                  النوبيرا اعتمادية من الدرجة الاولى و واسعة و بتاعة سفر و قطع غيراها متوفرة
                  مشاكل النوبيرا لاتذكر بالنسبة لمميزاتها
                  و اللي بتحتاجة اي عربية تانية بتحتاجة
                  [CENTER]انا معارضة على فكرة :tongue32:
                  [/CENTER]

                  Comment


                  • #10
                    من الاخر يا باشا كل عربيه فيها مميزات و عيوب

                    من اول ال 128 لغايه البى ام

                    يا فرحتى بواحد معاه عربيه حلوه جدا و موتور قوى و كماليات و معامل امان و ييجى فانوس يتكسر يدفعله بالالافات

                    Comment


                    • #11
                      مبروك عليك العربيه

                      و ربنا يكفيك شرها

                      النوبيرا عربيه جميله جدا و زي ما الاخوه فوق قالولك كل مشاكلها محلوله و رخصيه و ماتقلقش
                      [CENTER] [img3]http://www.wathakker.net/designs/images/7amla14.gif[/img3]
                      [B][FONT=Arial][SIZE=4][URL="http://www.nilemotors.net/Nile/187496-a.html"]أرخص و أسهل تعديل[/URL][/SIZE][/FONT][/B]
                      [SIZE=4][URL="http://www.nilemotors.net/Nile/147374-a.html"][FONT=Arial][COLOR=DarkRed][B]ازاي نحافظ على الفتيس الاوتوماتيك[/B][/COLOR][/FONT][/URL][/SIZE]
                      [FONT=Arial][SIZE=4][COLOR=Blue][B][URL="http://www.nilemotors.net/Nile/182370-a.html"]كيف تختبر مكونات السيارة-الجزء الأول[/URL]
                      [URL="http://www.nilemotors.net/Nile/185560-a.html"]كيف تختبر مكونات السيارة-الجزء الثاني[/URL][/B][/COLOR][/SIZE][/FONT]
                      [/CENTER]

                      Comment


                      • #12
                        ربنا يباركلك يارب و يسعدك بيها و سيبك من الكلام الكتير

                        بالنسبة للنوبيرا في رأيي الشخصي انها من احسن العربيات ال 1600 الواسعة في مصر تاني من احسن و ليست الاحسن بس سعرها ممتاز جدا ده موتورها وحش انا كانت مع صاحبي و اخدتها مشوار بقيت هتجنن من قوتها و وسعها من جوه لاني كنت بسمع زيك كده بالظبط و كنت مصدق لحد ما ركبتها

                        الناس مبقتشي تفرح لحد و كل واحد عايز يثبت انه احسن واحد بيفهم حاول متعقدشي نفسك و افرح بحاجتك و اظن الخبراء هنا هيساعدوك في اي حاجة الناس هنا محترمين جدا و خدومين جدا

                        تاني ربنا يباركلك و يكفيك شرها
                        [CENTER]ربي قد مسني الضر و انت ارحم الرحمين
                        لا إله إلا انت سبحانك اني كنت من الظالمين[/CENTER]

                        Comment


                        • #13
                          مبروك عليك عربية محترمة
                          [CENTER]سبحان الله وبحمده سبحان الله العظيم
                          لا تظلمن إذا ما كنت مقتدرا --------- فالظلم يرجع عقباه الى الندم
                          تنام عينك والمظلوم منتبه --------- يدعو عليك وعين الله لم تنم
                          [/CENTER]

                          Comment


                          • #14
                            اولا الف مبروك
                            ثانيا هل العربية عاملة معاك مشاكل لو لا يبقى بلاش تتعب نفسك وتسمع كلام الناس
                            [CENTER]في الماضي كان الخطر الكبير الذي يواجه المصريين النظام الفاسد[/CENTER]
                            [CENTER]الان الخطر الاكبر الذي يواجه مصر والمصريين هو الجهل[/CENTER]

                            Comment


                            • #15
                              الف مبروك علي حضرتك العربيه
                              و حط في تفكير حضرتك إن الناس مبتبطلش كلام أي كلام و السلام
                              مش هاتسمع كلام مقنع أو مفيد أو حقيقي إلا من شخص مؤدب بيتكلم عن اللي يعرفه
                              ما شاء الله عربيتك سعرها جميل و أقل من السوق شويه و عربيه بسيطه و عائليه و قطع غيارها رخيصه و بقالها فوق 13 سنه شغاله مبتقلش
                              أستمتع بالعربيه
                              وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                              Comment

                              Working...
                              X